ந.க.துறைவன் சென்ரியு கவிதைகள்

by **ந.க.துறைவன்** Tue 25 Mar 2014 - 8:18

*
வேதனைத் தாங்க முடியாமல்
வெடித்து வெளியேறுகின்றன
அவளது மௌனக் கண்ணீர்
*
மாப்பிள்ளை பெண்ணுக்கும் போட்டி
விட்டுக் கொடுத்து யார் எடுப்பது?
குடத்திற் குள்ளிருக்கும் மோதிரம்.
*
வலியில் துடித்தான்
தடவினார்கள் சுண்ணாம்பு
தேள் கொட்டிய இடத்தில்.
*

by **Nisha** Tue 25 Mar 2014 - 10:35

நன்றி சார்!

இது ஒரே கவிதையா! அல்லது மூன்று வெவ்வேறு கோணமா!

by **ந.க.துறைவன்** Sat 29 Mar 2014 - 9:54

*
திறந்துப் பார்த்தார் ஊழியர்
காலியாக இருந்தது
தபால் பெட்டி.
*
உள்ளங்கை அரித்தது
பணம் எதிர்ப் பார்த்தேன்
வந்து நி்ன்றான் கடன்காரன்.
*
கலாட்டா வெளிநடப்பு கிடையாது
ஆரோக்கியமான விவாதம்
குழந்தைகள் பார்லிமெண்ட்.

மொட்டை மரங்களாய்
பாதை யெங்கும்
மெட்ரோ ரயில் தூண்கள்.

*

by **கவியருவி ம. ரமேஷ்** Tue 1 Apr 2014 - 5:47

முட்டாள்கள் தினம்{ சென்ரியு }
*
முட்டாள்கள் தினம்
கொண்டாடி மகிழ்ந்தன
நன்றியுடன் நரிகள்.
*
பிரியாணி சமைப்பதற்கு
பறவைகளைச் சுட்டார்கள்
ஆட்டங் காட்டியது காக்கைகள்.
*
கூட்டம் கூட்டமோ கூட்டம்
ஒரு நைட்டி வாங்கினால்
இன்னொரு நைட்டி இலவசம்.
*
சேமித்தப் பணத்திற்குச்
செய்கூலி சேதாரம் இல்லாமல்
வாங்கினார்கள் நகைகள்.
*
கோடிக் கணக்கில் சுருட்டிக் கொண்டு
தலைமறைவாகி விட்டார்கள்
முதலீட்டாளர்கள் கவலை வேதனை.

by **ந.க.துறைவன்** Fri 4 Apr 2014 - 8:14

ஆலமரம் {சென்ரியு}

சுற்றிச் சுற்றி விளையாடும்
குழந்தைகளைப் பார்த்து சிரிக்கிறது
பெரிய ஆலமரம்.
*
குழந்தைகள் புத்தகம் படிக்கிறார்கள்
புத்தகம் குழந்தைகளைப் படிக்கிறது
வளரும் தென்னம்பிள்ளைகள்.
*
உணவே மாத்திரை
மாத்திரையே உணவு

உண்போமா ஆரோக்கிய உணவு.

by **Nisha** Fri 4 Apr 2014 - 15:57

பிரியாணி சமைப்பதற்கு
பறவைகளைச் சுட்டார்கள்
ஆட்டங் காட்டியது காக்கைகள்.

சுற்றிச் சுற்றி விளையாடும்
குழந்தைகளைப் பார்த்து சிரிக்கிறது
பெரிய ஆலமரம்.

வித்தியாசமான பார்வை! கவிதைகள் உணர்த்துவதும் புதிய பாடம் தான்!

தொடர்ந்து பகிருங்கள் சார்!

by **ந.க.துறைவன்** Fri 11 Apr 2014 - 8:31

வலி தாங்காமல்
கதறி அழுகிறது
காதல் கவிதைகள்.
*
எங்கெங்கோ தேடிக் கண்டுபிடித்தான்
பெட்டிக்குள்ளிருந்தது
காணாமல் போன விமானம்..
*
யாரேனும் கொஞ்சம்
சிரித்துக் காட்ட முடியுமா?
அகம்பாவச் சிரிப்பு.
*
கோடைத் தாகமோ?
தண்ணீர் இல்லாதத்
தொட்டியின் மீது காகம்.
*
கிருஷ்ணர் வேஷம் போட்டு
அழகு பார்த்தார்கள்
மொட்டை அடிக்கும் முன்…!

*

by **ந.க.துறைவன்** Tue 15 Apr 2014 - 8:47

*
அழகான தும்பிகள்...!!
*
அவசரமாகப் பறக்கின்றன
ராணுவ ஹெலிகேப்டர்கள்
அழகானத் தும்பிகள்.
*
நிமிர்ந்துப் பார்த்து விட்டது
தோழியைத் தேடி ஒடுகிறது
வேலி தாண்டி ஓணான்.
*
விரும்பி வாங்கினார் விலைக்கு
தாயிடமிருந்துப் பிரித்து
புசுபுசுப் பூனைக் குட்டி.
*
முகம் அறியாத நண்பர்கள்
சந்தோஷமாகப் பேசிக் கொண்டனர்
கோயில் வாசலில் காலணிகள்.

*

ரசித்தேன் ரசித்தேன்

by **ந.க.துறைவன்** Wed 16 Apr 2014 - 7:16

நன்றி இனியவன்...

by **ந.க.துறைவன்** Fri 25 Apr 2014 - 8:16

குளவிகள் { சென்ரியு }
*
வண்டுகளின் இம்சை
பொறுக்காமல் முணுமுணுக்கிறது
அன்றலர்ந்த மலர்கள்.
*
வீரத்திற்கு பெருமை சேர்த்தது
வரலாற்று சின்னமாய்
வன்னிப் பூக்கள்.
*
தோப்பில் திருட வந்தவனை
துரத்தி துரத்திக்
கொட்டியது குளவிகள்.
*
ஐந்து ரூபாய் விலை
கோலி குண்டுப் போல
எலுமிச்சம் பழம்.

by **Nisha** Fri 25 Apr 2014 - 11:54

சென்ரியுக்கள் அழகு!

வண்டுகளின் இம்சை ஏன் பொறுக்காமபோனது மலர்களுக்கு.தேன்ருசித்த பின் அடுத்த மலர் தேடி ஓடி விடுவதால் இருக்குமோ!

ஆனாலும் இந்த வரிகள் சொல்ல வந்த நிஜம் அழகு.

by **ந.க.துறைவன்** Fri 25 Apr 2014 - 13:36

பாராட்டுக்கு நன்றி நிசா...

by **றஸ்ஸாக்** Fri 25 Apr 2014 - 14:32

அருமை இருந்தும் கருத்துக்கள் வேறு படுகின்றன தொடராக அறிமுகம் இன்றி

by Sponsored content

ந.க.துறைவன் சென்ரியு கவிதைகள்

ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்

Re: ந.க.துறைவன் சென்ரியு கவிதைகள்