ஈரிதழும் (உதடுகள்) ஒட்டாமல் வரும் குறட்பாக்கள் எவை?

by **rammalar** Tue 15 Apr 2014 - 16:00

திருக்குறளைக் கூறும்பொழுது ஈரிதழும் (உதடுகள்)
ஒட்டாமல் வரும் குறட்பாக்கள் 20
-
அறத்துப்பாலில் - 3
பொருட்பாலில் 8
இன்பத்துப்பாலில்- 9
-
----------------------------
அந்த 20 குறட்பாக்கள் என்னென்ன..?
-
தெரிந்தவர்கள் சொல்லுங்கள்

by **rammalar** Tue 15 Apr 2014 - 16:04

ஈரிதழும் (உதடுகள்) ஒட்டாமல் வரும் குறட்பாக்கள் எவை? Kural-lips1

குறள் 208:
தீயவை செய்தார் கெடுதல் நிழல்தன்னை
வீயாது அடிஉறைந் தற்று.

விளக்கம் 1:

தீய செயல்களைச் செய்தவர் கேட்டை அடைதல், ஒருவனுடைய நிழல் அவனை விடாமல் வந்து அடியில் தங்கியிருத்தலைப் போன்றது.

விளக்கம் 2:

பிறர்க்குத் தீமை செய்தவர் அழிவது, அவரை அவரது நிழல் விடாது கால்களின் கீழே தங்கியிருப்பது போலாம்.

by **rammalar** Tue 15 Apr 2014 - 16:14

310

இறந்தார் இறந்தார் அனையர் சினத்தைத்
துறந்தார் துறந்தார் துணை
-
மிகுந்த சினமுடையன் உயிருடன் இருப்பினும்
பிணத்துக்கு ஒப்பானவனே ஆவான்.
-
341

யாதனின் யாதனின் நீங்கியான் நோதல்
அதனின் அதனின் இலன்
-------------
ஒருவன் எந்தெந்தப் பொருளின் மீதுள்ள
பற்றிலிருந்து நீங்கி விடுகிறானோ, அந்தந்தப்
பொருளினால் மனத்தெல்லையோ உடல்

தொல்லையோ அவனைப் பற்றாது
-

-------------------------------------------

by **rammalar** Tue 15 Apr 2014 - 16:21

அறிவுடையார் ஆவ தறிவார் அறிவிலார் 
அஃதறி கல்லா தவர்.

(குறள் 427: அறிவுடமை அதிகாரம்)
----
கல்வி கேள்விகளினால் அறிவுடமை பெற்றவர்கள் நல்லவை எவை, அல்லவை
எவை என்பதும், ஒரு செயலின் பின் விளவுகளையும் அறியக்கூடியத் திறமை இருக்கும். அவ்வாறு இல்லாத அறிவற்றவர்களுக்கு, நல்லவை, அல்லவை, செயல்களினால் விளயக்கூடியவை என்கிற எண்ணங்களோ அல்லது ஆராயக்கூடியத் திறமையோ இராது,

by **rammalar** Tue 15 Apr 2014 - 16:24

குறள் 446:
தக்கா ரினத்தனாய்த் தானொழுக வல்லானைச்
செற்றார் செயக்கிடந்த தில்.

விளக்கம் 1:
தக்க பெரியாரின் கூட்டத்தில் உள்ளனவாய் நடக்கவல்ல ஒருவனுக்கு,அவனுடைய பகைவர் செய்யக்கூடியத் தீங்கு ஒன்றும் இல்லை.

விளக்கம் 2:
தகுதி மிக்க துறைப்பெரியவரை நட்பாகக் கொண்டு, அவர் காட்டும் வழியில் நடப்பவரைப் பகைவர் ஏதும் செய்ய இயலாது.

by **rammalar** Tue 15 Apr 2014 - 16:28

குறள் 489:
எய்தற் கரியது இயைந்தக்கால் அந்நிலையே
செய்தற் கரிய செயல்.

விளக்கம் 1:

கிடைத்தற்கறிய காலம் வந்து வாய்க்குமானால், அந்த வாய்ப்பைப் பயன்படுத்திக் கொண்டு அப்போதே செய்தற்கரியச் செயல்களைச் செய்ய வேண்டும்.

விளக்கம் 2:

அடைவதற்கு அரியதை அடைவதற்கு ஏற்ற காலம் வந்து விட்டால் அப்பொழுதே தான் செய்வதற்கு அரிய செயல்களைச் செய்து கொள்க.
---------------
குறள் 668:
கலங்காது கண்ட வினைக்கண் துளங்காது
தூக்கங் கடிந்து செயல்.

மு.வரதராசன் விளக்கம்:

மனம் தளராமல் ஆராய்ந்து துணிந்து ஏற்றத் தொழிலைச் சோர்வு கொள்ளாமல் காலந் தாழ்த்தாமல் செய்து முடிக்க வேண்டும்.

சாலமன் பாப்பையா விளக்கம்:

மனம் தெளிந்து செய்யத் துணிந்த செயலைத் தடுமாறாமல் தாமதிக்காமல் செய்க.
--
குறள் 678:
வினையான் வினையாக்கிக் கோடல் நனைகவுள்
யானையால் யானையாத் தற்று.

மு.வரதராசன் விளக்கம்:

ஒரு செயலைச் செய்யும் போது அச் செயலால் மற்றொரு செயலையும் செய்து முடித்துக் கொள்ளல், ஒரு யானையால் மற்றொரு யானையைப் பிடித்தலைப் போன்றது.

சாலமன் பாப்பையா விளக்கம்:

ஒரு செயலைச் செய்யும்போதே இன்னொரு செயலையும் செய்து கொள்வது மதநீர் வழியும் யானையால் இன்னொரு யானையைப் பிடிப்பது போலாம்.

by **rammalar** Tue 15 Apr 2014 - 16:31

குறள் 894:
கூற்றத்தைக் கையால் விளித்தற்றால் ஆற்றுவார்க்கு
ஆற்றாதார் இன்னா செயல்.

மு.வரதராசன் விளக்கம்:

ஆற்றல் உடையவர்க்கு ஆற்றல் இல்லாதவர் தீமை செய்தல், தானே வந்து அழிக்க வல்ல எமனைக் கைகாட்டி அழைத்தாற் போன்றது.

சாலமன் பாப்பையா விளக்கம்:

அறிவு, செல்வம், படை ஆகிய மூன்று வகை ஆற்றலும் உடையவர்க்கு, அவை இல்லாதவர் முதலில் தீமை செய்வது தாமே எமனைக் கைநீட்டி அழைப்பதைப் போன்றது.
-------------------------------

குறள் 1080:
எற்றிற் குரியர் கயவரொன்று உற்றக்கால்
விற்றற்கு உரியர் விரைந்து.

மு.வரதராசன் விளக்கம்:

கயவர், எதற்கு உரியவர், ஒரு துன்பம் வந்தடைந்த காலத்தில் அதற்காக தம்மை பிறர்க்கு விலையாக விற்றுவிடுவதற்கு உரியவர் ஆவர்.

சாலமன் பாப்பையா விளக்கம்:

தமக்கு லாபமோ நட்டமோ வரும் என்றால் தம்மைப் பிறர்க்கு அடிமை ஆக்குவர்; இதற்கு அன்றி வேறு எந்தத் தொழிலுக்குக் கயவர் உரியர் ஆவர்?.
-

by **rammalar** Tue 15 Apr 2014 - 16:38

உதடு ஒட்டாது பாடும் குறட்பாக்கள் 24 கீழ் வருவன:
208, 240, 296. 310. 341,
419, 427, 472, 489, 516,
523, 678 679, 894, 1080,
1082, 1177, 1179, 1211, 1213,
1214, 1236, 1286, 1296.
-

by Sponsored content

ஈரிதழும் (உதடுகள்) ஒட்டாமல் வரும் குறட்பாக்கள் எவை?

ஈரிதழும் (உதடுகள்) ஒட்டாமல் வரும் குறட்பாக்கள் எவை?

Re: ஈரிதழும் (உதடுகள்) ஒட்டாமல் வரும் குறட்பாக்கள் எவை?

Re: ஈரிதழும் (உதடுகள்) ஒட்டாமல் வரும் குறட்பாக்கள் எவை?

Re: ஈரிதழும் (உதடுகள்) ஒட்டாமல் வரும் குறட்பாக்கள் எவை?

Re: ஈரிதழும் (உதடுகள்) ஒட்டாமல் வரும் குறட்பாக்கள் எவை?

Re: ஈரிதழும் (உதடுகள்) ஒட்டாமல் வரும் குறட்பாக்கள் எவை?

Re: ஈரிதழும் (உதடுகள்) ஒட்டாமல் வரும் குறட்பாக்கள் எவை?

Re: ஈரிதழும் (உதடுகள்) ஒட்டாமல் வரும் குறட்பாக்கள் எவை?

Re: ஈரிதழும் (உதடுகள்) ஒட்டாமல் வரும் குறட்பாக்கள் எவை?