வரலாற்றுப் பாடவேளையில் 2ம் உலகப் போர் வெடிகுண்டுடன் வந்த மாணவன்

நியூயார்க்: அமெரிக்காவில் பள்ளிக்கூட வகுப்பறையில் இரண்டாம் உலகப் போர் குறித்து ஆசிரியர் பாடம் நடத்திக் கொண்டிருந்தபோது, இரண்டாம் உலகப் போர் காலத்து கையெறி குண்டுடன் வகுப்புக்கு வந்த 12 வயது மாணவனால் பரபரப்பு ஏற்பட்டது.

லிசா மேரி மிகுயுல், 44, என்பவரின் கணவர் ராணுவத்தில் பணியாற்றியவர்; சில ஆண்டுகளுக்கு முன் இறந்து விட்டார். உயிருடன் இருந்தபோது தன் மகன் பிறந்த நாளின் போது கையெறி குண்டு ஒன்றை பரிசாக வழங்கியுள்ளார். அப்போது, இது, இரண்டாம் உலகப் போர் காலத்து குண்டு; எனினும் பயன்படுத்தப்படவில்லை; பத்திரமாக வைத்துக் கொள் என, கூறி சிறுவனிடம் கொடுத்துள்ளார்.

வீட்டிலிருந்த அந்த வெடிகுண்டை மாணவன் தன் பையில் எடுத்து வந்து, இரண்டாம் உலகப் போர் குறித்து பாடம் நடத்திக் கொண்டிருந்த ஆசிரியரிடம் காண்பித்த போது ஆசிரியர் அதிர்ச்சி அடைந்தார்; மயக்கம் வர இருந்த நிலையில் போலீசுக்கு தகவல் கொடுத்தார். போலீசார் விரைந்து வந்து அந்த வெடிகுண்டை கைப்பற்றி பத்திரமாக எடுத்துச் சென்றனர்.

அந்த கையெறி குண்டு கீழே விழுந்து வெடித்திருந்தால் 20 அடி சுற்றளவில் பலத்த பாதிப்பை ஏற்படுத்தியிருக்கும் என, போலீசார் தெரிவித்தனர். இந்த சம்பவத்தை அடுத்து வெடிகுண்டை பத்திரமாக வைத்திருக்காத அந்தச் சிறுவனின் தாய் லிசா மேரி மிகுயுல் மீது போலீசார் வழக்கு தொடர்ந்துள்ளனர்.

நன்றி: தினமலர்

நிஜமா இருக்கட்டுமேன்னு கொண்டுவந்திருக்கான்.