அமைச்சர் ஹக்கீமின் வேண்டுகோளுக்கிணங்க அளுத்கமைக்கு விரைந்த பொலிஸ்மா அதிபர் :அமைச்சர் குமார் வெல்கம வ

அளுத்கம மற்றும் தர்கா நகர் ஆகிய பிரதேசங்களின் பாதுகாப்பு பலப்படுத்தப்பட்டுள்ளதுடன் விசேட அதிரப் படையினர் பாதுகாப்பு நடவடிக்கையில் ஈடுபடுத்தப்பட்டுள்ளது

நீதி அமைச்சர் ரவூப் ஹக்கீம் அவர்களின் வேண்டுகோளை ஏற்று பொலிஸ் மா அதிபர் என்.கே.இளங்ககோன் அளுத்கமவிற்கு சென்றதாக முஸ்லிம் காங்கிரஸ் பொது செயலாளர் ஹசன் அலி அவர்கள் தெரிவித்தார்கள்.

தற்போது அம்பாறையில் இருந்து கொழும்பு நோக்கி அவசரமாக புறப்பட்ட நீதி அமைச்சர் அளுத்கம விடயம் தொடர்பாக எடுக்க வேண்டிய சகல நடவடிக்கைகளை மேற்கொள்வார் எனவும் முஸ்லிம் காங்கிரஸ் பொது செயலாளர் ஹசன் அலி அவர்கள் தெரிவித்தார்கள் .

பொலிஸ் மா அதிபரின் இந்த விஜயத்தின் போதுஅழுத்கமவில் ஊரடங்குச் சட்டத்தினை பிறப்பிக்குமாறு பலர் கோரிக்கை விடுத்திருந்த போதிலும் இன்றிரவு பொசன் போயா தினம் என்பதால் ஊரடங்கு அமல்படுத்தப்படவில்லை என்பது குறிப்பிடத்தக்கது .

மேலும் களகத்தில் ஈடுபட்டவர்களை அமைதியாக இருக்குமாறு கோரிக்கை விடுத்த போக்குவரத்து அமைச்சர் குமார் வெல்கம மற்றும் அவரது புதல்வர் ஆகியோரின் வாகனங்களின் மீது இன்று மாலை தாக்குதல் மேற்கொள்ளப்பட்டுள்ளது .அளுத்கம பொலிஸ் நிலையத்திற்கு அருகில் வைத்தே இந்த தாக்குதல் மேற்கொள்ளப்பட்டுள்ளது. இதனால் அமைச்சரின் வாகனத்தின் பின் கண்ணாடி சேதமடைந்துள்ளமை குறிப்பிடத்தக்கது.