கொட்டகலை சுகாதார வைத்திய அதிகாரிக்கு எதிராக ஆர்ப்பாட்டம்

by **Naseeb Mohammed** Sat 14 Jun 2014 - 20:50

கொட்டகலை சுகாதரா வைத்திய அதிகாரியை இடமாற்றம் செய்யக்கோரி பொது மக்களால் ஆர்ப்பாட்டம் ஒன்று இன்று சனிக்கிழமை காலை முன்னெடுக்கப்பட்டது.

ஹட்டன் - நுவரெலிய பிரதான பாதையில் கொட்டகலை சுகாதார வைத்திய அதிகாரி காரியாலயத்திற்கு முன்னால் கூடிய சுமார் 2000 பேர் இந்த போராட்டத்தை முன்னெடுத்தனர்.

சுகாதார வைத்திய அதிகாரி தமது கடமைகளை சரியான முறையில் செய்யாத காரணத்தினால் தமக்கான வைத்திய தேவைகளுக்காக தாம் பல்வேறு சிரமங்களை எதிர் நோக்குவதாகவும் தமது தோட்டத்திலேயே தாம் பெற்றுக்கொள்ள வேண்டிய சுகாதார மாராமரிப்பு சேவைகளுக்காக தாம் கொட்டகலை சுகாதார வைத்திய அதிகாரி அலுவலகத்திற்கு தமது வேலையையும் தியாகம் செய்து பஸ்சிற்கு பணமும் செலவிட்டு வரவேண்டியுள்ளதாகவும் அப்படியே வந்தாலும் தமக்கு உரிய நேரத்திற்கு அந்த சேவைகளை பெற்றுக் கொள்ள முடியாதுள்ளதாலும் உடனடியாக சுகாதார வைத்திய அதிகாரியை மாற்றம் செய்யும் படி கோரியே இந்த சுகாதார வைத்திய அதிகாரி கட்டுப்பாட்டு தோட்டங்களை சேர்ந்தவர்கள் இந்த போராட்டத்தை முன்னெடுத்தனர்.