ரஜினிக்கு வில்லனான மாவீரன் தேவ் சிங்

தெலுங்கில் வெளிவந்த மகாதீரா (தமிழில் மாவீரன்) படத்தில் வந்த பவர்புல் வில்லன் தேவ் சிங்கை அவ்வளவு எளிதில் யாரும் மறந்திருக்க முடியாது.

அவர்தான் இப்போது லிங்கா ரஜினியில் ஒரு வில்லனாக நடித்து வருகிறார். இன்னொரு வில்லன் ஜெகபதி பாபு என்கிறார்கள்.

இதுகுறித்து தேவ் சிங் கூறியிருப்பதாவது: லிங்கா படத்தில் நான் நடித்து வருவது உண்மைதான். சுதந்திரத்திற்கு முந்தைய காலகட்ட கதையில் ரஜினியை எதிர்க்கும் ஜமீன்தார் கெட்அப்பிலான வில்லன் தேடியிருக்கிறார்கள்.

மகதீரா உள்ளிட்ட சில படங்களில் என்னை பார்த்து விட்டு இயக்குனர் கே.எஸ்.ரவிகுமார் என்னை தேர்வு செய்தார். ஒவ்வொரு நடிகனுக்கும் ரஜினியுடன் நடிக்க வேண்டும் என்பது கனவு அது எனக்கு நிறைவேறியிருக்கிறது.

மற்றவர்களை எப்படி புரிந்து நடந்து கொள்ள வேண்டும் என்பதை ரஜினி சாருடன் நடித்தபோது அவரிடமிருந்து கற்றுக் கொண்டேன். ஒவ்வொரு படத்திலும் சாதனை படைக்கிறீர்கமிளே எப்படி என்று அவரிடம் கேட்டேன்.

ஒவ்வொரு படத்தையும் எனது முதல் படமாக நினைத்து வேலை செய்கிறேன் என்றார். இது அவரிடம் கற்ற இரண்டாவது பாடம். இன்னும் நிறைய கற்றுக் கொள்வேன் என்று நினைக்கிறேன். என்கிறார் தேவ் சிங்.

சூர்யா படத்தில் மைக்மோகன் வில்லனாக நடிக்கிறார். 1970 மற்றும் 80 களில் மைக்மோகன் தமிழில் முன்னணி கதாநாயகனாக இருந்தார். தற்போது கன்னட படங்களில் குணசித்திர வேடங்களில் நடிக்க வருகிறார். நீண்ட இடை வெளிக்கு பிறகு தமிழில் தற்போது வில்லனாக வருகிறார்.

சூர்யாவை வைத்து வெங்கட் பிரபு இயக்கும் படத்துக்கு அவரை வில்லனாக ஒப்பந்தம் செய்துள்ளதாக தகவல் வெளியாகியுள்ளது. இந்த படத்துக்கு பூச்சாண்டி என பெயர் வைத்துள்ளதாக பேசப்படுகிறது. ஏற்கனவே சரோஜா, மங்காத்தா, பிரியாணி உள்ளிட்ட ஹிட் படங்களை வெங்கட் பிரபு கொடுத்துள்ளதால் இந்த படத்துக்கும் பலத்த எதிர்பார்ப்பு ஏற்பட்டுள்ளது.

பிரியாணியில் முன்னாள் கதாநாயகன் ராம்கியை நடிக்க வைத்தது போல் பூச்சாண்டியில் மைக் மோகளை வில்லனாக்கியுள்ளார். சூர்யா தற்போது அஞ்சான் படப்பிடிப்பில் தீவிரமாக இருக்கிறார். இந்த படம் முடிந்ததும் பூச்சாண்டி பட வேலைகள் துவங்குகின்றன.
"இந்த செய்தி / கட்டுரைக்குரிய உங்கள் கருத்தை கீழே பதிவு செய்யுங்கள்"