கமல், சூர்யா வழியில் இசையமைப்பாளர் ஜிவி பிரகாஷ்

இசையமைப்பாளரும், நடிகருமான ஜி.வி.பிரகாஷ்குமார் நேற்று அவருடைய பிறந்த நாளை வெகு சிறப்பாக கொண்டாடினார்ரசிகர்கள் அமைவது இறைவன் கொடுத்த வரம் என்பார்கள், ஆனால் அது அவரவர் சுயநலத்துக்காக பயன்படாமல் இருந்தால் சரி. இன்றைய தலைமுறை நடிகர் நடிகைகள் 2 படம் நடித்துவுடன் தனக்கென ரசிகர் மன்றத்தை உருவாக்கி கொள்கின்றனர்.அது போல் தற்போது நடிகராக உருவெடுத்திருக்கும் ஜி.வி. பிரகாஷ் ரசிகர் நற்பணி மன்றத்தை தொடங்கினார். தனது சென்னை மாவட்ட ரசிகர் மன்றத்தின் மூலம் வெகு விமர்சையாக பிறந்தநாளை கொண்டாடினார்.விழாவில் 10 கிலோ கேக் வெட்டப்பட்டது, ரசிகர்கள் அவருக்கு ஆளுயர மாலை, தலைக்கிரீடம், வெள்ளி வாள் மற்றும் பரிசு பொருட்களை கொடுத்து தம் மகிழ்ச்சியை வெளிப்படுத்தினர்.ஜி.வி. பிரகாஷ் தனது ரசிகர் மன்றத்தை பற்றி ஒரு அறிக்கை வெளியிட்டுள்ளார்.என்னுடைய ரசிகர்கள் பெரும்பாலும் இளைஞர்கள். அவர்கள் ஃபேஸ்புக், ட்விட்டர் என பரவி கிடக்கிறார்கள். அவர்கள் அனைவரையும் ஒரே குடையின் கீழ் ஒரு அமைப்பாக மாற்றவே இந்த நற்பணி மன்றம் துவக்கினேன்நிச்சயமா நம்மை நேசிக்கின்ற இளைஞர்களை வைத்து இங்கு ஆக்கப் பூர்வமான செயல்களை செய்ய முடியும். அதற்கு உதரணமா கமல் சார் மற்றும் சூர்யா சார் நற்பணி மன்றங்கள் இருக்கின்றன. அவர்களின் பாதையில் தான் நானும் பயணிக்க விரும்புகிறேன் என்றார். -