கர்ப்பிணி பெண் பெற்றெடுத்தது பல்லியா? இந்தோனேஷியாவில் பரபரப்பு

ஜகார்த்தா : கர்ப்பமான பெண், குழந்தைக்கு பதிலாக பல்லியை பிரசவித்த விசித்திர சம்பவம், இணையதளத்தில் வெளியானதையடுத்து, பெரும் பரபரப்பை ஏற்பட்டுள்ளது. இது பொய்ச் செய்தி எனக் கூறும் அறிவியல் வல்லுனர்கள், இதன் உண்மைத் தன்மை குறித்து, ஆராயத் துவங்கி உள்ளனர்.


பிரசவ வலி


இந்தோனேஷியாவின், ஒயினூண்டோ கிராமத்தை சேர்ந்தவர், டெபி நியூபாடோனிஸ், 31; எட்டு மாத கர்ப்பிணியான இந்தப் பெண்ணுக்கு, கடந்த மே மாதம், பிரசவ வலி ஏற்பட்டது. இவருக்கு பிரசவம் பார்த்த உள்ளூர் மருத்துவச்சி, பல்லி ஒன்றை, டெபி பெற்றெடுத்ததாக, அவருடைய உறவினர்களிடம் காட்டினார். இது, அந்தப் பெண்ணின் குடும்பத்தினர் மட்டுமல்லாமல், ஊர்மக்களுக்கும் பெரும் அதிர்ச்சியை ஏற்படுத்தியது. பெண்ணுக்கு யாரோ, செய்வினை செய்து விட்டதாகக் கூறினர்.இந்தத் தகவல், இணையதளத்தில் வெளியானதை அடுத்து, மருத்துவ உலகில் பெரும் பரபரப்பு ஏற்பட்டது. பெண்ணுக்கு பல்லி பிறந்தது என்பதை விஞ்ஞானிகள் ஏற்கவில்லை.

உள்ளூர் தலைமை மருத்துவ அதிகாரி, டாக்டர் மெசே அடாப்பா கூறியதாவது: பெண்ணுக்கு, பல்லி பிறந்தது என்பதை ஏற்க முடியாது. எந்தஉயிரினமும், மற்றொரு உயிரினத்தை பெற்றெடுக்க சாத்தியமில்லை.ஆனால், கர்ப்பமான பெண்களுக்கு ஏற்படும் அனைத்து அறிகுறிகளும், அந்தப் பெண்ணுக்கு இருந்ததாக, உள்ளூர் மக்கள் கூறியுள்ளனர்.

போலி கர்ப்பம்


உண்மையான கர்ப்பிணிகளுக்கு ஏற்படும் அனைத்து அறிகுறிகளும், போலி கர்ப்பிணிகளுக்கும் காணப்படும்; பிரசவ வலியும், ரத்தப் போக்கும் ஏற்படும். இந்தப் பெண்ணின் கர்ப்பம் போலியானதாக இருந்திருக்கக் கூடும்.இந்த நிலையில், பிரசவ வலி வந்தபோது, மேலிருந்து பல்லி விழுந்திருக்கலாம். அதன் மீது பெண்ணின் ரத்தக் கறை சிந்தியிருக்கலாம். பொய்யான பிரசவம் என்பதை அறியாத மருத்துவச்சி, பல்லி பிறந்ததாக கூறியிருக்கலாம்.இவ்வாறு டாக்டர் மெசேகூறியுள்ளார்.

நன்றி:தினமலர்

இதெல்லாம் பொய்யான செய்தி