இலங்கை கடற்படையால் கைது செய்யப்பட்ட 46 மீனவர்கள் இன்று தமிழகம் திரும்புகிறார்கள்

புதுடெல்லி, ஜூன் 20-

கச்சத்தீவு அருகே மீன் பிடித்துக் கொண்டிருந்த ராமேசுவரத்தை சேர்ந்த 46 மீனவர்களை 11 படகுகளுடன் 18-ந்தேதி இரவு இலங்கை கடற்படையினர் சிறைபிடித்தனர். தமிழக மீனவர்களை உடனடியாக விடுதலை செய்ய நடவடிக்கை மேற்கொள்ள வேண்டும் என்று பிரதமர் நரேந்திர மோடிக்கு தமிழக முதல்-அமைச்சர் ஜெயலலிதா கடிதம் அனுப்பியிருந்தார்.

தமிழக முதல்-அமைச்சர் கோரிக்கையின் அடிப்படையில் பிரதமர் நரேந்திர மோடி தமிழக மீனவர்களை உடனடியாக விடுதலை செய்து தமிழகத்திற்கு அழைத்து வரும்படி, வெளியுறவு மந்திரி சுஷ்மா சுவராஜை வலியுறுத்தினார்.

அதன்படி இலங்கையில் உள்ள இந்திய தூதரின் நேரடி மேற்பார்வையில் மேற்கொண்ட நடவடிக்கை காரண மாக நேற்று மாலை வரை 24 மீனவர்கள் மற்றும் 4 படகுகள் மீட்கப்பட்டு மன்னாருக்கு கொண்டுவரப்பட்டனர். இன்று (வெள்ளிக்கிழமை) மீதமுள்ள 22 மீனவர்கள் மற்றும் அவர்களது படகுகள் மீட்கப்பட்டு மன்னாருக்கு அழைத்துவரப்படுவார்கள்.

இன்று மாலையே 46 மீனவர்களும் படகுகளுடன் தமிழகத்திற்கு அழைத்து வரப்பட இருப்பதாக இந்திய வெளியுறவு அமைச்சகத்தின் செய்தி தொடர்பாளர் சையத் அக்பருதின் நேற்று டெல்லியில் தெரிவித்தார்.

-மாலைமலர்

கச்சத் தீவு அருகே இந்திய கடற்படை
உலவினால் மட்டுமே இந்த கைது
நடவடிக்கை தடுக்க இயலும்...!
-