'பதக்கங்கள் குவிக்க ஆசை'

சென்னை, வில்லிவாக்கம், பாபா நகரை சேர்ந்தவர், தடகள வீராங்கனை கீர்த்தனா, 19. அண்ணா ஆதர்ஷ் கல்லூரியில், பி.காம்., மூன்றாம் ஆண்டு படித்து வருகிறார். இவர், தேசிய, மாநில அளவிலான போட்டிகளில் பங்கேற்று, 75க்கும் அதிகமான பதக்கங்களை குவித்துள்ளார். கீர்த்தனா, விளையாட்டு மட்டும் இன்றி, படிப்பிலும் கில்லாடி. பிளஸ் 2 பொதுத் தேர்வில், 1,140 மதிப்பெண் பெற்றுள்ளார்.

அவர் கூறியதாவது:என் அப்பா குமார், தனியார் நிறுவனத்தில் பணிபுரிகிறார். அம்மா, தனியார் நிறுவனத்தில், அக்கவுன்ட்டென்ட்டாக உள்ளார்.ஆறாம் வகுப்பு படிக்கும்போது, என் உடற்கல்வி ஆசிரியர் விஜயபாபு, வேகமாக ஓடுவதாக கூறி, பயிற்சியில் ஈடுபட வைத்தார். அன்று முதல், எல்ஷடாய் தடகள பயிற்சி மையத்தில் பயின்று வருகிறேன்.காலை, 6:00 மணி முதல், 8:00 மணி வரையும், மாலை, 4:00 மணி முதல், 6:00 மணி வரையும், தீவிர பயிற்சியில் ஈடுபடுகிறேன். இதுவரை, தமிழக அணிக்காக, தேசிய போட்டிகளில், 10 முறை பங்கேற்றுள்ளேன்.மாநில அளவில், 2012ல், சென்னையில் நடந்த மும்முனை தாண்டுதலில் தங்கம் வென்றேன். திருவண்ணாமலையில், கடந்த 2013ல் நடந்த, மாநில அளவிலான, 100 மீ., தடை ஓட்டத்தில், தங்கம் பதக்கம் கிடைத்தது.சென்னையில் நடந்த பெடரேஷன் கோப்பை போட்டியில், ஹெப்டாத்லானில், வெண்கல பதக்கம் வென்றேன். தேசிய அளவிலான பெண்கள் ஓபன் 100 மீ., தடை ஓட்டத்தில், வெண்கலம் வென்றேன். இதில், பந்தய தூரத்தை, 14.3 வினாடிகளில் கடந்து, சிறந்த வீராங்கனை ஆனேன். ஆசிய, காமன்வெல்த், ஒலிம்பிக் போட்டிகளில் பங்கேற்று, பதக்கங்களை குவிக்க வேண்டும் என்பதே, என் அடுத்த இலக்கு.இவ்வாறு கீர்த்தனா தெரிவித்தார்.

நன்றி:தினமலர்

கீர்த்தனா புகைப்படத்தை பதிந்து
அவரை பெருமைப்படுத்தி இருக்கலாம்...!
-