மாணவர்களின் திறமைகளை வெளிக்கொண்டு வருபவர் ஆசிரியர்'

சென்னை: ''மாணவர்களின் திறமைகள், புத்திசாலித்தனம் ஆகியவற்றை, வெளிக்கொண்டு வருபவர்கள் ஆசிரியர்கள்,'' என, பேராசிரியை பர்வீன் சுல்தானா தெரிவித்தார்.

சொற்பொழிவு:

சென்னை, கீழ்ப்பாக்கம், ராஜாஜி வித்யாஸ்ரம் பள்ளியில், கணித மேதை, பி.கே.ஸ்ரீனிவாசனின், ஒன்பதாம் ஆண்டு, நினைவு சொற்பொழிவு, நேற்று நடந்தது. இதில், பர்வீன் சுல்தானா பேசியதாவது: யார் ஒருவர் இறந்த பின்பும், அவரை பற்றி பேசுகிறோமோ, அவர் தான் சிறந்த மனிதர். அச்சம் எப்போது, தவிர்க்கப்படுகிறதோ, அப்போது தான், கற்றல் தோன்றுகிறது. குழந்தைகளை புரிந்து கொள்ளாதவர்கள், பாவிகள். குழந்தையின் மொழியில், கணிதத்தை கற்று கொடுத்தவர் ஸ்ரீனிவாசன். அவர், அறிவியல் பாடங்களுக்கு, ஆய்வு கூடம் இருப்பது போல், கணித பாடத்திற்கும் ஆய்வு கூடம் தேவை என்ற கருத்தை வலியுறுத்தியவர்.

உயர்ந்த நிலை:

மாணவர்கள், மனப்பாடம் செய்து படிப்பதை விட, புரிந்து கொண்டு படிக்க வேண்டும். நிறைய மதிப்பெண் வாங்கினால், அதிகம் சம்பாதிக்கலாம். அதே சமயம், நன்றாக புரிந்து படித்தால், நாம் அடுத்தவருக்கு சம்பளம் கொடுக்கும் நிலை உருவாகும். மாணவர்களின் திறமைகள், புத்திசாலித்தனம் ஆகியவற்றை, வெளிக் கொண்டு வருபவர்களே ஆசிரியர்கள். எனவே, அவர்களின் சொற்படி நடந்தால், வாழ்க்கையில் உயர்ந்த நிலைக்கு செல்லலாம். இவ்வாறு, அவர் பேசினார்.

பி.கே.சீனிவாசன் மக னும், தொழில் ஆலோசகருமான கண்ணன் ஸ்ரீனிவாசன் பேசியதாவது: தலைசிறந்த கணித மேதை ராமானுஜத்தின் வாழ்க்கை வரலாற்றை, பட்டித் தொட்டி எல்லாம் கொண்டு சேர்த்தவர், பி.கே.ஸ்ரீனிவசாசன். கணிதம் மீது, வெறுப்பு ஏற்படாத வகையில், மாணவர்களுக்கு எப்படி கற்றுத் தர வேண்டும் என்பதற்காக, பல புத்தகங்களை வெளியிட்டுள்ளார். அவரிடம் பாடம் படித்த பலர், இன்று, கணித பேராசிரியர்கள், மேதைகளாக, உலகின் பல்வேறு இடங்களில், பணிபுரிகின்றனர். இவ்வாறு, அவர் கூறினார்.

-தினமலர்

அம்மா அப்பாவுக்கு அடுத்த ஸ்தானத்தில்
வைத்து எண்ணப்படுபவர் ஆசிரியர்
-
இன்றும் பல நல்லாசிரியர்கள் இருக்கத்தான்
செய்கிறார்கள்...
-

பர்வீன் சுல்தானா நல்ல பேச்சாளர் பட்டிமன்ற பேச்சாளர்கூட , திறமையாக பேசுவார் .. நல்லாசிரியர்கள் எங்கும் இருக்கிறார்கள் இடையே சில கருப்பு ஆடுகள் நுழைந்து விடுகின்றன என்ன செய்வது

Association of Mathematics Teachers of India (AMTI)
என்ற அமைப்பு உருவாக முக்கியமான காரணியாக
இருந்தவர் கணித மேதை, பி.கே.ஸ்ரீனிவாசன்,
-
இந்த அமைப்பின்மூலம் பல்வேறு ஊர்களுக்கும்
சென்று கணித ஆசிரியர்களுக்கு பயிற்சி வகுப்புகள்
நடத்தி அதன்மூலம் பள்ளிகளில் கணிதம்
பயிற்றுவிப்பதை 'ஜாலியான' ஒரு நிகழ்வாக மாற்ற
பாடுபட்டவர்
-
முதலாம் ஆண்டு நினைவையொட்டி அவரது
குடும்பத்தினர் அவரைப்பற்றிய(பி.கே.எஸ்)
ஒரு குறும்படத்தைத் திரையிட்டுனர்
-