ரயில் பயண கட்டண உயர்வு எதிரொலி : 3 நாளில் 5 லட்சம் ரயில் பாஸ்கள் விற்பனை

மும்பை : ரயில் கட்டண உயர்வு அதிகரித்துள்ள நிலையில், பயணச்செலவு அதிகரிக்கும் என்று பலர் சீசன் டிக்கெட் மற்றும் ரயில்வே பாஸ்கள் வாங்க முயன்றதையடுத்து, மும்பையிலுள்ள ரயில் ஸ்டேசன்கள் 3 நாட்களில், 5 லட்சம் என்ற அளவிற்கு விற்பனை செய்துள்ளது.
ரயில் பயண கட்டணம் 14.2 என்ற சதவீதமும், சரக்கு கட்டணம் 6.5 என்ற சதவீதமும் மத்திய ரயில்வே துறை உயர்த்தியுள்ளது. முதல் 80 கி.மீ அளவிற்கு, ரயில் கட்டணம் உயர்த்தப்படவில்லை, முன்பதிவு செய்யப்படாத (அன்ரிசர்வ்டு) ரயில் பெட்டிகளில் பயணம் செய்வதற்கான கட்டண உயர்வு, வரும் 28ம் தேதி முதல் அதிகரிக்க உள்ளது. புதிய கட்டண அமலுக்கு இன்னும் 3 நாட்கள் உள்ள நிலையில், ரயில் பாஸ்களை வாங்க, மும்பை மக்கள் கடும் முயற்சியில் ஈடுபட்டுள்ளனர். இதன்காரணமாக, கடந்த 3நாட்களில், 5 லட்சம் ரயில் பாஸ்கள் விற்பனை செய்யப்பட்டுள்ளன.
இதுகுறித்து ரயில்வே உயர் அதிகாரி கூறியதாவது, கடந்த திங்கட்கிழமை (ஜூன் 23ம் தேதி) மட்டும் ரூ. 7.08 லட்சம் மதிப்பிற்கு சீசன் டிக்கெட்கள் விற்பனையாகியுள்ளது. அன்று மட்டும், 95,385 பேர் சீசன் டிக்கெட் எடுத்துள்ளனர். இரவு நேரங்களில், சீசன் டிக்கெட் எடுக்க அதிகபட்சம் 20 பேர் மட்டுமே இருந்த நிலையில், தற்போது ஆயிரத்திற்கும் மேற்பட்டோர் வரிசையில் காத்து நிற்கின்றனர். மேற்கு ரயில்வே ஸ்டேசன்களில் 96,916 பேரும், சென்ட்ரல் மெயின் மற்றும் ஹார்பர் ரயில்வே ஸ்டேசன்களில் 95,385 பேரும் ரயில் பாஸ்களை வாங்கியுள்ளனர்.
மேற்கு ரயில்வேயில், கடந்த திங்கட்கிழமை, 97 ஆயிரம் சீசன் டிக்கெட்களும், செவ்வாய்க்கிழமை 84 ஆயிரம் சீசன் டிக்கெட்களும் விற்பனையாகியுள்ளன.
ரயில் பாஸ் மற்றும் சீசன் டிக்கெட்களின் விற்பனை அதிகரித்துள்ளதையடுத்து, ரயில்வே ஊழியர்களும் தங்களுக்கு நிர்ணயிக்கப்பட்ட பணி நேரத்தை காட்டிலும், கூடுதல் நேரம் பணிபுரிந்து வருகின்றனர்.

-தினமலர்

கட்டண உயர்வு தேதிக்கு முன்னால்
பாஸ் வாங்கினாலும் வித்தியாசத் தொகை
செலுத்தப்படத்தான் வேண்டும்..!
-
அப்படித்தானே?
-