இனிப்பு பானங்கள் ஆண்களை மலடாக்கும்!!

இனிப்புப் பானங்களுக்கு அடிமையாக இருக்கும் ஆடவர்கள் தந்தை ஆகும் வாய்ப்பை இழக்கிறார்கள் என்று அண்மையில் நடந்தஒரு ஆய்வு கூறுகிறது. அவர்களுடைய விந்தின் தரத்தின் மீது எதிர்மறை தாக்கத்தை ஏற்படுத்தும் என்றும் அது கூறுகிறது. ஆடவரின் விந்தின் நகர்வை கூடுதலான இனிப்புப்பானங்கள் கட்டுப்படுத்துகின்றன அல்லது குறைத்து விடுகின்றன என்றும் அது தெரிவிக்கிறது. ஆனால்இந்த குறைபாடு ஆரோக்கியமான, ஒல்லியான ஆண்களிடம் மட்டும் ஏற்படும் என்றும் தொந்தி வைத்திருக்கும் கூடுதல் எடையுடைய ஆடவரிடம் இந்த குறைபாடு ஏற்படாது என்றும் அதில் கூறப்பட்டுள்ளது. இந்த ஆய்வு ஹூ`யூமேன் ரிபுரொடக்‌ஷன் என்ற இதழில் வெளியிடப்பட்டுள்ளது.

நியூயார்க் நகரில் ரோச்செஸ்டர் பகுதியில் வாழும் 18 முதல் 22 வயதுடைய 189 ஆடவர்களிடம் இந்த ஆய்வு நடத்தப்பட்டது. இந்த ஆய்வின் ஓரு அங்கமாக இவர்கள் உடல் சோதனைக்கு ஆளானார்கள். அத்துடன் அவர்கள் ஒரு சுகாதார, உணவுக்கட்டுப்பாடு கேள்வித்தாளுக்கும் பதிலளித்தனர். ஆய்வாளர்கள் அவர்களைப் பேட்டி எடுத்ததுடன், அவர்கள் இனிப்புப்பானம் அருந்தும் நேர இடைவெளியையும், எண்ணிக்கையையும் ஆய்வாளர்கள் குறித்துக் கொண்டனர். இவர்களில் நாளொன்றுக்கு சராசரியாக 2.7 லிட்டர் இனிப்புப் பானம் அருந்தும் ஆடவர்களின் விந்து முட்டையை நோக்கி நகரும் விகிதம் குறைந்த இனிப்புப்பானம் அருந்துவோரை விட 6.3 விழுக்காடு குறைந்து இருந்தது. இது போன்ற முடிவுகளைஅவர்கள் தொந்தி வைத்திருப்போர் மற்றும் கூடுதல் எடை அதிகமுடையோரிடம் இவர்கள் காணவில்லை. குழந்தை இல்லாத தம்பதிகள் எண்ணிக்கை உலகளவில் அதிகரித்து வருவதால் இது போன்ற ஆய்வுகள் தற்போது கூடுதலாக நடத்தப்பட்டு வருகிறது.

- See more at: http://newsalai.com/news1/2014/06/13129.html#sthash.X3DD9cZx.dpuf

தகவலுக்கு நன்றி

அதிர்ச்சியான தகவல்