ஆந்திராவில் பயங்கரம் : கெயில் எரிவாயு குழாய் வெடித்த விபத்தில் பலி எண்ணிக்கை 14 ஆக உயர்வு

by **rammalar** Fri 27 Jun 2014 - 10:31

-
ஆந்திராவின் கிழக்கு கோதாவரி மாவட்டத்தில் நகரம் பகுதியில் உள்ள கெயில் நிறுவன ஆலையில் இன்று அதிகாலை எரிவாயு குழாய் வெடித்துச் சிதறியதில் பலியானவர்களின் எண்ணிக்கை 14 ஆக உயர்ந்துள்ளது.
-
20 பேர் படுகாயம் அடைந்துள்ளனர். காயம் அடைந்தவர்களை அருகில் உள்ள மருத்துவமனையில் சிகிசைக்காக அனுமதித்துள்ளதாக மாவட்ட ஆட்சியர் நீது குமாரி பிரசாத் தெரிவித்துள்ளார். 8 தீயணைப்பு வாகனங்கள் தீயை அணைக்கும் முயற்சியில் ஈடுபட்டுள்ளன. குழாய்க்கு வரும் எரிவாயு இணைப்புகள் துண்டிக்கப்பட்டுவிட்டதாகவும், தீ கட்டுக்குள் கொண்டு வரப்பட்டதகாவும் தெரிவிக்கப்பட்டுள்ளது.
-
தீ விபத்து நடந்த இடத்தில் இருந்து 13 உடல்கள் மீட்கப்பட்டதாக ஆந்திரா நிதி அமைச்சர் யனமாலா ராமாகிருஷ்ணடு தகவல் அளித்துள்ளார்.
-
விபத்து நடந்த இடத்துக்கு விரைந்து சென்று, விபத்து குறித்து விசாரணை நடத்துமாறு மாவட்ட ஆட்சியருக்கும், உயர் அதிகாரிகளுக்கும் ஆந்திர மாநில முதல்வர் சந்திரபாபு நாயுடு ஆணை பிறப்பித்துள்ளார்.
-
--தினமணி