சிறுவர்களுக்கு பாலியல் துன்புறுத்தல்: அமெரிக்காவில் 275 பேர் கைது

அமெரிக்காவில், இணையதளம் மூலம்
சிறுவர்களைத் தொடர்புகொண்டு அவர்களின்
அறியாமையை பயன்படுத்தி, நேரில் சந்திக்க
வைத்து பாலியல் ரீதியாக அவர்களைத்
துன்புறுத்திய 275 பேர் கைது செய்யப்பட்டு
உள்ளதாக கலிஃபோர்னியா அதிகாரிகள்
தெரிவித்தனர்.

லாஸ் ஏஞ்சலீஸில் ஒரு மாதமாக, “ஆபரேஷன்
பிரோக்கன் ஹார்ட்’ என்ற பெயரில் நடத்தப்பட்ட
இந்த நடவடிக்கையில், ராணுவ வீரர், ஆசிரியர்
மற்றும் தீயணைப்புப் படை வீரர் ஆகியோர்
உள்பட பலர் கைது செய்யப்பட்டுள்ளனர்.

இதன்படி, குற்றவாளிகளைப் பிடிப்பதற்காக,
அதிகாரிகள் தங்களை சிறுவர்கள் போல்
இணையதளத்தில் அடையாளப்படுத்திக்
கொண்டனர். தங்களை தொடர்புகொள்ளும்
குற்றவாளிகளை குறிப்பிட்ட இடங்களுக்கு
வரவழைத்து அவர்களை கைது செய்தனர்.

இந்த கைது விவகாரம் குறித்து அதிகாரிகள்
வெள்ளிக்கிழமை தெரிவித்தனர். மேலும்,
இந்தக் குற்றச்சாட்டுகளும், கைதாகும்
நபர்களின் எண்ணிக்கையும் அதிகரிக்கும்
என்று எதிர்பார்க்கப்படுவதாக கூறப்படுகிறது.
-
————————————
–தினமணி