கிளி – சிறுவர் பாடல்

by **rammalar** Sat 12 Jul 2014 - 9:13

-
கிளிகள் நன்றாய் பறக்குது
கீச்சுக் குரலும் கேக்குது
களிப்புடன் கூடி வாழுது
கண்ணுக் கழகாய் இருக்குது!
-
சொன்னதைத் திருப்பிச் சொல்லும்
சுழன்று சுழன்று பறக்கும்
கண்கள் வட்ட நிலவாக
காண்பதற் கழகாய் இருக்கும்!
-
கொவ்வை பழம்போல் மூக்கிருக்கும்
கொஞ்சிப் பேசி மனங்கவரும்
பச்சைநிறமே அதன் அழகு
பாடி மகிழ கவிதையெழும்!
-
பழங்கள் தின்று பசியாறும்
பறவை இனத்தில் அழகாகும்
கூட்டில் அடைத்து வளர்ப்பார்கள்
கொஞ்சிக் கொஞ்சி மகிழ்வார்கள்!
-
தத்தை என்றொரு பேருண்டு
தத்தி நடக்கும் நடையுண்டு
பச்சை மரத்தில் கூடுண்டு
பழகும் நல்ல குணமுண்டு!
-
கொறித்துத் தின்னும் மிடுக்குண்டு
குலவிக் கூடும் திறமுண்டு
பறந்தால் வேகம் மிகவுண்டு
பார்த்து ரசிக்க வேண்டுமடா
-
————————–
–கே.வி.ஜனார்தனன் – சிறுவர் மணி