“ஒய்யாரக் கொண்டையில தாழம்பூவாம், உள்ளே இருக்கிறது ஈரும் பேனாம்”.

by **rammalar** Sun 13 Jul 2014 - 14:28

பாரதிராஜா படங்களில் கிராமத்துக் கிழவிகள்
அடிக்கடி கூறும் சொலவடைகளில் பாதிக்கு
மேல் இளக்காரமான உள்ளுறை உவமங்கள்தான்.

வெளிப்பார்வைக்கு மரியாதையாக நடந்துகொள்கிறவர்கள்,
சொந்த வாழ்க்கையில் குணமிழந்து இருந்தால்,
அவர்களைப் பார்க்கும்போது, அந்தப் பக்கம் முகத்தைத்
திருப்பிக்கொண்டு கிழவி நீட்டி முழக்கிக் கூறுவாள்,

“ஒய்யாரக் கொண்டையில தாழம்பூவாம்,
உள்ளே இருக்கிறது ஈரும் பேனாம்”.
ஒய்யாரக்கொண்டை யார், தாழம்பூ எது, ஈரும் பேனும் எது
என்று தெரிந்தவர்கள், வாயைப் பொத்திக்கொண்டு
சிரிப்பார்கள்.

இந்த நுட்பம் தெரியாதவர்கள், “என்ன இந்தக் கெழவி
என்னத்தையோ ஒளறிக்கிட்டு இருக்கா” என்பார்கள்.
விபரம் தெரிந்தவர்கள், “அடி, போடி, இவளே, எல்லாம்
கெழவி கூரோடுதான் பேசுறா” என்பார்கள்.

எனவே, சங்க இலக்கியங்களைப் படிக்கும்போது
தேவையற்றதாகத் தோன்றும் அடிகளை நன்றாக
உற்றுப் பாருங்கள். அவை பெரும்பாலும் உள்ளுறை
உவமங்கள் ஆகலாம்.

உள்ளுறை உவமங்கள் இலக்கிய உத்தி மட்டும் அல்ல.
தமிழரின் குருதியில் ஊறியவை. அவற்றைத்தான்
தொல்காப்பியர் இலக்கணமாக வடித்துள்ளார்.
--