கடமையை செய்வதே உதவி

முதுமையின் அடையாளமாய் முகத்தில் ரேகைகள் படர்ந்து, தட்டு தடுமாறி தள்ளாடிய நிலையில் கலெக்டர் அலுவலகத்திற்கு வந்தார் அந்த 80வயது மூதாட்டி. அங்கிருந்த சிலர், கனிவோடு அவரை அணுகி, அவரது தேவை குறித்து கேட்டறிந்தனர்.

‘‘அரவணைக்க உறவுகள் இல்லாமல் ஆதரவற்ற நிலையில் வாழும் எனது பெயர் அய்யம்மாள். சில வருடங்களுக்கு முன்பு வரை உழைத்து வாழ்க்கையை

நடத்திய எனக்கு தற்போது உடல்நிலை ஒத்துழைக்கவில்லை. இதனால் அரசு கொடுத்து வந்த ஓய்வூதியம் ஒன்றே வாழ்வாதாரமாக இருந்தது. கடந்த 6மாதங்களாக இந்த உதவித் தொகை எனக்கு கிடைக்கவில்லை. இதனால் பட்டினியில் தவித்து வாழ்க்கை போராட்டம் நடத்தி வருகிறேன். நீங்கள் எனக்கு மீண்டும் உதவித் தொகை கிடைக்க ஏற்பாடு செய்தால் வாழ்வின் எஞ்சிய நாட்களை கழித்து விடுவேன்’’ என்றார்.

இப்படி அவர் சொல்லி முடித்த மறுநொடியில் முகத்தில் முத்துக்களாய் கண்ணீர் துளிகள் வழிந்தோடியது. இதைக் கண்ட அதிகாரி ஒருவர், ‘தற்போது நிறுத்தப்பட்டுள்ள முதியோர் உதவித் தொகையை திரும்ப வழங்குவதில் ஏராளமான நடைமுறை சிக்கல்கள் உள்ளது. எனவே நீங்கள் சில மாதங்கள் காத்திருக்க வேண்டும். ஓய்வூதியம் கிடைக்கும் வரை இந்த பணத்தை செலவுக்கு வைத்துக் கொள்ளுங்கள் என்று கூறி இரண்டு நூறு ரூபாய் நோட்டுக்களை மூதாட்டியின் கையில் திணித்தார்.

அப்போது மூதாட்டி அய்யம்மாள் ‘நான் கேட்பது உதவி. நீங்கள் கொடுப்பது தர்மம். சமுதாயத்தில் மூத்த குடிமக்களான என்னை போன்றவர்கள் உதவி கேட்டால், அவர்களுக்கு தர்மம் கொடுத்து இழிவு படுத்தாதீர்கள். ஒவ்வொருவரும் அவரவர் கடமையை சரியாகச் செய்வது தான், இந்த சமூகத்திற்கு செய்யும் உதவி. ஆறுமாதம் பட்டினி கிடந்தும் ஆண்டவன் என் உயிரை பறிக்கவில்லை. நீங்கள் உங்கள் கடமையை செய்யும் வரை ஆண்டவன் கருணை காட்டுவான் என்று நினைத்து இங்கிருந்து செல்கிறேன்’ என்று கூறிவிட்டு சென்றார் மூதாட்டி.

அவர் சென்ற மறுநிமிடத்தில் மூதாட்டி குறித்த விபரங்களை சேகரித்து, உடனடியாக அவருக்கு உதவுங்கள் என்று ஊழியர்களுக்கு உத்தரவிட்டார் அந்த அதிகாரியின் முகத்தில் தெரிந்தது அப்படியொரு மலர்ச்சி.

http://www.dinakaran.com/News_Detail.asp?Nid=102968

சுயமரியாதை உள்ள பாட்டி

அந்த செய்திக் குறிப்பின் கீழ்
எல்லாம் இனிய கற்பனேயே 'னு போட்டிருக்கப் போவுது..!
-