பிரபலமானவர்கள் வாழ்வில்...(தொடர் பதிவு)

by **rammalar** Thu 14 Aug 2014 - 20:11

கேட்காது!

பிரபல விஞ்ஞானி தாமஸ் ஆல்வா எடிசனுக்கு
சிறு வயதிலிருந்தே காது கேட்காது. ஆனால்
அவருடைய கண்டுபிடிப்புகள் எவ்வளவு தெரியுமா?
ஆயிரத்துக்கும் மேற்பட்ட கண்டுபிடிப்புகளுக்கு
அவர் சொந்தக்காரர்.
-
அவர் நினைத்திருந்தால் காது கேட்க ஒரு
கருவியையும் கண்டுபிடித்திருக்கலாம்.

ஆனால், அவர் செய்யவில்லை, ஏன் என்று
கேட்டவர்களுக்கு அவருடைய பதில்:

""என்னிடம் வந்து பேசுபவர்கள், எனக்குப் புரிய
வேண்டும் என்பதற்காக மிக உரக்கக் கத்திப் பேச
வேண்டிய நிலைமை ஏற்படும். இப்படி உரக்கப்
பேசுபவர்களால் பொய் சொல்ல முடியாது தெரியுமா?''
என்பாராம் சிரித்தபடியே!
-
எவ்வளவு பெரிய மனோதத்துவ உண்மை!
-
---------------------------------

by **rammalar** Thu 14 Aug 2014 - 20:14

விவேகானந்தரின் மன உறுதி!

சுவாமி விவேகானந்தருக்கு அவருடைய பெற்றோர்
சூட்டிய பெயர் நரேந்திரன். பள்ளியில் நரேந்திரன்
படித்துக் கொண்டிருந்தபோது, ஒருசமயம், ஆசிரியர்
அவனைப் பார்த்துக் கேள்வி ஒன்றைக் கேட்டார்.

அதற்கு நரேந்திரன் பதில் சொன்னான்.

அவன் சொன்ன பதில் தவறு என்று ஆசிரியர் சொன்னார்.

""இல்லை, அய்யா... இதுதான் சரியான விடை'' என்று
நரேந்திரன் சொன்னான். ஆசிரியர் கோபப்பட்டு, ""தவறான
விடையைச் சொன்னதோடு அல்லாமல், இதுதான் சரியான
விடை என்று கூறுகிறாயா?'' என்று கேட்டு, அவனைப்
பிரம்பால் அடித்தார்.

நரேந்திரன் மீண்டும் அதையே கூறினான். ஆசிரியருக்குக்
கோபம் அதிகமாகி மீண்டும் பிரம்பால் அடித்தார்.

நரேந்திரன் மீண்டும் தான் சொன்னதே சரியான விடை
என்று கூறினான். ஆசிரியருக்கு சந்தேகம் வந்தது.
புத்தகத்தை எடுத்து அவசர அவசரமாகப் புரட்டிப்
பார்த்தார். நரேந்திரன் சொன்ன விடைதான் சரியான
விடை என்பதைத் தெரிந்து கொண்டார்.
தலைகுனிந்து நரேந்திரனிடம் மன்னிப்புக் கேட்டுக்
கொண்டார். அவனுடைய மன உறுதியைப் பாராட்டவும்
அவர் தவறவில்லை!
-
-----------------------------
-மு.பெரியசாமி, விட்டுக்கட்டி.(தினமணி(

by **முனாஸ் சுலைமான்** Thu 14 Aug 2014 - 20:14

Code:: ""என்னிடம் வந்து பேசுபவர்கள், எனக்குப் புரிய [size=16][/size] வேண்டும் என்பதற்காக மிக உரக்கக் கத்திப் பேச[size=16][/size] வேண்டிய நிலைமை ஏற்படும். இப்படி உரக்கப் [size=16][/size] பேசுபவர்களால் பொய் சொல்ல முடியாது தெரியுமா?'' [size=16][/size] என்பாராம் சிரித்தபடியே!

நல்லெண்ணம் வாழ்க..

by **rammalar** Thu 14 Aug 2014 - 20:23

ஜவஹர்லால் நேருவின் புத்திசாலித்தனம்!
-
பிரபலமானவர்கள் வாழ்வில்...(தொடர் பதிவு) Nehru

--
சிறுவர்கள் பந்து விளையாடிக் கொண்டிருந்தார்கள்.
பந்து பக்கத்திலிருந்த மரப் பொந்தில் போய் விழுந்தது.
என் பந்து எனக்கு வேண்டும் என்று பந்துக்குச்
சொந்தக்காரப் பையன் பிடிவாதம் பிடித்து அழ ஆரம்பித்தான்.
-
பொந்துக்குள் பாம்போ, தேளோ இருக்கலாமென்று
எல்லோரும் பயந்தனர். கையை விட்டு எடுக்கமுடியாத
அளவுக்குப் பொந்தும் ஆழமாக இருந்தது!
-
அப்போது அந்த வழியே வந்த ஒரு சிறுவன் அழுது
கொண்டிருந்தவனை விசாரித்து நடந்ததை அறிந்தான்.
-
உடனே, இரண்டு பக்கெட் தண்ணீர் கொண்டு வரச் சொல்லி,
அந்தப் பொந்துக்குள் நீரை ஊற்றினான். பொந்துக்குள் த
ண்ணீர் நிறைய ஆரம்பித்ததும் பந்து அதில் மிதந்து மேலே
வந்தது. அழுது கொண்டிருந்த பையன் சந்தோஷத்தில்
துள்ளிக் குதித்தான்.
-
பொந்துக்குள் தண்ணீர் ஊற்றிப் பந்தை, புத்திசாலித்தனமாக
எடுத்துக் கொடுத்த பையன் யார் தெரியுமா? பின்னாளில்
பாரதப் பிரதமரான ஜவாஹர்லால் நேருதான்!
-
---------------------------------
--மல்லிகா அன்பழகன்

by Sponsored content

பிரபலமானவர்கள் வாழ்வில்...(தொடர் பதிவு)

பிரபலமானவர்கள் வாழ்வில்...(தொடர் பதிவு)

Re: பிரபலமானவர்கள் வாழ்வில்...(தொடர் பதிவு)

Re: பிரபலமானவர்கள் வாழ்வில்...(தொடர் பதிவு)

Re: பிரபலமானவர்கள் வாழ்வில்...(தொடர் பதிவு)

Re: பிரபலமானவர்கள் வாழ்வில்...(தொடர் பதிவு)