பாம்பன் பாலம்

by **Nisha** Sun 31 Aug 2014 - 1:47

தமிழகத்தின் பெரும்பகுதியையும் இராமேஸ்வரத்தையும் இணைப்பதுதான் பாம்பன் பாலம். இந்த இடத்தில் தரைவழி மற்றும் ரயில் பாதை இருந்தாலும், ரயில் பாதையே பாம்பன் பாலம் என்று அழைக்கப்படுகிறது. இந்தியாவின் மிகப் பெரிய கடல் பாலங்களில் இரண்டாவது இடத்தில் உள்ளது இந்தப் பாலம். 1914 ஆம் ஆண்டிலேயே கட்டி முடிக்கப்பட்ட இந்த பாலத்தில் மொத்த நீளம் 2.3 கி.மீ.

பாம்பன் பாலம் Pamban+map

தமிழ் நாடு சுற்றுலா

by **Nisha** Sun 31 Aug 2014 - 1:49

இந்தப் பாலத்தை இருவழிப் பாலம் என்று கூட அழைக்கலாம். ரயில்கள் செல்வதற்காக பாலம் கட்டப்பட்டால் கப்பல் போக்குவரத்து தடைபடும், இதனை கருத்தில் கொண்டு ரயில் மற்றும் கப்பல் போக்குவரத்து இரண்டும் தடைபடாதவாறு கட்டப்பட்ட பாலம் இது. இந்த பாலமானது பெரிய கப்பல்கள் வரும்போது தூக்கப்பட்டு வழிவிடும் வகையில் கட்டப்பட்டுள்ளது.

18000 டன் ஜல்லி, 5000 டன் சிமெண்ட், 18000 டன் இரும்பு ஆகியவை கொண்டு கட்டப்பட்ட இந்தப் பாலத்தை கடலில் எழுப்பப்பட்டுள்ள 145 தூண்கள் தாங்கிப்பிடிக்கின்றன.பாலம் கட்டப்பட்டுள்ள இடம், உலகிலேயே இரண்டாவது அதிக துருப்பிடிக்கும் இடமாகும். இருந்தும் இந்தப் பாலம் இன்று வரை கம்பீரமாய் வலிமையுடன் நிமிர்ந்து நிற்கிறது.

சில காலம் முன்பு வரை கப்பல்கள் செல்லும் போது மனிதர்களே இந்த இரும்பு பாலத்தை இயக்கினர்...பின்னர் 2007 ஆம் ஆண்டு தென்னக இரயில்வே குறுகிய தண்டவாளங்களை நீக்கி அகல ரயில் பாதையாக மாற்றியபோது, பாலத்தை இயக்க இயந்திரங்களை உபயோகப்படுத்த முடிவு செய்து, இயந்திரங்கள் மூலம் பாலம் இயக்கப்பட்டது.

1964 ஆம் ஆண்டு தனுஷ்கோடியை புயல் தாக்கியபோது கூட இந்தப் பாலத்தின் இரும்பு பகுதி சேதமடையவில்லை, ஆனால் பாலத்தின் மற்ற பகுதிகள் சேதமடைந்ததால் போக்குவரத்து சில காலம் தடைப்பட்டது. பின்னர் 45 நாட்களில் பாலம் சரிசெய்யப்பட்டு போக்குவரத்து தொடங்கப்பட்டது.

இந்த ரயில் பாலத்திற்கு அருகிலேயே தரைப் பாலமும் உள்ளது. 1974 ஆம் ஆண்டு கட்டத் தொடங்கப்பட்ட இந்த தரைப் பாலம் 14 ஆண்டுகளுக்கு பிறகு 1988ஆம் ஆண்டு மக்கள் பயன்பாட்டுக்காக திறந்து வைக்கப்பட்டது. இதை அன்றைய பாரதப் பிரதமர் இராஜீவ் காந்தி திறந்துவைத்தார். இந்த பாலத்தில் இருந்து பார்த்தால் அருகில் உள்ள இரயில் பாலமும், இராமேஸ்வரத்தில் உள்ள சில தீவுகளும் தெரியும்.

by **Nisha** Sun 31 Aug 2014 - 1:49

by **Nisha** Sun 31 Aug 2014 - 1:49

by **Nisha** Sun 31 Aug 2014 - 1:50

by **Nisha** Sun 31 Aug 2014 - 1:50

by **Nisha** Sun 31 Aug 2014 - 1:50

by **Nisha** Sun 31 Aug 2014 - 1:51

by **Nisha** Sun 31 Aug 2014 - 1:52

by **Nisha** Sun 31 Aug 2014 - 1:52

by **Nisha** Sun 31 Aug 2014 - 1:52

by **Nisha** Sun 31 Aug 2014 - 1:53

by **Nisha** Sun 31 Aug 2014 - 1:54

by **Nisha** Sun 31 Aug 2014 - 2:04

by **நண்பன்** Sun 31 Aug 2014 - 9:32

பிரமாண்டாக உள்ளது இது வரை நான் இது பற்றி அறியவும் இல்லை படிக்கவும் இல்லை
வரலாற்றுப் பதிவு பகிர்வுக்கு நன்றி அக்கா

by **Nisha** Sun 31 Aug 2014 - 9:52

தனுஷ்கோடி புயல், 1964 1964ஆம் ஆண்டு டிசம்பர் 23 இல் மன்னார் வளைகுடாவில்ஏற்பட்ட புயல் கரையை கடந்த போது ராட்சத அலைகள் எழுந்து ஊருக்குள் புகுந்தது. தனுஷ்கோடி நகரமே கடலால் மூழ்கடிக்கப்பட்டது. தனுஷ்கோடியையும் பாம்பனையும் இணைத்த இருப்புப்பாதை வீசிய கடும் புயலில் அடித்து செல்லப்பட்டது.

இதன்போதுசென்னையில் இருந்து இராமேஸ்வரம் சென்று கொண்டிருந்த தொடருந்து அடித்துச் செல்லப்பட்டதில் அதில் சென்று பயணித்த 123 பேரும் கொல்லப்பட்டனர்.

அதிகாலையில் நடந்த இந்த கோர தாண்டவத்தில் மொத்தம் 2000 பேர் வரை உயிரிழந்தனர். அதன் பின்னர் தமிழ் நாடு அரசு இந்த ஊரை வாழத்தகுதியற்றதாக அறிவித்தது

தமிழக மக்களால் மறக்க முடியாத தினங்கள் பல. அதில் ஒன்று தனுஷ்கோடியை கடல் தின்ற தினம். தமிழக கடலோரப் பகுதிகளை 2004ம் ஆண்டு டிசம்பர் 26ம் தேதி சுனாமி ஆழிப் பேரலை புரட்டிப் போட்டு விட்டுப் போனதற்கு முன்பே, தனுஷ்கோடியை அந்த சுனாமி முத்தமிட்டு, விகாரமாக்கி விட்டுச் சென்ற தினம்தான் (டிசம்பர் 23).1964ம் ஆண்டு டிசம்பர் 23ம் தேதியன்று தனுஷ்கோடியைத் தாக்கிய சுனாமி, அழகிய தனுஷ்கோடியை சின்னாபின்னமாக்கி, அலங்கோலப்படுத்தி விட்டுப் போனது.

மன்னார்வளைகுடாவில் ஏற்பட்ட புயல் கரையை கடந்த போது ராட்சத அலைகள் எழுந்து ஊருக்குள் புகுந்தது. அதை அப்போது கடல் கொந்தளிப்பு என்று பொதுவான வார்த்தையால் அழைத்தனர்.அன்றெல்லாம் சுனாமி என்றால் என்ன என்றே அக்காலத்து மக்களுக்குத் தெரியவில்லை. ஆனால் நமது காலத்தில் நம்மைத் தாக்கிய சுனாமியைப் போன்ற ஆழிப் பேரலைதான் அன்றைய தனுஷ்கோடியையும் அலைக்கழித்துள்ளது.
இந்த அலை 20 அடி உயரத்துக்கு ராட்சத அளவில் எழும்பி வந்தது. ராமேஸ்வரம் தீவின் கிழக்கு முனையில் தனுஷ்கோடி நகரம் இருந்தது. 500-க்கும் மேற்பட்ட வீடுகள் கொண்ட அழகிய மீனவ நகரம்.அப்போது அதிகாலை 3 மணி இருக்கும். மீனவ மக்களும், பிறரும் நிம்மதியாக கண்ணயர்ந்திருந்த நேரம் அது. ஆனால் கடல் மட்டும் காட்டுத்தனமாக விழித்துக் கொண்டிருந்தது.பொங்கி வந்த கடல் வெள்ளமும், திரண்டு வந்த ஆழிப் பேரலைகளும், தனுஷ்கோடிக்குள் புகுந்து, புரட்டிப் போட்டது. நகரமே கடலால் மூழ்கடிக்கப்பட்டது நகரிலிருந்த முக்கால்வாசிப் பேர் முகவரி தெரியாமல் கடல் அன்னையின் கோரப் பிடியில் சிக்கி உயிரிழந்தனர்.

அப்போது சென்னையில் இருந்து ராமேசுவரத்துக்கு ஒரு ரயில் போய்க் கொண்டிருந்தது. அதற்கு அப்போது போட் மெயில் என்று பெயர். தனுஷ்கோடி வரை செல்லும் இந்த ரயிலில் தமிழ்நாட்டில் பிறபகுதிகளில் இருந்து பயணிகள் தனுஷ்கோடி சென்று அங்கிருந்து கப்பல் மூலம் இலங்கை செல்வார்களாம்.

அப்போதெல்லாம் இலங்கைக்கும், நமக்கும் நல்லுறவும், பயணப் போக்குவரத்தும் இருந்து வந்தது.எனவே இலங்கை செல்ல ஏராளமான பயணிகள் அதில் இருந்தனர். தனுஷ்கோடியைத் தாக்கிய புயலுக்கும், ஆழிப் பேரலைக்கும் இந்த ரயிலும் தப்பவில்லை. அப்படியே கடலுக்குள் இழுத்துப் போட்டு விட்டது போட் மெயிலை, கடலில் எழுந்து வந்த ஆழிப் பேரலை.அதிகாலையில் நடந்த இந்த கோர தாண்டவத்தில் 2000 பேர் உயிரிழந்தனர்.

அழகிய தனுஷ்கோடி அடியோடு அழிந்தது. மண் மூடிப் போன மேடாக மாறிப் போனது. புயல் வந்து புரட்டிப் போட்டதன் அடையாளமாக இன்றும் மிச்சமிருப்பது சிதிலமடைந்த ஒரு தேவாலயம். சில கட்டடங்கள் மட்டுமே.தனுஷ்கோடியைப் புதுப்பிக்க நமது அரசுகள் ஏனோ மறந்து போய் விட்டன.

இருப்பினும் தனுஷ்கோடியில் இன்றும் சில மீனவ குடும்பங்கள் வசிப்பதைக் காணலாம். அவர்களும் கூட தனுஷ்கோடிக்கு வரும் சுற்றுலாப் பயணிகளை நம்பியே வாழ்ந்து வருகின்றனர். சுடச் சுட மீன் சுட்டுத் தருவது உள்ளிட்டவற்றை செய்து வருகின்றனர். ஒரு காலை கடலுக்குள்ளும், இன்னொரு காலை கடல் மண்ணிலுமாக வைத்து தனுஷ்கோடி தடம் மாறிப் போய்க் கிடக்கிறது.

தனுஷ்கோடியின் ரயில் நிலையத்தை கடல் கொண்டு விட்டது. ரயில் தண்டவாளம் மட்டும் பாதி கடலுக்குள் சென்றபடி காட்சி அளிக்கிறது - கடந்த காலத்தில் தாங்கள் ‘தடம் புரண்ட’ கதையை சொல்லியபடி.ராமேஸ்வரம் வரும் யாத்ரீகர்கள், சுற்றுலாப் பயணிகள், ஒரு எட்டு தனுஷ்கோடிக்கும் சென்று வருவது வழக்கம்.

இப்படி வந்து செல்பவர்களால்தான் இன்னும் தனுஷ்கோடி நமது மன ‘டைரி’யிலிருந்து அழியாத காவியமாக உள்ளது.

India

by **Muthumohamed** Sun 31 Aug 2014 - 20:43

வரலாற்று சிறப்பு மிக்க பாலங்களில் இந்த பாம்பன் பாலமும் ஒன்று

தகவலுக்கு மிக்க நன்றி

by **பானுஷபானா** Mon 1 Sep 2014 - 10:46

பகிர்வுக்கு நன்றி நிஷா...

நான் மூனு தடவை போயிருக்கேன்...

by **ahmad78** Mon 1 Sep 2014 - 10:47

பதிவிற்கு நன்றி

இதுவரை போனதில்லை

போய் பா◌ாக்கனும்

by **பானுஷபானா** Mon 1 Sep 2014 - 10:58

ahmad78 wrote:பதிவிற்கு நன்றி

இதுவரை போனதில்லை

போய் பா◌ாக்கனும்

போய் பாருங்க அப்படியே பிரிட்ஜ் கீழ பார்க் இருக்கும் பிள்ளைகளோட விளையாடிட்டு வாங்க *_

by **ahmad78** Mon 1 Sep 2014 - 10:59

இந்த முறை போய் பா◌ாத்திடனும்

by **Nisha** Mon 1 Sep 2014 - 11:00

சுனாமி வருமாம் கவனம்!

by **பானுஷபானா** Mon 1 Sep 2014 - 11:02

Nisha wrote:சுனாமி வருமாம் கவனம்!

ஏன் நிஷா பயமுறுத்துறீங்க ^_

by **Nisha** Mon 1 Sep 2014 - 11:04

அட நிஜம்மா வருமாம் மா!

டிசம்மரில் வருமாம்! இலங்கையில் பெரிய பாதிப்பு இருக்குமாம்னு படிச்சேன்பா!

by **ahmad78** Mon 1 Sep 2014 - 11:13

அவங்கள விட்டுட்டு போறோம்னு பொறாமை. ^_^_

நீங்க பயப்படாதீங்க பானு

by Sponsored content

பாம்பன் பாலம்

பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்

Re: பாம்பன் பாலம்