பாக். அரச தொலைக்காட்சியை ஆக்கிரமித்த ஆர்ப்பாட்டக்காரர்கள் இராணுவத்தால் கலைப்பு

பாக். அரச தொலைக்காட்சியை ஆக்கிரமித்த ஆர்ப்பாட்டக்காரர்கள் இராணுவத்தால் கலைப்பு

பாகிஸ்தான் அரச எதிர்ப்பு ஆர்ப்பாட்டக்காரர்கள் தலை நகர் இஸ்லாமாபாத்தில் இருக்கும் அரச தொலைக்காட்சி யான பீடிவியின் கட்டடத்திற்குள் ஊடுருவி அதன் உருது மற்றும் ஆங்கில சேவைகளுக்கு 45 நிமிடங்கள் இடையூறு செய்துள்ளனர். எனினும் பாதுகாப்பு படையினர் ஆர்ப்பாட்டக்காரர்களை அகற்றியதை அடுத்து சேவைகள் வழமைக்கு திரும்பின.

எதிர்க்கட்சி அரசியல்வாதியான இம்ரான் கான் மற்றும் மதத் தலைவர்களில் ஒருவரான தாஹிருல் கத்ரியின் ஆதரவாளர்கள் மேற்கொண்டுவரும் ஆர்ப்பாட்டத்தில் கடந்த மூன்று தினங்களாக அரச கட்டிடங்களை முற்று கையிட முயற்சி மேற்கொள்ளப்பட்டு வருகிறது. பிரதமர் நவாஸ் 'ரீப் மீது தேர்தல் மோசடி மற்றும் ஊழல் குற்றச்சாட்டு சுமத்தும் ஆர்ப்பாட்டக்காரர்கள் அவரை பதவி விலக வலியுறுத்தி வருகின்றனர்.

மோசமடைந்திருக்கும் நாட்டின் அரசியல் குழப்பத்திற்கு தீர்வுகாண மேலும் படைகளை பயன்படுத்த வேண்டி ஏற்படும் என்று பாகிஸ்தானின் பலம்வாய்ந்த இராணுவம் கடந்த ஞாயிற்றுக்கிழமை எச்சரித்திருந்தது.

இந்நிலையில் அரச தொலைக்காட்சிக்குள் ஊடுருவிய ஆர்ப்பாட்டக்காரர்களை அகற்ற அங்கு வந்த துணைப் படையினருடன் எந்த மோதலிலும் ஈடுபடாமல் ஆர்ப்பாட் டக்காரர்கள் வெளியேறியுள்ளனர்.

இராணுவத்தின் வருகைக்கு முன் ஆர்ப்பாட்;டக்காரர்கள் தொலைக்காட்சி கட்டடத்தின் கண்ணாடிகள் மற்றும் பொருட்களுக்கு சேதம் ஏற்படுத்தினர்.

எனினும் அமைதி காக்கும்படியும் இராணுவத்திற்கு ஒத்துழைப்பு வழங்குபடியும் இம்ரான் கான் மற்றும் கத்ரி ஆதர வாளர்களை கேட்டுள்ளனர்.

எனினும் நேற்று இடம்பெற்ற வன்முறைகளில் பல பொலிஸாரும் காயத்திற்குள்ளாகியுள்ளனர்.

பிரதமரின் வாசஸ்தலம் மற்றும் மத்திய அரசின் பிரதான கட்டடத்தை நோக்கி பேரணி நடத்திய ஆயிரக்கணக்கான ஆர்ப்பாட்டக்காரர்கள் கற்கள் மற்றும் பொல்லுகளைக் கொண்டு தாக்குதலிலும் ஈடுபட்டனர்.

தினகரன்

பகிர்ந்தமைக்கு நன்றிப்பா! 

எங்க பார்த்தாலும் ஆர்ப்பாட்டம், வேலை நிறுத்தம், போராட்டம், சண்டை, சச்சரவு எனத்தான் இருக்கு!