வீதியை கடக்க முயன்ற 7 வயது சிறுவன் பலி

வீதியை கடக்க முயன்ற 7 வயது சிறுவன் பலி

பஸ்ஸிலிருந்து இறங்கி பஸ்ஸின் பின்புறமாக வீதியை கடக்க முற்பட்ட 7 வயது பாடசாலை மாணவன் ஒருவனும் குடும்பஸ்தர் ஒருவரும் விபத்துக்குள்ளாகி மரணமாகியுள்ளனர். இந்த சம்பவங்கள் முழங்காவில் மற்றும் கொடகதெனிய பகுதிகளில் இடம்பெற்றுள்ளன.மஞ்சள் கடவை அல்லாத இடத்தினால் வீதியை கடந்து செல்ல முற்பட்டதாலே இந்த விபத்துகள் சம்பவித்திருப்பதாக பொலிஸார் தெரிவித்தனர்.

யாழ் - மன்னார் வீதியில் முழங்காவில் பகுதியில் வைத்து தனியார் பஸ்ஸொன்றி லிருந்து இறங்கிய பாடசாலை மாணவனான கமல தீபன் பஸ்ஸின் பின்பக்கமாக வீதியை கடந்து செல்ல முயன்றுள்ளான்.

இதன் போது மறுபக்கமாக வந்த லொறியொன்று மோதியதில் படுகாய மடைந்த சிறுவன் கிளிநொச்சி ஆஸ்பத் திரியில் அனுமதிக்கப்பட்ட பின்னர் இறந்துள்ளார். இவர் முழங்காவில் பிரதேசத்தைச் சேர்ந்த 2 ஆம் வகுப்பில் பயிலும் மாணவராகும். லொறி சாரதி கைது செய்யப்பட்டுள்ளார்.

கொடதெனியாய பகுதியில் வைத்து தனியார் பஸ்ஸொன்றிலிருந்து இறங்கிய பயணி ஒருவர் பஸ்ஸின் பின்பக்கத்தினால் வீதியை கடந்து செல்ல முற்பட்ட போது மற்றொரு தனியார் பஸ்ஸில் மோதி விபத்துக்குள்ளானதாக பொலிஸார் கூறினர்.

படுகாயமடைந்த இவர் நீர்கொழும்பு ஆஸ்பத்திரியில் அனுமதிக்கப்பட்ட பின்னர் இறந்துள்ளார். 54 வயதான நபரே இவ்வாறு இறந்துள்ளார்.

தினகரன்

வீதி விதி முறைகளை பின்பற்றாததன் விளைவுகள்  உயிரிழப்பாய் தான் முடிகின்றது. 

உயிர் போனபின் சாரதியை கைது செய்து என்ன  ஆகும். அதை விட  விதிமுறை மீறலாய் தெருவை கடந்த பையனின் தவறு தானே...! பாவம்.

சாலையைக் கடக்கும் போது கவனமா இருக்கனும்