ஹெல்த்தி சூப்!

by **ahmad78** Mon 22 Sep 2014 - 14:25

நீங்கதான் முதலாளியம்மா!

இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு... இப்படி நம் வீட்டு சமையலறையே ஒரு குட்டி மருத்துவமனைதான். ஆனாலும், கைகளுக்கு எட்டிய இடத்தில் இருக்கும் இந்த மருந்துப் பொருட்களின் மகத்துவம் தெரியாமல், தும்மலுக்கும் தலைவலிக்கும் கூட மருத்துவரைத் தேடிப் போய் மொய் எழுதினால்தான் பலருக்கும் திருப்தியே.

‘‘மூலிகைகளை மருந்தா நினைச்சு சாப்பிடறது தான் சிரமம். அதையே சுவையான ஒரு உணவா சாப்பிட்டுப் பழகிட்டா, ஆரோக்கியத்தைத் தக்க வச்சுக்கிறது சுலபம்” என்கிறார் சென்னையைச் சேர்ந்த ஷியாமளா. மாற்று மருத்துவரான இவரது வீட்டில் மூலிகை சூப்புடன்தான் தினசரி பொழுதே விடியுமாம்!

‘‘ஒரு டாக்டரா நான் மத்தவங்களுக்குச் சொல்ற விஷயங்களை முதல்ல நான் பின்பற்றணும். ‘தினம் சாப்பாட்டுல இஞ்சி யும் ஓமமும் சேர்த்துக்கோங்க’னு சொல்றது சுலபம். செய்யறது கஷ்டம். கஷாயமாகவோ, பொடிச்சோ சாப்பிடறது எல்லாருக்கும் சரியா வராது. அதையே சூப் வடிவத்துல எடுத்துக்கிறதுன்னா விரும்புவாங்க.

எங்க வீட்ல மூலிகைத் தோட்டம் போட்டிருக்கேன். துளசி, சித்தரத்தை, கண்டதிப்பிலி, ஓமவல்லி, மஞ்சள், இஞ்சி, வல்லாரை, கரிசலாங்கண்ணினு எல்லா செடிகளும் இருக்கு. காலையில காபி, டீக்கு பதிலா தினம் ஒரு மூலிகையில தயாராகிற சூப்தான் குடிப்போம். இந்த வயசுலயும் என்னால 20 வயசுக்கான உற்சாகத்தோட ஓடியாடி வேலை செய்ய முடியுதுன்னா இந்த உணவுப் பழக்கம்தான் காரணம்...” என்கிற ஷியாமளா, மூலிகை சூப் தயாரிப்பதை பகுதி நேர பிசினஸாகவும் செய்கிறார்.

‘‘பத்துக்கும் மேலான மூலிகை சூப் வகைகள் செய்யலாம். காய்ச்சலுக்கு, இருமலுக்கு, நோய் எதிர்ப்பு சக்திக்கு, நீரிழிவுக்கு, எடைக் குறைப்புக்கு, மூட்டுவலிக்கு, சரும அழகுக்கு, கல்லீரல் ஆரோக்கியத்துக்கு... இப்படி நிறைய இருக்கு. மூலிகைகளை வீட்லயே வளர்த்து உபயோகிக்கலாம். முடியாதவங்க நாட்டு மருந்துக் கடைகள்ல வாங்கிக்கலாம்.

மூலிகை சூப் தயாரிக்கிறதை முழு நேர பிசினஸா செய்ய நினைக்கிற வங்க ஆரம்பத்துல 1,000 ரூபாய் முதலீடு போட்டா போதும். தேவையான மூலிகைகள், மற்ற மளிகைப் பொருட்கள், கப் உள்ளிட்ட எல்லாம் இதுல அடக்கம். ஒரு கப் சூப்பை 20 ரூபாய்க்கு விற்கலாம்.

50 சதவிகித லாபம் நிச்சயம்” என்கிற ஷியாமளாவிடம், ஒரே நாள் பயிற்சியில் 10 வகை மூலிகை சூப்புகளை 750 ரூபாய் கட்டணத்தில் கற்றுக் கொள்ளலாம். எந்தெந்த சூப், யாருக்கு உதவும் என்கிற கூடுதல் தகவல்களையும் பகிர்ந்து கொள்ளத் தயாராக இருக்கிறார். ‘‘காய்ச்சலுக்கு, இருமலுக்கு, நோய் எதிர்ப்பு சக்திக்கு, நீரிழிவுக்கு, எடை குறைப்புக்கு, மூட்டுவலிக்கு, சரும அழகுக்கு, கல்லீரல் ஆரோக்கியத்துக்கு... இப்படி எல்லாவற்றுக்கும் மூலிகை சூப் இருக்கு...’’ (98409 18039)

http://www.dinakaran.com/ladies_Detail.asp?cat=501&Nid=2733

by **பானுஷபானா** Mon 22 Sep 2014 - 15:10

சொல்வதுக்கு சுலபமா இருக்கும் செய்யனுமே

by **ahmad78** Mon 22 Sep 2014 - 15:28

வரவர பெண்களின் சோம்பேறித்தனம் அதிகமாயிட்டு

by **பானுஷபானா** Mon 22 Sep 2014 - 15:36

ahmad78 wrote:வரவர பெண்களின் சோம்பேறித்தனம் அதிகமாயிட்டு

நீங்க தான் சுறுசுறுப்பாச்சே செய்து குடுங்க {_

by **Nisha** Tue 23 Sep 2014 - 12:18

பானுஷபானா wrote:
ahmad78 wrote:வரவர பெண்களின் சோம்பேறித்தனம் அதிகமாயிட்டு

நீங்க தான் சுறுசுறுப்பாச்சே செய்து குடுங்க {_

அப்படிபோடுங்க பானு! நல்லா நச்சுன்னு போடுங்க பானு! (((

by **பானுஷபானா** Tue 23 Sep 2014 - 12:33

Nisha wrote:
பானுஷபானா wrote:
ahmad78 wrote:வரவர பெண்களின் சோம்பேறித்தனம் அதிகமாயிட்டு

நீங்க தான் சுறுசுறுப்பாச்சே செய்து குடுங்க {_

அப்படிபோடுங்க பானு! நல்லா நச்சுன்னு போடுங்க பானு! (((

சொன்னதுக்கப்புறம் ஆளே இந்தப் பக்கம் எட்டிப் பார்க்கல நிஷா

by **ahmad78** Tue 23 Sep 2014 - 13:20

ஏன் எங்களால முடியாதுன்னு நினைப்போ.

நளபாகத்திற்கு பெயர் வந்ததே ஆண்கள வச்சுதான்பா

by **பானுஷபானா** Tue 23 Sep 2014 - 13:23

ahmad78 wrote:ஏன் எங்களால முடியாதுன்னு நினைப்போ.

நளபாகத்திற்கு பெயர் வந்ததே ஆண்கள வச்சுதான்பா

ஆஹா இப்படியும் கூட பேசிவிங்களா நீங்க... *_

by **Nisha** Tue 23 Sep 2014 - 13:54

பானுஷபானா wrote:
ahmad78 wrote:ஏன் எங்களால முடியாதுன்னு நினைப்போ.

நளபாகத்திற்கு பெயர் வந்ததே ஆண்கள வச்சுதான்பா

ஆஹா இப்படியும் கூட பேசிவிங்களா நீங்க... *_

அது தானே! இந்தப்பூனையும் பால் குடிக்குமா எனுமாப்போல அமைதியா இருந்தாரே?

by **ahmad78** Tue 23 Sep 2014 - 13:56

பேசாவிட்டாலும் குற்றம் பேசுனாலும் குற்றமாப்பா?

by **சுறா** Tue 23 Sep 2014 - 14:11

அது வெஜ்ஜா நான் வெஜ்ஜா!

யாரவது தயாரிச்சி தந்தால் சுலபமாக குடிச்சிடலாம்.

நல்ல பகிர்வு

by Sponsored content

ஹெல்த்தி சூப்!

ஹெல்த்தி சூப்!

Re: ஹெல்த்தி சூப்!

Re: ஹெல்த்தி சூப்!

Re: ஹெல்த்தி சூப்!

Re: ஹெல்த்தி சூப்!

Re: ஹெல்த்தி சூப்!

Re: ஹெல்த்தி சூப்!

Re: ஹெல்த்தி சூப்!

Re: ஹெல்த்தி சூப்!

Re: ஹெல்த்தி சூப்!

Re: ஹெல்த்தி சூப்!

Re: ஹெல்த்தி சூப்!