உணவு - எக்ஸ்பைரி

by **ahmad78** Wed 1 Oct 2014 - 9:23

கடைகளில் பிரெட் வாங்கும் போது எக்ஸ்பைரி தேதி பார்த்து வாங்குகிறோம். அந்த பிரெட்டை காய வைத்துத் தூளாக்கி வைத்துக் கொண்டு, கட்லெட் போன்றவற்றைச் செய்யப் பயன்படுத்தச் சொல்கிறார்கள். அப்படிச் செய்கிற போது அதற்கு எக்ஸ்பைரி தேதி கிடையாதா?

ஊட்டச்சத்து நிபுணர் ஷரீஃபா

பிரெட் தூளுக்கும் இது பொருந்தும். பிரெட்டுக்கு உள்ள எக்ஸ்பைரி தேதி, அதன் தூளுக்கும் கட்டாயம் உண்டு. மீந்து போகிற பிரெட்டை தூக்கிப் போட மனமின்றி, வெயிலில் காய வைத்துப் பொடித்து வைப்பதும், என்றோ ஒருநாள் கட்லெட் செய்யும் போது உபயோகிப்பதும் ஆரோக்கியமான விஷயமல்ல. அரிசி மாவு, கோதுமை மாவு போன்ற மாவு வகைகளைக் கூட உபயோகிக்கத் திறக்கும் ஒவ்வொரு முறையும் உடனடியாக காற்று புகாமல் மூடி வைக்க வேண்டும்.

பிரெட் தூள் தேவைப்படுகிற போது, ஃப்ரெஷ்ஷான பிரெட்டை மைக்ரோவேவ் அவனில் வைத்தால் மொறுமொறுவென மாறும். அதைப் பொடித்து உபயோகிக்கலாம். வெறும் தோசைக்கல்லில் வாட்டிப் பொடித்தும் உபயோகிக்கலாம். ரஸ்க் தூளைக்கூட உபயோகிக்கலாம். டீ கடைகளில் கிடைக்கிற பொறையை வாங்கி பொடித்தும் உபயோகிக்கலாம். கடைகளில் வாங்குகிற பிரெட் தூள் பாக்கெட்டுகளில் தேதியைப் பார்த்து உபயோகிக்கவும். கரகரப்பு சுவைக்கு மைதா மற்றும் கார்ன்ஃப்ளார் மாவு கலவையைக் கூட உபயோகிக்கலாம்.

http://www.dinakaran.com/Medical_Detail.asp?Nid=2895&Cat=500