புதிய 10 ரூபாய் நோட்டுகள் விரைவில் வெளியீடு: ரிசர்வ் வங்கி அறிவிப்பு

by **rammalar** Wed 22 Oct 2014 - 9:24

-
புதிய 10 ரூபாய் நோட்டுகள் விரைவில் வெளியிடப்
படும் என ரிசர்வ் வங்கி தெரிவித்துள்ளது.
இதுகுறித்து ரிசர்வ் வங்கியின் பொது மேலாளர்
நீதி ராகவன் வெளியிட்ட செய்திக் குறிப்பு:
புதிய 10 ரூபாய் நோட்டுகளை ரிசர்வ் வங்கி விரைவில்
வெளியிட உள்ளது.
-
2005-ஆம் ஆண்டில் வெளியிடப்பட்ட மகாத்மா காந்தியின்
படம் கொண்ட அதே வகை பத்து ரூபாய் நோட்டுகளில்,
இரு பக்க வரிசை எண்களிலும் உள்பொதிந்து
அச்சடிக்கப்படும் “ஆ’ என்ற எழுத்து சேர்க்கப்பட்டு
புதியதாக இது வெளியிடப்படும்.
-
இந்தப் புதிய பத்து ரூபாய் நோட்டில் ஒருபுறம் ரிசர்வ்
வங்கியின் கவர்னர் ரகுராம் ஜி ராஜனின் கையொப்பமும்,
மறுபுறம் நோட்டு அச்சிடப்பட்ட ஆண்டும் இருக்கும்.
-
ஏற்கெனவே புழக்கத்திலிருக்கும் ரிசர்வ் வங்கி
வெளியிட்டுள்ள அனைத்து வகை பத்து ரூபாய் நோட்டுகளும்
செல்லத்தக்கவையே என ரிசர்வ் வங்கி தெரிவித்துள்ளது.
-
———————————-
தினமணி