முகப்புத்தகம்

by **பாயிஸ்** Thu 23 Oct 2014 - 9:51

முகம் தெரியா நட்பின்
முகவரி தேடும் பயணமிது
அகம் தெரிந்து கொள்ள
தொடங்கும் பயணமல்ல...

வெறும் சித்திரத்திலும்
சில நிமிடப்பேச்சிலும்
சிகரம் தொட நினைப்பது
சிந்தனைக்குரியதல்லவே..

வயதில் பாதி குறைத்துவிட்டு
வசனம் பேசியழைகிறார்கள்
வாழ்வொன்றிருப்பதை மறந்து
வழிதவறிப்போகிறார்கள்

நீங்கள் சாதிக்க உள்ளவைகள்
சாய்ந்து தூங்குகின்றது
நீங்களோ தூங்காமல்
சாய்ந்துகொண்டே போகிரீர்கள்

சூழவுள்ள நண்பர்களை மறந்து
முகம் தெரியா நட்புக்காய்
கடல்கடந்த தூரம்வரை
பயணித்து வருகிறார்கள்

இப்பாரின் ஒவ்வொரு தெருக்களிலும்
ஒரு பொய்யான விலாசத்துக்காய்
பொருங்கோடி மக்களின்று
பேய்களாய் அலைகிறார்கள்

பார்போற்றும் மதங்களுக்குள்
கனிவாய் வாழ்ந்தவர்களின்
கற்பைப்போன்ற மானங்கள்
காற்றில் போன திசைகளெங்கே..?

சிறு சிறு சபலங்களுக்காய்
சம்பிரதாயங்கள் சாகுறது
சத்தியமொன்று மட்டுமே
சமாதிவரை பயணிக்கும்

உண்மை நட்புக்காய்
தோள் கொடுக்கும் தூரம்பார்க்காதீர்
தூக்கத்தில் இருந்தாலும் கூட
போர்வையைக் கழட்டியெழுங்கள்

by **ahmad78** Thu 23 Oct 2014 - 9:56

கவிதை அருமை பாயிஸ்

by **பாயிஸ்** Thu 23 Oct 2014 - 10:01

ahmad78 wrote:கவிதை அருமை

நன்றி தோழரே

by **பானுஷபானா** Thu 23 Oct 2014 - 10:25

வாங்க பாயிஸ் அருமையான கருத்துள்ள கவிதையோட வந்திருக்கிங்க...

சில எழுத்துப்பிழைகள் இருக்கு சரி செய்துடுங்க

by **Nisha** Thu 23 Oct 2014 - 10:46

முக நூல் நட்பை குறித்து தெரியாது!

முகம் பாரா இணைய நட்பை தப்பென எல்லா நேரமும் சொல்ல இயலாது! பாலய கால அருகில் இருக்கும் நட்பை விட முகம்பாராமல் அகம் காட்டும் நட்பிலும் உண்மையும் அன்பும் இருக்கும்.

இணைய நட்போ பால்ய நட்போ நட்பை நட்பென கொண்டு நல்லதை தெரிந்துணர்ந்து நாமும் நல்லதாய் நடந்தால் நடப்பதும் நலமாய் தானிருக்கும்.

எனக்கு பாயிஸை இணையத்தில் தான் தெரியும் என்பதற்காக பாயிஸின் நட்பிலும் அன்பிலும் உண்மை இல்லை என சொல்ல முடியுமா? என் அன்பில் உண்மை இல்லை என சொல்ல முடியுமா?

அதற்காக அருகில் இருக்கும் எல்லோருமே அதே அன்பையும் நட்பையும் ஆதரவையும் தருவார்கள் என நம்ப இயலுமா?

கவிதை வரிகள் பாயிஸுக்கே உரிய இயல்பாய் அசத்தலாய் வந்திருக்கின்றது. கவிதை நடை சூப்பர். ஆனால் சொல்ல வந்த கருத்தில் எனக்கு உடன் பாடில்லை.

எல்லா இடமும் பொய்யும் புரட்டும் ஏமாற்றமும் நிறைந்து தான் இருக்கின்றது. இதில் உண்மை இதில் பொய்யென நாம் எப்படி முடிவெடுக்கலாம்?

இப்படி ஆண்டொன்று அமாவாசைகொன்றென வராமல் வாரமொன்றாவது வந்தால் என்னவாம்?

அப்படியே நண்பனில் 85 ஆயிரமாவது பதிவுக்கும் ஒரு வாழ்த்தை போட்டு விடலாமே...
http://www.chenaitamilulaa.net/t48344-85-000

உண்மை நட்புக்காய்
தோள் கொடுக்கும் தூரம்பார்க்காதீர்
தூக்கத்தில் இருந்தாலும் கூட
போர்வையைக் கழட்டியெழுங்கள்

by **சுறா** Fri 24 Oct 2014 - 4:45

அருமையான கவிதை. உங்கள் ஏக்கம் புரிகிறது கவிஞரே.

நட்பு அருகிலோ அல்லது தொலைவிலோ அது முக்கியமல்ல

நட்புக்கு எல்லைகளே கிடையாது. அதை ஒரு சின்ன குடுவைக்குள் அடைக்கப்பார்ப்பதும் தவறு தான்

by **நண்பன்** Mon 27 Oct 2014 - 7:52

கவிதை அருமையாக உள்ளது
நண்பனின் நட்பு என்றும் புனிதமே
எனது நண்பர்களும் அப்படியே
பாராட்டுக்கள் பாயிஸ்
தொடர்ந்து இன்னும் எழுதுங்கள்
சேனையில் பகிருங்கள்
நட்போடு நண்பன்.

by Sponsored content

முகப்புத்தகம்

முகப்புத்தகம்

Re: முகப்புத்தகம்

Re: முகப்புத்தகம்

Re: முகப்புத்தகம்

Re: முகப்புத்தகம்

Re: முகப்புத்தகம்

Re: முகப்புத்தகம்

Re: முகப்புத்தகம்