இலங்கை - இந்திய அணிகள் ஐ.சி.சி. தரவரிசையில் முதலிடத்திற்கும் போட்டி

இலங்கை - இந்திய அணிகள் ஐ.சி.சி. தரவரிசையில் முதலிடத்திற்கும் போட்டி

இலங்கை-இந்திய அணிகளுக்கு இடையிலான ஐந்து போட்டிகளைக் கொண்ட ஒருநாள் தொடர் நேற்று ஞாயிற்றுக்கிழமை கட்டாக்கில் ஆரம்பமான நிலையில் இரு நாடுகளும் ஒருநாள் தாரவரிசையில் முதலிடத்தை பிடிப்பதற்காகவும் போட்டியிடுகின்றன.

சர்வதேச கிரிக்கெட் கவுன்ஸில் ஒருநாள் தரவரிசையில் இந்திய அணி தற்போது தென்னாபிரிக்கா மற்றும் அவுஸ்திரேலியாவுக்கு பின்னால் மூன்றாவது இடத்தில் இருப்பதோடு இரு தரநிலை புள்ளிகள் பின்னிற்கும் இலங்கை நான்காவது இடத்தில் உள்ளது.
இந்நிலையில் போட்டியை நடத்தும் இந்தியா இந்த ஒருநாள் தொடரை 4-1 அல்லது அதனை விடவும் சிறந்த முறையில் வென்றால் அந்த அணி தரவரிசையில் அனைத்து அணிகளையும் பின்தள்ளி முதலிடத்திற்கு முன்னேறும்.
இதில் இந்திய அணி தொடரை 4-1 என வென்றால் அது தற்போது முதலிடத்தில் இருக்கும் தென்னாபிரிக்காவின் தரநிலை புள்ளியை சமன் செய்யும். எனினும் தசம புள்ளிகள் அடிப்படையில் இந்தியா முதலிடத்திற்கு முன்னேறிவிடும். ஆனால் இந்த தொடரை இந்திய அணி 5-0 என முழுமையாக வென்றால் அது தென்னாபிரிக்காவை விடவும் இரண்டு புள்ளிகள் முன்னிலை பெற்று முதலிடத்தை உறுதியாக பெற்றுவிடும்.
மறுபுறத்தில் இலங்கை அணி தரவரிசையில் முதலிடத்தை பெறுவது அதிக சவாலாக உள்ளது. அதாவது இலங்கை முதலிடத்தை பெற அது தொடரின் அனைத்து போட்டிகளிலும் வெற்றிபெற வேண்டிய நிலையில் இருந்தது. அவ்வாறு வெற்றிபெறும்பட்சத்தில் இலங்கை தரவரிசையில் தென்னாபிரிக்காவுடன் 115 தரநிலை புள்ளிகளை பகிர்ந்துகொள்ளும். எனினும் இலங்கையால் தசம புள்ளி அடிப்படையில் முதலிடத்தை பெற முடியுமாக இருந்தது.

தினகரன்

முதல் வெற்றி பெற்றதன் மூலம் இந்தியா முன்னிலை பெற்றுள்ளது. தொடரட்டும் வெற்றிகள்