பிண்டம்

by **பாயிஸ்** Sun 16 Nov 2014 - 20:55

எங்களூர் ஒரு பிண்டம்
அதற்கு
இன்னும் தாய்மடி கிடைக்கவில்லை
எந்த மாதாவும் பாலூட்டவில்லை

எங்கள் ஜனங்கள்
வாழ்க்கையை
கடைத்தெருக்களில் காணாத்துவிட்டு
காலத்தைத் திட்டியபடியே
குடும்பம் நடத்துகிறார்கள்

இளைஞர்கள்
இருமிஇருமியே காலங்கடத்துகிறார்கள்
எலும்பு முறிந்து
எழும்ப முடியாமல் கிடக்கிறார்கள்

பள்ளிவாயல்கள்
பாய் விரித்துக் காத்திருக்கின்றன
வணங்குவாரில்லை

சொந்த வாழ்வை
சுயநலத்தில் தொலைத்து
மற்றவனின் வாழ்வை
சந்தேகங்களால் கழுவிக்கழுவி
நாறிக்கொண்டிருக்கிறார்கள்

அடுத்தவனுக்கு
குழி தோண்டுவதிலேயே
ஆயுளைக் கழிக்கிறார்கள் பலர்

மடி நிறையப் பொருள்
மனசு நிறைய இருள்

வேண்டப்படாத அநாவசியங்களோடுதான்
வீணாகிக்கொண்டிருக்கின்றன
அநேகரின் பொழுதுகள்

இங்கு
நாக்கில்லா முதலைகளுக்கே விருந்து
நொண்டிக் குதிரைகளுக்கே விருது
ஊளையிடும் நரிகளுக்கே கைதட்டல்

பேடுகள்தான் அதிகம் கூவுகின்றன
சேவல்கள் அடைப்படுக்கின்றன

ஞனவளர்ச்சிக்கான முயற்சி
ஊனமுற்றுக் கிடப்பதால்
ஊரின் எழுச்சியே
முடமாகிப் போனது

எங்களூர் ஒரு பிண்டம்

முஹா (எனது சகோதரர்)
2000.02.18

by **நேசமுடன் ஹாசிம்** Mon 17 Nov 2014 - 10:39

சகோதரனின் கவிதையினை இங்கு பதிவிட்ட தம்பிக் கவிஞனுக்கு பாராட்டுகள்
முஹா என்னும் எனது பள்ளித்தோழனின் அருமையான கவிதை இதை நேற்றே FBயில் பார்த்திருந்தேன் நன்றிகள்

by **Nisha** Mon 17 Nov 2014 - 10:47

மடி நிறையப் பொருள்
மனசு நிறைய இருள்

வேண்டப்படாத அநாவசியங்களோடுதான்
வீணாகிக்கொண்டிருக்கின்றன
அநேகரின் பொழுதுகள்

இது தான் இன்றைய மனிதரின் நிதர்சனம்! எதற்காக, ஏன் என தெரியாமலே ஓடி ஓடி உழைப்பதும், உழைப்பதை தேவைக்கு மீறி செலவு செய்வதுமாய் காலத்தை ஓட்டிக்கொண்டிருக்கின்றோம்.

பல பணக்காரரின் மன வக்கிரமே மனம் நிறைந்த இருளாய் தானே இருக்கின்றது.

மடி நிறைய பொருள்
மனம் நிறைந்த இருள்
அருமையாய் வார்த்தைப்பிரயோகம்.

பிண்டம் எனும் தலைப்பில் உயிரில்லாத உயிருள்ள ஜடங்களை குறித்த கவிதை வரிகள் ஒவ்வொன்றும் நமக்கும் சாட்டை அடி தான்!

சகோதரனின் கவிதையினை இங்கே பகிர்ந்தமைக்கு நன்றிகள். அவரையும் சேனைக்கு அழைத்து வாருங்கள் பாயிஸ்!

உண்மை வரிகள்
அருமை

by **நண்பன்** Tue 18 Nov 2014 - 8:31

சிறப்பான கவிதை ஒன்று இங்கு பகிர்ந்தமைக்கு நன்றி பாயிஸ்

by Sponsored content

பிண்டம்

பிண்டம்

Re: பிண்டம்

Re: பிண்டம்

Re: பிண்டம்

Re: பிண்டம்

Re: பிண்டம்