கறுப்பின இளைஞனின் கொலை தீர்ப்பில் அதிருப்தி: அமெரிக்காவில் கலவரம்

கறுப்பின இளைஞனின் கொலை தீர்ப்பில் அதிருப்தி: அமெரிக்காவில் கலவரம்

அமெரிக்காவின் மிசோரி மாகாணத்தின் பெர்குசன் நகரில் கறுப்பின இளைஞரான மைக்கல் பிரவுனை சுட்டுக் கொன்ற பொலிஸ் அதிகாரி வில்சன் மீது விசாரணை நடத்த முடியாது என்று நீதிபதிகள் அறிவித்ததைத் தொடர்ந்து மீண்டும் அங்கு வன்முறை வெடித் துள்ளது. பல இடங்களில் துப்பாக்கிச் சூட்டு சம்பவங்கள் நிகழ்ந்துள்ளன.
அமெரிக்காவின் மிசோரி மாகாணத்தில் உள்ள பெர்குசன் நகரில் கடந்த ஓகஸ்ட் 9ஆம் திகதி மைக்கல் பிரவுன் என்ற கறுப்பின இளைஞரை பொலிஸ் அதிகாரி டேரன் வில்சன் சுட்டுக்கொன்றார். இதனால் அப்போது அங்கு பெரும் வன்முறை வெடித்தது. கடைகள் சூறையாடப்பட்டன. பல இடங்களில் துப்பாக்கிச் சூடு நடத்தப்பட்டது.
இந்த வழக்கில் பொலிஸ் அதிகாரி வில்சன் மீது மைக்கல் பிரவுன் குடும்பத்தினர் அளித்த புகாரின் பேரில் விசாரணை நடை பெற்றது. இந்த விசாரணை முடிவடைந்து நீதிபதிகள் நேற்று முன்தினம் தங்களது தீர்ப்பை வழங்கினர். அதில் பிரவுனை சுட்டுக்கொன்றது தொடர்பாக வில்சன் மீது விசாரணை நடத்தப்படமாட்டாது என அறிவிக்கப்பட்டது.

இந்த தீர்ப்பு வெளியானவுடன் கண்ணீர் விட்டு கதறி அழுத பிரவுனின் தாயார், இத் தீர்ப்பால் தான் மிகவும் மனவேதனை அடைந் துள்ளதாகவும், இது தவறான தீர்ப்பு என்றும் குறிப்பிட்டார். அதே சமயம் போராட்டத்தில் ஈடுபடுபவர்கள் வன்முறையை கைவிட்டு அமைதியாக போராட வேண்டும் என்று அவர் கேட்டுக்கொண்டார்.
இத்தீர்ப்பு வெளியானவுடன் அங்கு திரண் டிருந்த மக்கள் போராட்டத்தில் ஈடுபட்டனர். அவர்கள் பொலிஸாரின் வாகனங்களை அடித்து நொறுக்கினர். பொலிஸார் மீது கற் களையும், போத்தல்களையும் வீசி தாக்கு தலில் ஈடுபட்டனர். இதனால் பொலிஸார் கண்ணீர் புகை குண்டுகளை வீசி போராட் டக்காரர்களை கலைத் தனர்.
பெர்குசன் புற நகர்ப் பகுதியில் ஒரு மிக மோசமான வன் முறை இரவு முழுவ தும் நடந்ததாக செண்ட் லுயிஸ் நக ரப் பொலிஸ் தலைமை அதிகாரி ஜோன் பெல் மார் கூறினார். எதிர்ப் பாளர்களிடமிருந்து பொலிசார் கடுமை யான துப்பாக்கிச் சூடுகளை எதிர் கொண்டதாக அவர் கூறினார்.

குறைந்தது 29 பேர் கைது செய்யப் பட்டிருக்கிறார்கள். கடைகள் சூறையாடப்பட்டு கட்டடங்க ளுக்குத் தீவைக்கப் பட்டது. இரவு முழு வது தீவைப்பு சம் பவங்களில் ஏற்பட்ட தீ எரிந்துகொண்டி ருந்தது. பாதுகாப்புப் படையினர் வீதிக ளில் ரோந்துப் பணி யில் ஈடுபட்டிருந்தனர்.
அவர்கள் முன்னதாக கண்ணீர்ப்புகை குண்டுகளையும் புகையைப் பரப்பும் கேனிஸ் டர்களையும் ஆர்ப்பாட்டக்காரர்களுக்கு எதிராகப் பயன்படுத்தினார்கள்.
துப்பாக்கிச் சூடு நடத்தப்பட்டதாகவும் தகவல்கள் தெரிவிக்கின்றன. இதையடுத்து அம்மாகாணத்தில் அவசர நிலை உத்தரவை பிறப்பித்து ஆளுநர் நிக்சன் உத்தர விட்டுள்ளார்.
இந்த முடிவு குறித்து அமெரிக்கர்கள் சிலர் கோபப்படுவது புரிந்துகொள்ளக் கூடியதே , ஆனால் ஆர்ப்பாட்டக்காரர்கள் அமைதியாக இருக்கவேண்டும் என்று அமெரிக்க ஜனாதிபதி ஒபாமா வலியுறுத் தினார்.
அமெரிக்காவின் லொஸ் ஏஞ்செலஸ், பிலடெல்பியா, நியு+யோர்க் போன்ற பெரு நகரங்களில் ஆயிரக்கணக்கானோர் இந்த முடிவுக்கு எதிராக பெரும் ஆர்ப்பாட்டப் பேரணிகளை நடத்தினர்.
கலிபோர்னியாவின் ஓக்லாந்தில் எதிர்ப்பு ஆர்ப்பாட்டக்காரர்கள் ஒரு முக்கிய நெடுஞ் சாலையில் போக்குவரத்தைத் தடுத்து நிறுத் தினர்.
இந்த டாரன் வில்சன் என்ற போலிஸ் அதிகாரி தற்காப்பு நடவடிக்கையில்தான் இது போல நடந்து கொண்டார் என்று முடி வெடுத்த ஜ_ரிகள் குழு அவருக்கு எதிராக வழக்கு தொடர்வதில்லை என்று முடிவு செய்தது.
நேரில் கண்டவர்கள் சிலரின் வாக்கு மூலங்களிலிருந்து, கண்டெடுக்கப்பட்ட பொருட் கள் காட்டும் ஆதாரங்கள் முரண்பட்டன என்று செண்ட் லூயிஸ் அரசு வழக்குரை ஞர், பொப் மக்கல்லோக் கூறினார்.

தினகரன்

எந்த ஒரு தேசத்தின் மீதான ஒடுக்குமுறைகளையும் வன்முறைகளையும் எப்போது வன்மையாக எதிர்க்கின்றோமோ அப்போதுதான் அடிமைத்தனத்தை அடியோடு உடைத்தெரிய முடியும்.

அறிந்துகொள்ள வேண்டிய விடையம் நன்றி