சீனாவில் மரண தண்டனை கைதிகளின் உடலுறுப்புகளை பெறுவது நிறுத்தம்

சீனாவில் மரண தண்டனை கைதிகளின் உடலுறுப்புகளை பெறுவது நிறுத்தம்

மரண தண்டனை கைதிகளிடம் இருந்து உடல் உறுப்புகளை பெறும் நடைமுறையை நிறுத்துவதற்கு சீன அரசு தீர்மானத்திருப்பதாக அந்நாட்டு பத்திரிகை ஒன்று செய்தி வெளியிட்டுள்ளது. எனினும் இவ்வாறான வாக்குறுதி இதற்கு முன்னரும் வழங்கப்பட்டிருந்ததாக குறிப்பிடப்பட்டுள்ளது.
சீனாவில் உடல் உறுப்புகளுக்கான தேவை அதிகமாக இருந்தபோதும் அதனை தானம் வழங்குபவர்கள் குறைவாகவே காணப்படுகின்றனர். இதனால் மரண தண்டனைக்கு முகம் கொடுத்திருக்கும் கைதி களிடம் இருந்து அவர்களி னதோ அல்லது அவர் களது குடும்பத்தினரதோ அனுமதி இன்றி உடல் உறுப்புகளை பெறும் நடை முறை பல ஆண்டுகளாக இருந்து வருகிறது. மனித உரிமை அமைப்புகளின் இந்த குற்றச்சாட்டுகளை சீன நிர்வாகம் மறுத்து வருகிறது.
இந்நிலையில் ஜனவரி முதலாம் திகதி தொடக்கம் மரண தண்டனை நிறைவேற்றப்படும் கைதிகளிடம் இருந்து உடலுறுப்புகளை பெறுவது முழுமையாக நிறுத்தப்படும் என்று சீன நிர்வாகம் அறிவித்துள்ளது.
சீனாவில் ஆண்டு தோறும் 300,000 நோயாளர்கள் உறுப்பு மாற்று சிகிச்சைக்கு முகம்கொடுத்து வருகின்றபோதும் ஆண்டுக்கு சுமார் 10,000 உறுப்பு மாற்று சத்திரசிகிச்சைகளே இடம்பெற்று வருகின்றன.
சீனாவில் ஒவ்வொரு மில்லியன் மக்களிலும் 0.6 வீதமானோரே தனது உடல் உறுப்புகளை தானம் செய்ய முன் வருகின்றனர். இதுவே ஸ்பெயினில் 37 வீதமானவர்கள் உடலுறுப்புகளை தானம் செய்கின்றனர்.

தினகரன்

நல்ல செய்தி நன்றி தம்பி

இறக்கும் தருவாயில் உள்ள யாரிடமும் உடலுறுப்பு தானம் பெறலாம்

இறக்கும் தருவாயினாயிலும் அவர்கள் அனுமதி இன்றி அல்லது அவர்களை சார்ந்தோர்  சனுமதி இன்றி அவர்கள் உடலிலிருந்து  உறுப்புக்களை எடுக்க எவருக்கும் அனுமதி இல்லையே..

இது தான் சீனா

Nisha wrote:இறக்கும் தருவாயினாயிலும் அவர்கள் அனுமதி இன்றி அல்லது அவர்களை சார்ந்தோர்  சனுமதி இன்றி அவர்கள் உடலிலிருந்து  உறுப்புக்களை எடுக்க எவருக்கும் அனுமதி இல்லையே..

அனுமதியுடன் தானம் பெற்றால் தவறில்லையே

சுறா wrote:

Nisha wrote:இறக்கும் தருவாயினாயிலும் அவர்கள் அனுமதி இன்றி அல்லது அவர்களை சார்ந்தோர்  சனுமதி இன்றி அவர்கள் உடலிலிருந்து  உறுப்புக்களை எடுக்க எவருக்கும் அனுமதி இல்லையே..

அனுமதியுடன் தானம் பெற்றால் தவறில்லையே

பெரும்பாலான உடல் உறுப்பு தானங்கள் அனுமதி இல்லாமல் தான் நடை பெறுகின்றது ஜானி. 

இலங்கை, இந்தியா, சைனா என்ன பல ஏழை நாடுகளில்  உடல் உறுப்புகள் திருடப்படுகின்றன!

அதை விட இந்த உடல் உறுப்பு தானத்திலும் எனக்கு  சின்ன சந்தேகம் இருக்கும்.  நம்ம மத நம்பிக்கை படி   மரித்த பின் உடலை எரிப்பதில்லை, அடக்கம் செய்கின்றார்கள்.  கடைசி காலத்தில் இயேசு வரும் போது முதலில் கல்லறை திறக்கப்பட்டு  மரித்தோர் உயிரோடு எழுந்திருப்பார்கள் என சொல்லப்ட்டிருக்கும் போது...  மரித்த பின்  உடலானது அப்படியே அடக்கம் செய்யபட்டால் தானே  முழுமையாய் எழுந்திருக்க முடியும்.உடலில் உறுப்புக்களை இழந்தால் எப்படி  கறை திரை இல்லாமல் எழுந்திருக்க முடியும் ?

இப்படி உடல் உறுப்புக்களை தானம்செய்வது  இறைவன் கட்டளை தானா?  

எனக்கு இரத்த தானம் கொடுப்பதிலேயே இந்த  குழப்பம் இருக்குப்பா.. 
இரத்தத்துக்கு விலகி இருக்க சொல்லி  ... நாம் சாப்பிடும்  இறைச்சிகளில் இரத்தமே... வெட்டப்படும் போது முழுமையாய் நிலத்தில் சிந்தப்படணும் என  பைபிளில் இருக்கின்றது. இரத்தம் சேர்த்த எதையும் நாம் உண்ணக்கூடாது என  சொல்லும் போது  ஒருவர் உடலிலிருக்கும் இரத்தம் இன்னொருவர் உடலுக்குள் செலுத்துவது சரியா? 

எனக்கு தெரியவில்லை! உங்களுக்கு தெரிந்தால் விளக்கம் தாருங்கள்!