மகிந்த அரசாங்கத்துக்கு வீதிகள் அமைப்பதென்றால் மிகவும் விருப்பம்

by **நண்பன்** Sat 6 Dec 2014 - 8:56

யுத்தத்தின் 75 சதவீதம் தமது ஆட்சியிலேயே முடிக்கப்பட்டு விட்டதாகவும் எஞ்சிய 25 சதவீதத்தை மட்டுமே தமது அரசாங்கம் ஜனாதிபதி மகிந்த ராஜபக்ஷவுக்கு மிச்சமாக வைத்திருந்ததாகவும் தெரிவித்துள்ள முன்னாள் ஜனாதிபதி சந்திரிகா பண்டாரநாயக்க குமாரதுங்க, தற்போதைய எதிரணி பொது வேட்பாளரும் முன்னாள் அமைச்சருமான மைத்திரிபால சிறிசேனவே யுத்தம் நிறைவடையும் போது நாட்டின் பாதுகாப்பு அமைச்சராக இருந்ததாகவும் குறிப்பிட்டுள்ளார். மாத்தறை, உயன்வத்த விளையாட்டு மைதானத்தில் நேற்று முன்தினம் வியாழக்கிழமை நடைபெற்றப் பொது எதிரணியின் பொதுக்கூட்டத்தில் உரையாற்றும் போதே சந்திரிக்கா குமாரதுங்க இந்த விடயங்களைத் தெரிவித்துள்ளார்.
அவர் இங்கு மேலும் பேசுகையில்; "எமது போராட்டம் குறிப்பிட்ட ஒருவருக்கு எதிரானதல்ல. ஒருவர் மட்டுமே ஜனாதிபதி பதவியை வகித்துக் கொண்டு, அவரும் அவரது குடும்பமும் நாட்டுக்கு ஏற்படுத்தும் பாதிப்பை தடுத்து நிறுத்துவதே எமது போராட்டத்தின் நோக்கமாகும். அரசுக்குள்ளேயே இருந்து கொண்டு நாட்டை சீரழிக்கும் இன்னுமொரு தரப்பும் இருக்கிறது. இன்று பசி, பட்டினியை விடவும் சுதந்திரமே முக்கிய தேவையாக இருக்கிறது. பட்டப்பகலில் நடு வீதியில் மக்கள் படுகொலை செய்யப்படுகின்றனர். நடுத்தர வர்க்கத்தினர் கூட இன்றும் மூன்று வேளைகளும் சாப்பிட முடியாத நிலைமை காணப்படுகிறது. சுமார் 15 தலைமுறைகளை அடகு வைத்தே அரசாங்கம் நாட்டை அபிவிருத்தி செய்கிறது.

அரசாங்கத்துக்கு வீதிகள் அமைப்பதென்றால் மிகவும் விருப்பம். வீதியொன்றை அமைக்க உண்மையில் செலவாகும் தொகையை விடவும் 9 மடங்கு அதிகமான தொகையை இந்த அரசாங்கம் வீதி அமைக்க செலவிடுகிறது. இந்த வீண் விரயத்தை தடுத்து நிறுத்தினால் அரசதுறை ஊழியர்களின் சம்பளத்தை இரட்டிப்பாக்க முடியும். அனைத்து ஊழல் மோசடிகளையும் நிறுத்தினால் இந்த நாட்டை சொர்க்க பூமியாக்க முடியும். எமது அரசின் கீழ் அரசதுறை ஊழியர்களின் சம்பளம் 5 மடங்காக உயர்த்தப்பட்டது. அதுவும் யுத்தம் நடைபெற்றுக் கொண்டிருந்த போதுதான். யுத்தம் செய்தார் என்று கூறி ஜனாதிபதியொருவர் முடிந்தளவு காலம் அவரே தான் ஜனாதிபதியாக இருக்க வேண்டுமா?
அதன் பின்னர் அவரது தம்பிமார்களும் அதன் பின்னர் மகன்மார்களும் நாட்டின் ஜனாதிபதியாக வேண்டுமா? சரத் பொன்சேகா தான் யுத்தம் செய்தார். யுத்தத்தின் 75 சதவீதம் எமது அரசின் கீழேயே முடிக்கப்பட்டுவிட்டது. 25 சதவீதத்தை மட்டுமே நாம் ராஜபக்ஷ ஜனாதிபதிக்கு மிச்சமாக வைத்திருந்தோம். அதுமட்டுமல்லாது, யுத்தம் நிறைவடையும் போது மைத்திரிபால சிறிசேன தான் நாட்டின் பாதுகாப்பு அமைச்சராக இருந்தார்.
ஸ்ரீ லங்கா சுதந்திரக் கட்சியும் ஐக்கிய தேசியக் கட்சியும் ஒருபோதும் ஒன்றிணைந்து செயற்பட்டதில்லை. எனினும், இந்த கொடுமையான ஆட்சிக்கு எதிராக நாம் இன்று ஒன்று சேர்ந்துள்ளோம். எனது பிள்ளைகள் அரசியலுக்கு வரப்போவதில்லை. நான் கிரீடம் அணிவிப்பதற்கு எனக்கு தலைமுறையொன்றும் இல்லை. மக்கள் மீது நேசம் இருந்தாலும் மீண்டும் அரசியலுக்கு வருவதில்லை என்று தான் நான் நினைத்து கொண்டிருந்தேன். தனிப்பட்ட இலாபங்களை எதிர்பார்த்து நாம் மீண்டும் அரசியலுக்கு வரவில்லை.

தினக்குரல்

by **நண்பன்** Sat 6 Dec 2014 - 9:07

என் கண் முன்னே கண்டேன் 20 லட்சம் பெறுமதியான ஒரு வடிகான் அமைத்து விட்டு 15 கோடி கணக்குக் காட்டினார்கள்

400 மீட்டர் தூரம் வடிகான் அமைக்க எத்தனை கோடி ரூபாய் தேவைப் படும்

அவர்கள் அதற்கு சிலவழித்த தொகையைப் பார்த்து ரெத்தக்கண்ணீர் வடித்தேன்
பல கிலோ மீற்றர் தூரம் செய்ய வேண்டிய வடிகான் சிலவை வெறும் 400 மீற்றருக்கு சிலவழித்திருந்தார்கள் என்ன கொடுமை

மகிந்த அரசாங்கத்துக்கு வீதிகள் அமைப்பதென்றால் மிகவும் விருப்பம்

மகிந்த அரசாங்கத்துக்கு வீதிகள் அமைப்பதென்றால் மிகவும் விருப்பம்

Re: மகிந்த அரசாங்கத்துக்கு வீதிகள் அமைப்பதென்றால் மிகவும் விருப்பம்