கள்ளச்சாராயம் அருந்தியவர்களில் மூவர் மரணம்; நால்வர் ஆபத்தான நிலையில்

by **நண்பன்** Sun 7 Dec 2014 - 8:12

கள்ளச்சாராயம் அருந்தியவர்களில் மூவர் மரணம்; நால்வர் ஆபத்தான நிலையில்

மொனராகலை வெடிகும்புர பகுதியில் சட்டவிரோத மதுபானம் அருந்திய மூவர் உரியிழந்துள்ளதாக பொலிஸார் தெரிவித்துள்ளனர். சனிக்கிழமை அதிமலை பகுதியில் சட்டவிரோத மதுபானம் அருந்திய மூவரே உயிரிழந்துள்ளதாக தெரிவிக்கப்படுகிறது.

சட்டவிரோத மதுபானம் அருந்தியதால் பாதிக்கப்பட்ட ஏழு பேர் மொனராகலை சிரிகல வைத்தியசாலையில் அனுமதிக்கப்பட்டனர். அதில் மூவர் உயிரிழந்ததோடு, நால்வர் கவலைக்கிடமான நிலையில் வைத்தியசாலையில் அனுமதிக்கப்பட்டுள்ளனர்.

இந்தப் பகுதியில் பல இடங்களிலும் சட்டவிரோத மதுபானம் விற்பனை செய்யப்பட்டுவரும் நிலையில் ஒரு இடத்தில் அதனை அருந்தியவர்களில் மூவரே உயிரிழந்துள்ளனர். ஏனைய நால்வரும் தீவிர சிகிச்சைக்குட்படுத்தப்பட்டு வருகின்றனர்.

இது தொடர்பாக மொனராகலை பொலிஸார் மேலதிக விசாரணைகளை மேற்கொண்டுள்ளனர்.

தினக்குரல்