உத்தரப்பிரதேசத்தில் கடும் குளிர்: ஒரே நாளில் 12 பேர் பலி

by **சுறா** Fri 26 Dec 2014 - 21:07

வட இந்தியாவின் பல பகுதிகளில் கடந்த 40 ஆண்டுகளில் இல்லாத அளவுக்கு கடும் பனிப்பொழிவு நிகழ்ந்து வருகிறது. அங்குள்ள சாலைகள் இரண்டு மீட்டர் உயரத்திற்கு பனியால் மூடப்பட்டுள்ள நிலையில், எதிரில் வரும் வாகனங்கள் தெரியாத அளவிற்கு அங்கு கடும் பனிப்பொழிவு நிலவி வருகிறது. இதனால் வாகன ஓட்டிகளும், பொதுமக்களும் கடும் அவதிக்கு ஆளாகி வருகின்றனர்.

இந்த கடும் குளிர் காரணமாக உத்தரப்பிரதேசத்தில் நேற்று மட்டும் 12 பேர் பலியானார்கள். இந்த மாதம் மட்டும் உயிரிழந்தவர்களின் எண்ணிக்கை 92 ஆக உயர்ந்துள்ளது. கடும் குளிரால் மக்களுக்கு ஏற்பட்டுள்ள இன்னல்களை போக்க அம்மாநில அரசு, இரவு முகாம்கள் அமைத்துள்ளதுடன், குளிரை தாங்கும் வகையில் கம்பளி போர்வைகள் போன்ற அடிப்படை தேவைகளையும் வழங்கியுள்ளது. இதற்காக ஒரு மாவட்டத்திற்கு தலா 3.45 லட்சம் என 75 மாவட்டங்களுக்கு 1.63 கோடி ரூபாயை அரசு ஒதுக்கியுள்ளது.

இது மட்டுமின்றி குளிர்கால நிவாரண நிதியாக நவம்பர் 12 அன்று 17.98 லட்ச ரூபாய் ஒதுக்கியுள்ளதாகவும், தற்போது கூடுதலாக ஒவ்வொரு தாலுகாவிற்கும் 50,000 ரூபாய் வழங்கப்படுமென்றும் அரசின் நிவாரணத்துறை ஆணையரான லீனா ஜாஹரி அறிவித்தார்.

பல இடங்களில் அதிகபட்ச வெப்பநிலை 4-10 டிகிரி என்ற அளவிலும், குறைந்த பட்ச வெப்பநிலை 3-5 டிகிரியாகவும் இருந்து வருகிறது. குறைந்தபட்சமாக முசாபர் நகரில் 2.4 டிகிரியும், லக்னோவில் 2.5 டிகிரியும் வெப்பநிலை பதிவாகியுள்ளது குறிப்பிடத்தக்கது.

நன்றி மாலைமலர்

by **Nisha** Sun 28 Dec 2014 - 13:47

எங்கும் இதே நிலை தான் போலும்! அனர்த்தங்கள் கொடரும் போது மனிதர்கள் நாம் என்ன செய்யலாம்?

செய்திப்பகிர்வுக்கு நன்றிப்பா!

உத்தரப்பிரதேசத்தில் கடும் குளிர்: ஒரே நாளில் 12 பேர் பலி

உத்தரப்பிரதேசத்தில் கடும் குளிர்: ஒரே நாளில் 12 பேர் பலி

Re: உத்தரப்பிரதேசத்தில் கடும் குளிர்: ஒரே நாளில் 12 பேர் பலி