தற்கொலைப்படை தாக்குதல் நடத்திய 10 வயது சிறுமி: 19 பேர் பலி

by **Nisha** Mon 12 Jan 2015 - 9:31

நைஜீரியாவின் 10 வயது பெண் நடத்திய தற்கொலைப்படை தாக்குதலில் 19 பேர் பலியானார்கள்.

போர்னோ மாகாணத்தின் மைடுகுரி மார்க்கெட்டில் கோழி இறைச்சி விற்கும் கடைகள் உள்ள பகுதியில், பெண் மனித வெடிகுண்டு வெடித்ததில் 19 பேர் பலியானதாக காவல்துறை தெரிவித்துள்ளது.

அப்பெண்ணின் உடலை சுற்றி வெடிகுண்டுகள் கட்டப்பட்டிருந்ததாகவும் காவல்துறையினர் கூறியுள்ளனர்.

இத்தாக்குதலுக்கு இது வரை யாரும் பொறுப்பேற்கவில்லை.

இந்த மார்க்கெட்டில் கடந்த வருடம், ஒரே வாரத்தில் இரு முறை பெண் தற்கொலைப்படை தீவிரவாதிகள் தாக்குதல் நடத்தியுள்ளது குறிப்பிடத்தக்கது.

எனினும் இத்தாக்குதல் சம்பவத்திற்கு பின்னணியிலும் போகோஹாரம் தீவிரவாதிகள் தான் இருக்கக்கூடும் என அதிகாரிகள் கருதுகின்றனர்.

தமிழ் வின் செய்தி