நினைத்தது நிறைவேற நிச்சயம் அவசியம் நம்பகத்தன்மை

by **ahmad78** Tue 13 Jan 2015 - 10:55

பெரியோர், ஞானிகள் வாக்கு பொய்க்காது என்பார்கள். இதற்கு காரணம் அவர்களின் எண்ணமும், செயலும் ஒன்றுக்கொண்டு பிணைந்திருப்புதுதான். அதாவது, சொன்ன வார்த்தையை காப்பாற்ற வேண்டும். வார்த்தை மாறக்கூடாது என்று இதைத்தான் சொல்வார்கள். சொல் ஒன்றும் செயல் வேறாகவும் இருக்ககூடாது. பல சமயங்களில் நாம் கொடுத்த வாக்கை நாமே மறந்து விடுவோம். நாளை உனக்கு போன் பண்ணுகிறேன் என்று சொல்லிவிட்டு மறந்து விடுவோம்.

அல்லது இவ்வளவு வேலைக்கு நடுவில் இப்போது எப்படி போன் செய்வது என்று 2 நாளைக்கு தள்ளிப்போட்டு விடுவோம். உண்மையில் உதாசீனப்படுத்துவது நமது நோக்கமாக இல்லாவிட்டாலும், வாக்கை மறந்து விடுவது வருத்தத்தைதான் ஏற்படுத்தும். வேலை தேடிக்கொண்டிருப்பவர் நேர்முக தேர்வை மறப்பதில்லை. தேர்வு எழுதசெல்வது, ஒரு மாதம் முன்பே திட்டமிட்ட பயணத்தை சரியான நினைவு படுத்தி தயாராவது என்று பல்வேறு விஷயங்களில் நாம் சரியாக நடந்து கொண்டிருப்போம் ஆனால் நண்பனுக்கு கொடுத்தவாக்கை எளிதில் மறந்துவிடுவோம்.

இவ்வாறு செய்யும் போது சொல்லும் செயலும் விலகிப்போகிறது. சொல்லோடு செயல் சேராவிட்டால் நமது வாக்கு பொய்க்கிறது. மிக எளிதில் நம்பகத் தன்மையையும் இழக்கிறோம். இப்படி இருந்தால் மற்றவர்கள் நம்மை ஏளனம் செய்து விடுவார்கள். நாம் பெரியவர்கள், ஞானிகள் அருகில் செல்லும் போது மனதுக்குள் பயம்நடுக்கம் வருகிறது அதற்கு காரணம் நமது நேர்மையின்மையே. நேர்மையாக நடந்து கொள்பவர்களின் பேச்சு சற்று கடுமையாகத்தான் இருக்கும் ஆணவக்காரரோ என்று நினைக்கத் தொன்றும்.

ஆனால் அதன் காரணம் தெரிந்தால் தான் அதிலிருக்கும் உண்மை புரியும். நான் நேர்மையானவர் யாருக்குப் பயப்படவேண்டும். ஏன் பொய் சொல்ல வேண்டும். என்ற சிந்தனை அவர்களுக்குள் மேலோங்கியிருக்கும், அந்த மன நிலையில் அவர்கள் வாக்கு பலிக்கும் உண்மையிருப்பின் அவர்கள் நினைத்தது நடக்கும் ஆனால் அதைப் பார்ப்பவர்களுக்குத் தான் அது ஆச்சர்யமாக இருக்கும்.

எனவே, உங்கள் வாழ்க்கைக்கும் பலிக்க உள்ளொன்று வைத்துப் புறம் ஒன்று பேசாத நேர்மையாளனாக இருங்கள். சொல்லுக்கும் செயலுக்கும் தொடர்பு ஏற்படுத்த வேண்டும். சின்ன சின்ன விஷயத்தில் கூட சொல்லையும் செயலையும் சம்மந்தப்படுத்துங்கள். உங்கள் வாக்கும் பலிக்கும். நம்பகத்தன்மை அதிகரிக்கும். இத்தகைய பண்புகளால் உங்கள் மீது நன்மதிப்பு அதிகரித்து நினைத்ததை நீங்கள் நிறைவேற்றும் வல்லமையை கொடுக்கும்.

http://www.dinakaran.com/News_Detail.asp?Nid=127152