பஜ்ஜி வகைகள்

by **ahmad78** Sun 18 Jan 2015 - 13:24

காளான் பஜ்ஜி

தேவையான பொருட்கள்:

பட்டன் காளான் - 200 கிராம் (துண்டுகளாக்கப்பட்டது)
மைதா - 100 கிராம்
அரிசி மாவு - 100 கிராம்
மிளகாய் தூள் - 1/2 டீஸ்பூன்
எண்ணெய் - தேவையான அளவு
உப்பு - தேவையான அளவு

செய்முறை:

முதலில் ஒரு பாத்திரத்தில் தண்ணீர் ஊற்றி, அடுப்பில் வைத்து நன்கு கொதிக்க விட வேண்டும்.

பின்னர் அந்த நீரில் காளானை போட்டு 2 நிமிடம் ஊற வைத்து அலசி, தனியாக ஒரு தட்டில் வைத்துக் கொள்ள வேண்டும்.

காளானில் உள்ள நீர் முற்றிலும் வற்றிய பின், ஒரு பௌலில் மைதா, அரிசி மாவு, மிளகாய் தூள், உப்பு சேர்த்து தண்ணீர் ஊற்றி பஜ்ஜி மாவு பதத்திற்கு கலந்து கொள்ள வேண்டும்.

பின்பு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், காளானை கலந்து வைத்துள்ள மாவில் பிரட்டி, எண்ணெயில் போட்டு பொன்னிறமாக பொரித்து எடுக்க வேண்டும்.

இதேப் போல் அனைத்து காளானையும் பொரித்து எடுத்தால், காளான் பஜ்ஜி ரெடி!!!

http://tamil.boldsky.com/recipes/soups-snacks-drinks/2015/crispy-mushroom-bajji-recipe-007273.html

by **ahmad78** Sun 18 Jan 2015 - 13:31

[size=undefined]புடலங்காய் பஜ்ஜி[/size]

பஜ்ஜி வகைகள் 06-1420546320-snake-gourd-bajji

தேவையான பொருட்கள்:

புடலங்காய் - 1
எண்ணெய் - பொரிப்பதற்கு தேவையான அளவு

பஜ்ஜி மாவிற்கு...

கடலை மாவு - 1 கப்
அரிசி மாவு - 1/2 கப்
மிளகாய் தூள் - 1 டீஸ்பூன்
மஞ்சள் தூள் - 1 டீஸ்பூன்
பெருங்காயத் தூள் - 1/2 டீஸ்பூன்
உப்பு - தேவையான அளவு
தண்ணீர் - தேவையான அளவு

செய்முறை:

முதலில் புடலங்காயின் தோலை நீக்கிவிட்டு, அதனை வட்ட வட்டமாக வெட்டி, அதனுள் உள்ள விதைகளை நீக்கி விட வேண்டும்.

பின்னர் ஒரு பாத்திரத்தில் பஜ்ஜி மாவிற்கு கொடுத்துள்ள பொருட்களை சேர்த்து, பஜ்ஜி மாவு பதத்திற்கு கலந்து கொள்ள வேண்டும்.

பிறகு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், புடலங்காயை பஜ்ஜி மாவில் பிரட்டி எண்ணெயில் போட்டு பொன்னிறமாக பொரித்து எடுத்தால், புடலங்காய் பஜ்ஜி ரெடி!!!

http://tamil.boldsky.com/recipes/soups-snacks-drinks/2015/crispy-snake-gourd-bajji-recipe-007214.html

by **ahmad78** Sun 18 Jan 2015 - 13:35

தக்காளி பஜ்ஜி
பஜ்ஜி வகைகள் 12-1418385755-tomato-bajji

தேவையான பொருட்கள்:

தக்காளி - 2 (வட்டமாக நறுக்கியது)
கடலை மாவு - 3/4 கப்
அரிசி மாவு - 3 டேபிள் ஸ்பூன்
பேக்கிங் சோடா - 1 சிட்டிகை
மிளகாய் தூள் - 2 டீஸ்பூன்
உப்பு - தேவையான அளவு
எண்ணெய் - பொரிப்பதற்கு தேவையான அளவு
கேசரி பவுடர் - 1 சிட்டிகை

செய்முறை:

முதலில் ஒரு பௌலில் எண்ணெய் மற்றும் தக்காளியைத் தவிர, இதர அனைத்து பொருட்களையும் போட்டுக் கொள்ள வேண்டும்.

பின்னர் அதில் தண்ணீர் ஊற்றி ஓரளவு கெட்டியாக கலந்து கொள்ள வேண்டும்.

பின்பு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.

எண்ணெயானது சூடானதும், தக்காளி துண்டுகளை ஒவ்வொன்றாக எடுத்து, மாவில் பிரட்டி, எண்ணெயில் போட்டு பொன்னிறமாக பொரித்து எடுத்தால், தக்காளி பஜ்ஜி ரெடி!!!

http://tamil.boldsky.com/recipes/soups-snacks-drinks/2014/crispy-tomato-bajji-recipe-007121.html

by **ahmad78** Sun 18 Jan 2015 - 13:37

பேபி கார்ன் பஜ்ஜி
பஜ்ஜி வகைகள் 22-baby-corn-bajji

தேவையான பொருட்கள்:

பேபி கார்ன் - 1 பாக்கெட்
மைதா - 3-4 டீஸ்பூன்
சோள மாவு - 2 டீஸ்பூன்
கடலை மாவு - 2 டீஸ்பூன்
மிளகாய் தூள் - 1/2 டீஸ்பூன்
இஞ்சி பூண்டு பேஸ்ட் - 1/2 டீஸ்பூன்
கேசரி பவுடர் - 1/4 டீஸ்பூன்
உப்பு - தேவையான அளவு
எண்ணெய் - பொரிப்பதற்கு தேவையான அளவு

செய்முறை:

முதலில் பேபி கார்ன்னை நீளமாக வெட்டிக் கொள்ள வேண்டும்.

பின்னர் ஒரு பௌலில் மைதா, சோள மாவு, கடலை மாவு, மிளகாய் தூள், கேசரி பவுடர் மற்றும் உப்பு சேர்த்து, அத்துடன் சிறிது தண்ணீர் ஊற்றி பஜ்ஜி மாவு பதத்திற்கு கலந்து கொள்ள வேண்டும்.

பின்பு அதில் நறுக்கி வைத்துள்ள பேபி கார்ன்னை சேர்த்து பிரட்டிக் கொள்ள வேண்டும்.

பிறகு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், பேபி கார்ன்னை சேர்த்து பொரித்து எடுத்தால், பேபி கார்ன் பஜ்ஜி ரெடி!!!

http://tamil.boldsky.com/recipes/soups-snacks-drinks/2014/crunchy-delicious-baby-corn-bajji-recipe-006984.html

by **Nisha** Sun 18 Jan 2015 - 14:37

பேபி கார்ன் என எதை சொல்வீர்கள்?

மாக்கலவை ஒன்றே. அதற்குள் எதை போட்டு பிரட்டி பொரித்தாலும் அது பஜ்ஜி ஆகி விடும் அல்லவா முஹைதீன்?

by **Nisha** Mon 19 Jan 2015 - 10:00

பேபி கார்ன் என்றால் என்ன என கேட்டேன் முஹைதீன் சார்?

by **ahmad78** Mon 19 Jan 2015 - 10:26

by **ahmad78** Mon 19 Jan 2015 - 10:27

வாவ்...சுவையாகப் பரிமாறியுள்ளீர் அஹ்மத்.. :)

by Sponsored content

பஜ்ஜி வகைகள்