குழந்தை நடக்க ஆரம்பித்துவிட்டது........

by **ahmad78** Mon 2 Mar 2015 - 10:14

காணாமல் போன
செல்போணை
வீடெங்கும் தேடினால்
தண்ணீர் அண்டாவில்
கிடக்கிறது......

தொலைக்காட்சி
ரிமோட்டின்
உடலெங்கும் கட்டுக்கள்
அடுத்த ரிமோட்
வீட்டுக்குள் அடியெடுத்து
வைக்கிறது......

வெளியில் கிளம்பும்
எல்லோருக்கும் விளையாட்டு
காத்திருக்கிறது
உங்கள் செருப்பை
தேடுங்கள் பார்ப்போம்......

அடுக்கி வைத்திருந்த
துணிகளெல்லாம
அறையெங்கும் சிதறிக்கிடக்க
மனைவியின் புலம்பலால்
நிறைகிறது இரவு உணவு......

நடமாடும் இடமெல்லாம்
சோற்றுப்படுக்கை
கஞ்சி என
காலெங்கும் பிசுபிசுப்பு....

என் செல்ல குழந்தை
நடக்க ஆரம்பித்துவிட்டது........

நன்றி : முகநூல்

by *சம்ஸ் Mon 2 Mar 2015 - 10:23

உண்மையில் அருமை பகிர்விற்கு நன்றி

by **சே.குமார்** Mon 2 Mar 2015 - 17:49

ஆஹா... செல்லக் குழந்தை நடக்க ஆரம்பித்தாலே வீட்டில் மகிழ்ச்சிதானே....
எல்லாம் எங்கெங்கோ கிடந்தாலும் சந்தோஷம் மட்டும் நிறைந்து கிடக்கும் அல்லவா...
அருமையான கவிதை.