மக்கள் ஆணையை ஒருபோதும் துஷ்பிரயோகம் செய்யோம்

by **நண்பன்** Mon 16 Mar 2015 - 8:46

மக்கள் ஆணையை ஒருபோதும் துஷ்பிரயோகம் செய்யோம்

ராஜபக்ஷவின் ஏகாதிபத்திய ஆட்சியை முடிவுக்குக் கொண்டு வந்துள்ளதைப் போன்று மக்களின் எதிர்பார்ப்பை வெகு விரைவில் நிறைவேற்றுவதுடன் மக்கள் ஆணையை புதிய அரசாங்கம் ஒருபோதும் துஷ்பிரயோகம் செய்யாதென்று பிரதமர் ரணில் விக்கிரமசிங்க நேற்று தெரிவித்தார்.
களவு, மோசடிகளில் ஈடுபட்டு பணம் உழைத்தவர்களுக்கு தண்டனைகள் வழங்குவதற்கு பதிலாக அவர்களிடம் உள்ள பணத்தை வெகுவிரைவில் பொதுமக்களுக்கு பெற்றுக் கொடுக்க நடவடிக்கை எடுக்கப் படும் எனவும் எதிர்வரும் புத்தாண்டை சுதந்திரமாகவும், சமாதானமாகவும் கொண்டாடுவதற்கான சூழல் உருவாக்கப் படும் என்றும் அவர் தெரிவித்தார்.
ஐக்கிய தேசியக்கட்சியின் 15இலட்சம் அங்கத்தவர்களை சேர்த்துக் கொள்ளும் வேலைத்திட்டம் கொழும்பு, தொட்டலங்க பாலம் அருகில் நிதி அமைச்சர் ரவி கருணாநாயக்க அனுசரணையில் நேற்று நடைபெற்றது. இதில் பிரதம அதிதியாகக் கலந்து கொண்டு உரையாற்றும் போதே பிரதமர் இவ்வாறு தெரிவித்தார். அவர் தொடர்ந்து உரையாற்றுகையில்,
தற்போது சகல கட்சிகளையும் உள் ளடக்கிய அரசாங்கமொன்றை உருவாக் கியுள்ளோம். இதற்கு எதிரானவர்களும் இருக்கிறார்கள். நாம் அவர்களை புறந்தள் ளிவிட்டு எங்களுடன் கைகோர்ப்பவர்களை இணைத்துக் கொண்டு எமது பயணத்தை தொடர்வோம். ஐக்கிய தேசியக்கட்சிக்கு தலைமைத்துவம் கிடைப்பதற்கு பொதுமக்கள் பங்காளர்களாக இருக்க வேண்டுமென்றும் பிரதமர் தெரிவித்தார்.
மக்கள் ஆணையுடன் ஜனவரி 9ஆம் திகதி ஏகாதிபத்திய ராஜபக்ஷவின் ஆட்சியை முடிவுக்கு கொண்டு வந்தோம். அந்த மக்கள் ஆணையை நாம் ஒருபோதும் துஷ்பிரயோகம் செய்ய மாட்டோம். சிங்கள, தமிழ், முஸ்லிம் ஆகிய சகல இனங்களையும் இணைத்துக் கொண்டு நாம் உருவாக்கும் தேசிய அரசாங்கத்தை முன்னெடுத்துச் செல்வோம். நீங்கள் எம்மீது கொண்டிருந்த நம்பிக்கையின் காரணமாக மைத்திரிபால சிறிசேன ஜனாதிபதியாகவும் நான் பிரதமராகவும் இருக்கிறேன்.
சட்டத்தை சரியாக நடைமுறைப்படுத்தும் ஜனநாயகத்தை நிலைநாட்டும் இந்த அரசாங்கத்தில் இணைய விரும்புவோருக்கு எமது கதவு திறந்தே உள்ளது. நம் புதிய இலங்கையை கட்டியெழுப்புவோம். இது ஒரு புதிய கலாசாரம். நாட்டை கட்டியெழுப்புவதற்கு முன்னர் நம்மக்களை உருவாக்க வேண்டும். பொதுமக்கள் பணத்தை சுரண்டியவர்களுக்கு எதிர்காலம் ஒன்றில்லை. தங்களது சுயலாபம் கருதி அவர்கள் செயற்படுவதால் மீண்டுமொரு பொற்காலம் உருவாகாது.
நாம் புதிய அரசாங்கமொன்றை ஏற்படுத்துவோம் என்று கடந்த ஆண்டில் தெரிவிக்கப்பட்ட போது அதனை யாரும் ஏற்றுக் கொள்ளவில்லை. என்றாலும் புதிய அரசாங்கம் உருவாக்கப்பட்டுள்ளது. இந்த தேசிய அரசாங்கம் எதிர்காலத்திலும் உருவாக்கப்படும் என்பதனை இங்கு சுட்டிகாட்ட விரும்புகிறேன்.
பெண்களின் முன்னேற்றத்துக்காக மாத்திரம் 250 மில்லியன் ரூபாவை ஒதுக்கியுள்ளோம். கர்ப்பிணித் தாய்மார்களுக்கு விசேட வேலைத்திட்டமொன்றை நடைமுறைப்படுத்தி வருகிறோம். எமது நிதி அமைச்சர் இரவு, பகல் பாராது மக்கள் சேவையில் ஈடுபட்டு வருகிறார். நாம் அத்தியாவசியப் பொருட்களின் விலைகளை குறைத்துள்ளோம். இதன் பெறுபேற்றை மக்கள் தற்போது அனுபவித்து வரு கிறார்கள்.
எமது அபிவிருத்தி திட்டங்கள் தொடர்ந்து முன்னெடுக்கப்பட்டு வருகின்றன. எனினும் கடந்த அரசாங்கம் தமக்கு வேண்டியவர்களுக்கு எவ்வித கொள்கையும் இன்றி, முறையான திட்டமின்றி பலகோடி வேலைத்திட்டங்களை ஒப்படைத்தது. அவர்களுக்கு வேண்டியவர்களை திருப்திபடுத்த மீண்டும் நாம் அந்த திட்டங்களை ஒப்படைக்க மாட்டோம்.
நாம் முறையான திட்டங்களுடன் சட்ட திட்டங்களுக்கு அமையவே ஒப்படைப் போம். தற்போது காணப்படும் பிரச்சி னைகளுக்கு தீர்வினை வழங்கி உடனடியாக நடைமுறைப்படுத்துவோம். மஹிந்தவை வெற்றிபெற கோடான கோடி ரூபாக்களை செலவழித்தவர்களுக்கு தற்போது அவ்விதம் செயற்பட இடமளிக்க முடியாது.
கடந்த முறை நான் அரசாங்கத்தை பொறுப்பேற்ற போது பொருளாதார வங்குரோத்து நிலை காணப்பட்டிருந்தது. எனினும் அதனையும் சவாலாக ஏற்று நல்ல நிலைக்கு கொண்டு வந்தபோது எம்மிடம் இருந்து அரசாங்கத்தை பறித்தெடுத்தார்கள். அதன் பிறகு 10 ஆண்டுகளாக காத்துக் கிடந்தோம்.
மைத்திரிபால சிறிசேனவும் நானும் ஒரே அணியில் இணைந்து போட்டி யிட்டோம். அவர் தோல்வியடைந்திருந் தால் 7அடி மண்ணில் புதைக்கப்பட்டிருப் பதாக தெரிவித்திருந்தார். அவ்வாறெனில் மக்கள் எவ்வகையான துன்பங்களை அனுபவித்திருப்பார்கள் என்று சிந்தித்து பார்க்க வேண்டுமென்று பிரதமர் ரணில் விக்கிரமசிங்க கேள்வி எழுப்பினர்.

நன்றி தினகரன்

by **Nisha** Mon 16 Mar 2015 - 10:05

ரெம்ப நல்லதுங்க!

நல்லதே நடக்கட்டும்.

மக்கள் ஆணையை ஒருபோதும் துஷ்பிரயோகம் செய்யோம்

மக்கள் ஆணையை ஒருபோதும் துஷ்பிரயோகம் செய்யோம்

மக்கள் ஆணையை ஒருபோதும் துஷ்பிரயோகம் செய்யோம்

Re: மக்கள் ஆணையை ஒருபோதும் துஷ்பிரயோகம் செய்யோம்