புறாச்சண்டையால் ஒருவர் பரிதாபமான நிலையில் பலியாகியுள்ளார்

by **நண்பன்** Mon 16 Mar 2015 - 9:59

சிறுவர்களுக்கிடையில் புறா சண்டை; தலையிட்ட தந்தை பலி

புறாச்சண்டையால் ஒருவர் பரிதாபமான நிலையில் பலியாகியுள்ளார் Budapest-tumbler-mike-spencer-1

காணாமல்போன புறாக்கள் தொடர்பாக அயல் வீட்டிலுள்ள இரு சிறார்களிடையே இடம்பெற்ற வாக்குவாதத்தில் பிள்ளைகளின் தந் தைகள் தலையிட்டதால் ஒரு தந்தை அடித்துக் கொலைசெய்யப்பட்டார். இப்பரிதாப சம்பவம் கடந்த வெள்ளிக்கிழமை வெலிகம துருக்கி வீடமைப்பு கிராமத்தில் இடம்பெற்றது. இச் சம்பவத்தில் 50 வயதான மீனவ தந்தையே உயிரிழந்தார்.
9 வயது மற்றும் 15 வயது சிறுவர்களுக்கிடையே ஏற்பட்ட வாக்குவாதத்தில் இருவர்களின் பெற்றோர்கள் தலையிட்டதால் வாக்குவாதம் மேலும் முற்றவே 15 வயது சிறுவனின் தந்தை மற்றைய சிறுவனின் தந்தையால் தாக்கப்பட்டு உயிரிழந்தார்.
கூண்டில் அடைக்கப்பட்டிருந்த இரு புறாக்களும் காணாமல் போனதையடுத்து பக்கத்து வீட்டு 9 வயது பிள்ளையை 15 வயது பிள்ளையின் மீனவத் தந்தை விசாரிக்கச் சென்றுள்ளார். பின்னர் இரு வருக்குமிடையில் சண்டை மூண்டுள் ளது. இதனை 9 வயது சிறுவன் தனது தந்தையிடம் முறையிடவே, தந்தை மற்றுமொரு நபருடன் சென்று மீனவ தந்தையின் வாக்குவாதத்தில் ஈடுபட்டுள்ளார். வாக்குவாதம் முற்றவே ஆத்திரம் அடைந்த 9 வயதுடைய சிறுவனின் தந்தை அவரைத் தாக்கி கொலை செய்துள்ளார்.
கொலையுடன் சம்பந்தப்பட்ட 26 மற்றும் 30 வயதுடைய இருவர்கள் பொலிஸாரினால் கைது செய்யப்பட் டுள்ளனர்.
கொலைக்குப் பயன்படுத்தப்பட்டதாகக் கூறப்படும் மண்வெட்டி, கிரிக்கெட் மட்டை, கோடாரி ஆகியவற்றையும் பொலிஸார் கைப்பற்றியுள்ளனர்.

தினகரன்