நாகூர் ஹனிபா உடலுக்கு கருணாநிதி கண்ணீர் அஞ்சலி

திமுகவின் பிரசார பாடகரும், திரைப்படப் பாடகருமான நாகூர் ஈ.எம். ஹனிஃபா (97) சென்னையில் புதன்கிழமை காலமானார். அவரது உடலுக்கு திமுக தலைவர் கருணாநிதி நேரில் சென்று கண்ணீர் அஞ்சலி செலுத்தினார்.

கோட்டூர்புரத்தில் உள்ள வீட்டில் இருந்த ஹனிபா இரவு 8 மணியளவில் திடீரென உடல் நலம் பாதிக்கப்பட்டு உயிர் இழந்தார்.

ஹனீபா மரணம் அடைந்தது குறித்து தகவல் அறிந்ததும், திமுக தலைவர் கருணாநிதி, பொருளாளர் மு.க.ஸ்டாலின், மாநிலங்களவை உறுப்பினர் கனிமொழி ஆகியோர் நேரில் சென்று அஞ்சலி செலுத்தினர்.

ஹனிபா மறைவு குறித்து செய்தியாளர்களிடம் பேசிய கருணாநிதி, எனது ஆருயிர் நண்பரும், எனது இளமை காலத்தில் இருந்து இந்த இயக்கத்திலே என்னோடு சேர்ந்து வளர்ந்தவருமான எனது சகோதரர் இசைமுரசு ஹனீபா நம்மையெல்லாம் விட்டு பிரிந்து விட்டார் என்று கண்ணீர் மல்க பேசினார்.

நாகூரில் வியாழக்கிழமை மாலை 5.30 மணியளவில் ஹனிபாவி உடல் அடக்கம் செய்யப்பட உள்ளது.

இவர் கருணாநிதியின் சிறு வயது நண்பர்களில் ஒருவர். இஸ்லாமிய, திராவிட இயக்கப் பாடல்கள் மூலம் பெரிதும் புகழ் பெற்றவர். சட்டப்பேரவை மேலவை உறுப்பினராகவும், தமிழ்நாடு வஃக்பு வாரியத் தலைவராகவும் இருந்தவர்.

திரைப்படத்திலும் பல்வேறு பாடல்கள் பாடியுள்ளார். "இறைவனிடம் கையேந்துங்கள்', "உன் மதமா, என் மதமா' போன்ற அவரின் பாடல்கள் மிகவும் பிரபலமானவை. அவருக்கு 2 மகன்கள் 4 மகள்கள் உள்ளனர்.


நன்றி தினமணி

உலகம் இறைவனின் சந்தை மடம்.

இன்னாலில்லாஹி வ இன்னா இலைஹி ராஜ்வூன்.

இறைவா! இவர்களை மன்னிப்பாயாக! நேர்வழி பெற்றவர்களுடன் சேர்ந்து இவரது தகுதியை உயர்த்துவாயாக! இவர் விட்டுச் சென்றவர்களுக்கு நீ பொறுப்பாளனாவாயாக! அகிலத்தின் அதிபதியே! இவரது பாவங்களையெல்லாம் மன்னிப்பாயாக! இவரது மண்ணறையை விசாலமாக்குவாயாக! அதில் இவருக்கு ஒளியை ஏற்படுத்துவயாக ஆமீன்

இனிய குரல்... கம்பீரக் குரல்... அழுத்தம் திருத்தமான தமிழ் உச்சரிப்பு... மறைந்த பாடகர் ஹனிபாவின் குரல்..... காலம் அழியும் வரை ஒலித்துக் கொண்டே இருக்கும்

கமாலுதீன் wrote:இனிய குரல்... கம்பீரக் குரல்... அழுத்தம் திருத்தமான தமிழ் உச்சரிப்பு... மறைந்த பாடகர் ஹனிபாவின் குரல்..... காலம் அழியும் வரை ஒலித்துக் கொண்டே இருக்கும்

உண்மைதான் இவரின் பாடல்கள் எங்கள் நாட்டில் ஹஜ் பெருநாள் சீசனில் மிகவும் அதிகமாக கேட்கலாம்

மரணத்தையும் இவ்வுலகத்தையும் பற்றிய பாடல்... (எனக்கு மிகவும் பிடித்தமான பாடல்)

உலகம் இறைவனின் சந்தை மடம்
    இது வருவோரும் போவோரும் தங்கும் இடம்
    உலகம் இறைவனின் சந்தை மடம்
    இது வருவோரும் போவோரும் தங்கும் இடம்
    இதுவல்ல நமக்கு சொந்த இடம்
    இதுவல்ல நமக்கு சொந்த இடம்
    அங்கே இருக்குது வேறு உரிய இடம்
    உரிய இடம்...

    கருவூரில் இருந்து புறப்படுவான் கொஞ்சம்
    களைப்பாற இங்கே தங்கிடுவான்
    உறவோடு உரிமையும் கொண்டாடுவான் அவன்
    ஒருவருக்கும் சொல்லாமல் ஓடிடுவான்

    இருப்பவன் இங்கேயே நிலைப்பதில்லை யாரும்
    இதை விட்டுப் போனவன் திரும்பவில்லை
    மறுப்பவன்  இதனை யாரும் இல்லை
    மனதில் ஆசைகள் மட்டும் குறையவில்லை

    பிறந்ததும் பாங்குண்டு தொழுகை இல்லை அவன்
    இறந்ததும் தொழுகைக்கு பாங்கு இல்லை
    புரிந்தவன் ஆணவம் கொள்வதில்லை இதை
    புரியாதவன் அறிவு தெளிவதில்லை

    தொடரும் கதை ஒரு நாள் முடிந்து விடும் அந்த
    தூயோனின் தீர்ப்பு அதைக் காட்டி விடும்
    நடை போட்ட முன்னோர்கள் சென்ற இடம் நீ
    நினைத்தாலே சிந்தனைகள் மாறி விடும்    

    உலகம் இறைவனின் சந்தை மடம்
    இது வருவோரும் போவோரும் தங்கும் இடம்
    உலகம் இறைவனின் சந்தை மடம்

இப்போதும் வண்டியில் வரும் போது இந்தப் பாடலைத்தான் கேட்டுக்கொண்டு வந்தேன் மமதை பிடித்த மனிதர்கள் ஆணவம் கொண்டவர்கள் இந்தப் பாடலைக் கேட்கும் போது நல்லது நடக்கும் என்று நான் நினைக்கிறேன்