விவசாயிகள் குறை தீர்க்கும் கூட்டத்தில் வயது முதிர்ந்த பெண்ணுக்கு அனுமதி மறுப்பு

ராமநாதபுரத்தில் நடந்த விவசாயிகள் குறைதீர்க்கும் கூட்டத்தில் முறையிட வந்த பெண்ணை அவரது தோற்றத்தை வைத்து கூட்டத்தில் பங்கேற்க அதிகாரிகள் அனுமதி மறுத்தனர். ராமநாதபுரம் மாவட்ட விவசாயிகள் குறைதீர்க்கும் கூட்டம் கலெக்டர் அலுவலகத்தில் நடந்தது. கலெக்டர் ஹரிஹரன், வேளாண் இணை இயக்குனர் சத்தியமூர்த்தி உட்பட அதிகாரிகள் பங்கேற்றனர்.

வழக்கம் போல விவசாயிகளுக்கு வாய்ப்பளிக்காமல் அதிகாரிகளே அனைத்து இருக்கையிலும் அமர்ந்து கொண்டனர். பரமக்குடி அருகே நிலையாம்படியை சேர்ந்த முத்து மனைவி குருவம்மாள் (60), தனது நான்கு ஏக்கர் நெல் பயிர் பாதிக்கப்பட்டது குறித்து, முறையிட காலை 8 மணிக்கே கலெக்டர் அலுவலகம் வந்தார். கூட்டம் நடந்த மாவட்ட ஊராட்சி மன்ற அரங்கில் நுழைய முயன்றவரை, அதிகாரிகள் தடுத்தனர்.

எளிமையான உடை அணித்திருந்ததால் அவரை ஏளனமாக பேசி விரட்டினர். அனுமதி மறுக்கப்பட்ட நிலையில் கூட்ட அரங்கின் வெளியே நான்கு மணி நேரம் காத்திருந்தார்.

கடைசி வரை அவரை யாரும் கண்டுகொள்ளவில்லை. வழக்கம் போல விவசாய சங்கத்தினரை வைத்து கூட்டத்தை நடத்தி முடித்தனர். வெளியே வந்த கலெக்டர் ஹரிஹரனிடம் குருவம்மாள் தனது மனுவை கொடுத்தார். குருவம்மாள் கூறியதாவது, என் கணவருக்கு 85 வயதாகிவிட்டது