நீதிமன்ற உத்தரவை மீறிய 26 பேருக்கு அழைப்பாணை

by **நண்பன்** Sat 25 Apr 2015 - 8:38

நீதிமன்ற உத்தரவை மீறிய 26 பேருக்கு அழைப்பாணை

எதிர்வரும் 8ஆம் திகதி நீதிமன்றத்தில் ஆஜராகுமாறு உத்தரவு

நீதிமன்ற உத்தரவையும் மீறி ஆர்ப்பாட்ட த்தில் ஈடுபட்ட மேல்மாகாண முதலமைச்சர் பிரசன்ன ரணதுங்க உட்பட 26 பேருக்கு எதிராக நீதிமன்றம் அழைப்பாணை விடுத்துள்ளது.
எதிர்வரும் 8ஆம் திகதி நீதிமன்றத்தில் ஆஜராகுமாறு அவர்களுக்கு அழைப்பாணை விடுக்கப்பட்டுள்ளது.
முன்னாள் பாதுகாப்பு அமைச்சின் செயலாளர் கோட்டாபய ராஜபக்ஷ இலஞ்ச மோசடி விசாரணை ஆணைக் குழுவுக்கு அழைக்கப்பட்டமைக்கு எதிராக ஆர்ப்பாட்டத்தில் ஈடுபட் டவர்களுக்கே இவ்வாறு அழைப்பாணை அனுப்பப்பட்டுள்ளது.
குறித்த தினத்தில் இலஞ்ச மோசடி விசாரணை ஆணைக்குழுவுக்கு முன்னால் ஆர்ப்பாட்டம் நடத்துவதற்கு எதிராக பொலிஸார் நீதிமன்றத்தில் தடையுத்தரவைப் பெற்றிருந்தனர். இந்தத் தடையுத்தரவையும் மீறி ஆர்ப்பாட்டம் நடத்தப்பட்டிருந்தது.
நீதிமன்ற உத்தரவை மதிக்காமல் செயற்பட்டார்கள் என்ற குற்றச்சாட்டின் பேரில் ஐ. ம. சு. மு. பாராளுமன்ற உறுப்பினர்கள், மேல் மாகாண முதலமைச்சர் பிரசன்ன ரணதுங்க, மேல் மாகாண சபை உறுப்பினர் உதய கம்மன்பில உட்பட 26 பேருக்கு எதிராக அழைப்பாணை அனுப்பப்பட்டுள்ளது. எதிர்வரும் 8ஆம் திகதி இவர்கள் நீதிமன்றத்தில் ஆஜராக வேண்டும்.

தினரகன்