உழைப்பாளர் சிலை வடித்த சிற்பி ..

by **rammalar** Thu 30 Apr 2015 - 14:01

-
சென்னை கடற்கரையில் உள்ள காலத்தால் அழியாத
தொழிலாளர் சிலையை செய்தது யார் தெரியுமா?
அவரைப் பற்றிய சில செய்திகள்:-
-
அவர் பெயர் தேவி பிரசாத் ராய் சௌத்ரி, வங்கத்தை
சேர்ந்த இவர் அடிப்படையில் ஒரு ஓவியர் ஆனால்
சிலை வடிப்பதிலும் ஆர்வம கொண்டவர். மேலும்
இவர் ஒரு எழுத்தாளர், புல்லாங்குழல் இசை வித்தகர்,
மல்யுத்த வீரர், வேட்டைக்காரர் என்று பன்முகத்
தன்மை கொண்டவர்.
-
4 தொழிலாளர்கள் ஒரு கடினமான பாறாங்கல்லை
உந்தி தள்ளுவது போன்ற இந்த சிலை வெண்கலத்தால்
உருவாக்கப்பட்டது.
-
உழைப்பாளர்களின் கோவணத் துண்டோடு கூடிய
இறுகிய உடல், உழைப்பின் களைப்பு, விடாமுயற்சி,
ஒற்றுமை, மனோபலம் மேலும் உழைப்பின் உன்னதத்தை
நம் பார்வைக்கு இம்மியளவும் பிசகாமல் எடுத்துக்
காட்டியிருக்கிறார் ராய்.
-
தந்திர இந்தியாவின் கரடு முரடான பாதையில் நாம்
எதிர் கொள்ள வேண்டிய கடமையை(உழைப்பை)
உருவகப்படுத்துவதாக இந்த சிலை அமைக்கப்
பட்டிருக்கிறது.
-
அது நமக்கு இருக்க வேண்டிய மன வலிமையையும்,
ஒற்றுமையை எடுத்தியம்புவதாக அமைந்திருக்கிறது.
–
=================================