விசாகத்தன்று நடனமாடிய சிவபெருமான்

by **rammalar** Sat 30 May 2015 - 13:14

மார்க்கண்டேயன் சிவபெருமானின் திருக்கூத்தைக்காண
வேண்டி தவம் செய்ய விரும்பினான். மழப்பாடியில்
ஒரு இடத்தை தேர்வு செய்து தவத்தை தொடங்கினான்.
-
ஐந்தெழுத்தை எண்ணியபடி ஒற்றைக்காலில் நின்று தவம்
புரிந்தான். அவரது தவக்கனல் உலகம் முழுவதும்
பரவியது. தேவர்களும், முனிவர்களும் அந்த வெப்பத்தில்
இருந்து தம்மை விடுவிக்க வேண்டி இறைவனை நாடி
கயிலைக்கு சென்றனர்.
-
அவர்கள் இறைவனிடம் முறையிட, சிவபெருமானன்
உமாதேவியுடன் விநாயகர், முருகன் ஆகியோர் உடன்
வர மழப்பாடி வந்தார்.
-
முழுமுதற்கடவுளை நேரில் கண்டு பரவசம் அடைந்த
மார்க்கண்டேயன் பலவாறு போற்றித்துதித்தார். பின்னர்
திருக்கூத்தினை ஆடியருள வேண்டும் என விண்ணப்பித்து
கொண்டார்.
-
ஈசன் மார்க்கண்டேயனிடம் வைகாசி விசாகத்தன்று
திருக்கூத்தை நிகழ்த்தி காட்டுவோம். அதுவரை நீ
தவத்தினை தொடர்ந்து செய்து வருவாய் என்று கூறி
மறைந்தார்.
-
வைகாசி விசாகத்தன்று சிவபெருமான் மழுவினை
திருக்கையில் ஏந்தி நடனமாடினார். மார்க்கண்டேயர்
திருக்கூத்தை கண்டு வணங்கி மகிழ்ந்து ஒவ்வொரு
ஆண்டும் இதே நாளில் இத்தலத்தில் உன
திருக்கூத்தினை நிகழ்த்தியருள வேண்டும் என்று
வேண்டிகொண்டார். இறைவனும் அவ்வாறே ஆகட்டும்
என திருவாய் மலர்ந்தருளினார்.
-
அவ்வாறே ஒவ்வொரு ஆண்டும் திருக்கூத்தினை
ஆடிவரலானார். அதனால் இத்தலம் ‘மழுவாடி’
எனும் பெயரை பெற்றது.
-
‘பொன்னார் மேனியனே புலித்தோலை அரைக்கிசைத்து’
என சுந்தரர் பாடிய புகழ்பெற்ற தேவார பாடலுக்கு
சொந்தமான மழுவாடி திருமழப்பாடி என அழைக்கப்படுகிறது.
இத்திருத்தலம் அரியலூருக்கு தெற்கில் 28 கி.மீட்டர்
தூரத்திலும், தஞ்சை மாவட்டம் திருவையாறில் இருந்து
15 கி.மீட்டர் தூரத்திலும் அமைந்துள்ளது.
-
திருச்சி, லால்குடி, அரியலூர், தஞ்சையில் இருந்து பஸ்
வசதி உள்ளது. வைகாசி விசாகத்தன்று இங்கு விழா
விமரிசையாக நடைபெறும்.
–
—————————————-
தினத்தந்தி