இதயத்தை பாதுகாக்கும் உணவு

by **ahmad78** Sun 5 Jul 2015 - 12:02

இந்தியாவில் அதிகபேர் இதய நோய், நீரிழிவு நோயால் பாதிக்கப்படுகின்றனர்.. இதயநோய், நீரிழிவு நோயிலிருந்து நிவாரணம் பெற தினமும் காலையில வெறும் வயிற்றில் ஒரு பெரிய நெல்லிக்கனி சாப்பிட்டுட்டு வந்தால் போதுமானது.. நெல்லிக்கனியை வெறும் கனியாக சாப்பிட முடியாவிட்டால், ஒரு தம்ளர் தண்ணீரில் நெல்லிக்காய் சாறு, இஞ்சி சாறு, எலுமிச்சை சாறு கலந்து அதனுடன் சர்க்கரை, கொஞ்சம் உப்பு சேர்த்து தண்ணிர் கலந்து சாப்பிடலாம். அதனுடன் சிறிது தேன் சேர்த்து பருகவும். காலை வேளையில் டீக்கு பதிலாக இந்த ஜூஸை குடிக்கலாம்.

இதை பருகினால் இதயநோய் ஏற்படுவதை தடுப்பதுடன், தொப்பையையும் குறைக்கலாம். நெல்லிக்காய் இதயத்தை பாதுகாப்பதுடன் கொழுப்பை கரைக்கும் சிறந்த மருந்தாகவும் பயன்படுகிறது. இது இரத்தக்குழாயில் கொழுப்பு படிவதை தடுக்கிறது.. கல்லீரல், கணையத்தை பாதுகாக்கவும் நெல்லிக்காய் பயன்படுகிறது.. மேலும் கல்லீரல், கணையத்தில் வரக்கூடிய புற்றுநோய்களையும் குணப்படுத்தும் சிறந்த மருந்து நெல்லிக்கனி.

வெள்ளைப்பூண்டு

இஞ்சி, பூண்டு இல்லாம எங்க வீட்டுல சமையலே இல்லைன்னு பலபேர் சொல்றதை கேள்விப்பட்டிருப்போம். ஆனா அதே இஞ்சியும், பூண்டும் உயர் ரத்த அழுத்தத்துக்கு நல்ல மருந்தாகும்.. தினமும் வெள்ளைப்பூண்டை வேக வைத்தோ அல்லது, தீயில சுட்டோ சாப்பிட்டுட்டு வந்தால் ஹைபிரஷர் குறைவதோடு இதயத்தையும் பாதுகாக்கும்... அதாவது, இரத்தக்குழாய்களில் பாயக்கூடிய கொழுப்பை வெள்ளைப்பூண்டு வெளியேற்றிவிடும்.

பச்சையைாக வெள்ளைப்பூண்டை சாப்பிட்டால் உடல் நலத்துக்கு மிகவும் நல்லது என்று நினைத்து சாப்பிடுவார்கள் அப்படி சாப்பிடுவதால் பூண்டில் உள்ள அமிலம் நேரடியாக வயிற்றுக்குள் போய் சேர்ந்தால் நிச்சயம் கூடுதலாக பிரச்சனையை உண்டு பண்ணும். எதை எப்படி சாப்பிடவேண்டும் என்று ஒரு வரைமுறை இருக்கு. காலரா, நிமோனியா காய்ச்சல் வந்தால் பூண்டுச்சாறு சேர்த்து தண்ணீர் கலந்து குடித்தால் நல்ல நிவாரணம் கிடைக்கும்.

அதுமட்டுமல்ல வயிறு உப்புசம், பக்கவாதம், இதயநோய், வயிற்றுவலி மாதிரி பல நோய்களுக்கு வெள்ளைப்பூண்டு நல்ல மருந்து. நெஞ்சில் சளி பிடித்திருந்தால் 50 மில்லி பால், 50 மில்லி தண்ணீர் 10, 12 பூண்டுப்பல் உரிச்சிப்போட்டு வேக வைக்கணும். நல்லா வெந்ததும் ஒரு சிட்டிகை மஞ்சள்தூள், 2 சிட்டிகை மிளகுத்தூள், தேவையான அளவு பனங்கல்கண்டு அல்லது சர்க்கரை சேர்த்து வேகவைத்து சூடு ஆறினதும் மத்தை வைத்து நல்லா கடைஞ்சி இரவு தூங்கப்போறதுக்கு முன்னாடி சாப்பிட்டா சளி தீரும்.. வாயுகோளாறு உள்ளவங்க முழு வெள்ளைப்பூண்டை தீயில் சுட்டு சாப்பிட்டுட்டு கொஞ்சம் சுடு தண்ணீர் சேர்த்து குடித்தால் நல்ல பலன் கிடைக்கும்.

செம்பருத்தி

செம்பருத்திப்பூ இதய நோய்க்கு சிறந்த மருந்து. 5 இதழ் கொண்ட செம்பருத்திதான் மருந்திற்கு மிகவும் நல்லது. காலையில் செம்பருத்திப்பூவை எடுத்து அதோட இதழ்களை மட்டும் பறித்து சாப்பிட்டு வந்தாலே இருதய நோய் வராது. வியாதி உள்ளவங்க 6 செம்பருத்திபூ வைக்கொண்டு வந்து இதழ்களை மட்டும் எடுத்து மூழ்குற அளவுக்கு தண்ணீர் விட்டு நன்றாக காய்த்து காலையில் 6 ஸ்பூன், மாலையில் 6 ஸ்பூன்னு தொடர்ந்து 20 நாள் குடித்து வந்தால் இருதய படபடப்பு, இருதய வலி, அடைப்பு எல்லாம் சரியாகும். கசாயத்தை குடிக்கும்போது தேவைப்பட்டா சர்க்கரை சேர்த்துக்கொள்ளலாம்.. பால் சேர்த்தும் சாப்பிடலாம். டீ குடிப்பதற்கு பதிலாக செம்பருத்தி கஷாயம் குடிக்கலாம்.

http://www.dinakaran.com/Medical_Detail.asp?cat=500&Nid=3688