பசியை தூண்டும் முள்ளங்கி

by **ahmad78** Tue 7 Jul 2015 - 12:57

நாம் அன்றாடம் வாங்கும் கிழங்கு வகைகளில் மேல் பக்கம் இலைகள் கூடிய கீரையுடன் தற்சமயம் முள்ளங்கி கிடைக்கிறது. முன்னரெல்லாம் கீரையுடன் கூடிய முள்ளங்கி கிடைப்பது அரிதாகும். தற்போது முள்ளங்கி கீரையின் மகத்துவத்தை மருத்துவம் எடுத்துரைப்பதே இப்படி கிடைக்க காரணமாகிறது. இக்கீரை பச்சையாக உண்ண கூட உகந்தது. காரட், பீட்ரூட், முள்ளங்கி கீரை நறுக்கி வைத்த கலவையுடன் உப்பு கலந்த எலுமிச்சை சாறு கலந்து ‘சாலட்’ உண்டால் கரப்பான், நீர்க்கோவை, சிறுநீர் தாரையில் ஏற்படும் கல்லடைப்பு போன்ற நோய்களில் இருந்து விடுபடலாம்.

இக்கீரையை பருப்பு கலந்து பொரியல் செய்து சாப்பிட கண் நரம்புகள் வலிமை பெறும். தேங்காய், நெய் கலந்து துவரம் வைத்து சாப்பிட பசியை தூண்டி ஜீரண சக்தியை அதிகரிக்க செய்யும். சூப் செய்து அருந்துவதால் உடல் எரிச்சல் மாறி குளிர்ச்சி உண்டாகும். இக்கீரையில்‘அயோடின்கால்சியம்’சத்துகள் தேங்கி கிடப்பதால் பற்கள் வலிமையாகும். இதனை பற்பல வித சுவையில் உண்பதன் வாயிலாக கண்நோய், வயிற்று நோய்கள் குணமாக வாய்ப்புண்டு.

முப்பது கலோரி வெப்ப ஆற்றல் கொண்ட இக்கீரை நுரையீரல் சம்பந்தப்பட்ட நோய்களை கூட கட்டுப்படுத்தும். நச்சு நுண்ணுயிர் கொல்லியான முள்ளங்கி கீரை சர்க்கரை நோயாளிகளுக்கு மிகவும் நல்லது. இக்கீரையை நம் வீட்டு தோட்டத்தில் கூட பயிர் செய்யலாம்.வாதநோய் உள்ளவர்கள் கட்டாயம் இக்கீரையை உட்கொள்ளல் ஆகவே ஆகாது. முள்ளங்கி வாங்கும் போது மடிப்பு, மடிப்பாய் இருக்கும் கீரையுடன் பார்த்து வாங்கினால் சுவை அதிகமாக இருக்கும்.

http://www.dinakaran.com/Medical_Detail.asp?cat=500&Nid=3701#sthash.bRa4NtMj.dpuf