பிஞ்சு நெஞ்சில் நஞ்சு...!!

பிஞ்சு நெஞ்சில் நஞ்சு….!!
*
தமிழ்செய்தி செனல்களில் சில தினங்களுக்கு முன்னர் நான்கு வயது சிறுவர்களை மது குடிக்க வைத்து, அவர்களின் உறவினர்கள் ரசித்தக் காட்சிகள் ஒலிப்பரப்பாகி, தமிழ்நாட்டு மக்களை அதிர்ச்சியுள்ளாக்க வைத்து பலரின் உள்ளங்களை உறைய வைத்தன. இதுபோன்ற சம்பங்கள் எங்கேனும் நடந்துக் கொண்டு தானிருக்கின்றன என்பதற்கு இக்காட்சித் தொகுப்புகள் சான்றாகும். மதுவை ஒழிக்க வேண்டுமென்ற குரல்கள் எங்கும் ஒலித்துக் கொண்டிருந்தாலும், அது செவிடன் காதில் ஊதியச் சங்கொலியாகத் தானிருக்கின்றது. கடந்த முப்பதாண்டுகளுக்கு மேலாக தமிழ்நாட்டின் இளம் தலைமுறை சீரழிந்து வருகின்றது என்கின்ற சம்பவங்களை புள்ளி விவரங்களோடு சமூகஆர்வலர்கள் எடுத்துக் கூறிளாலும், அதொரு புலம்பலாகவே தெரிகின்றது. மது விற்பனையை கருவூலத்தை நிரப்பும் வருவாய்த் துறையாகவே  வைத்திருக்கின்றது அரசு மது வருமானத்தை வைத்துத் தான் ஏழைமக்களுக்கு இலவசங்களை வாரி வழங்கி வருகின்றது. இவ்வருமானம் இழந்தால் அரசு இலவசங்கள் மடடுமல்ல, சிலபல திட்டங்களையும் அரசு நிறைவேற்ற முடியாது. என்பதே நிதர்சன உண்மையாகும். மது ஒழிப்பு நடக்குமா? மக்கள் ஒழிப்பு தான் நடக்குமா? அரசுக்கு வருவாய் தான் முக்கியமே ஒழிய மக்கள் வாழ்வாதாரம் முக்கியமில்லை என்கின்ற நிலை நீடித்தால் பண்பட்ட மனித சமுதாயம் காண்பதே அரிதாகிவிடும் என்றே எண்ணத் தோன்றுகின்றது.
*

உண்மைதானய்யா...
இரண்டு சிறுவர்களுக்கு மது ஊற்றிக் கொடுக்கும் எருமைகள்...
பள்ளி மாணவி தண்ணியடித்துவிட்டு பேருந்து நிலையத்தில் செய்த அட்டகாசம்...
என நாம் குடியின் பிடியில் குதூகலமாக பயணிக்க அரசு கோடிகளில் வருமானம் என மார்த்தட்டிக் கொள்கிறது.

பேஸ்புக்கில் அந்த குட்டிபையனை குடிக்க வைக்க கட்டாயப்படுத்தியதோடு  அதை வீடியோவாக எடுத்து  பதிவு செய்யாமல் இன்னும் எத்தனை எத்தனை சம்பவங்கள் நடக்கின்றதோ கடவுளுக்குத்தான் தெரியும்!

மதுவால் வீட்டுக்கு மட்டுமா கேடு. நாட்டுக்கும் தான் கேடு. அதை உணர்ந்திட்டால் எல்லாம் சரியாகும். உணரத்தானே யாரும் இல்லை. 

எல்லா  நாடுகளிலும் மதுபானம் சட்ட பூர்வமானது தானெனும் போது  இந்தியாவில் மட்டும்  மது அருந்துவோர் அதிகமாய் இருக்க அரசு தான் காரணம் என சொல்வது ஏன் என புரியவில்லை!

அரசு  மதுபானக்கடைகளை சட்டபூர்வமாக நடத்தினால்  கட்டாயம் குடிக்க வேண்டும் என  இருக்கின்றதா அங்கே?

நிஷா அக்காவின் கருத்துத்தான் எனது கருத்தும் 

மதுவால் வீட்டுக்கு மட்டுமா கேடு. நாட்டுக்கும் தான் கேடு. அதை உணர்ந்திட்டால் எல்லாம் சரியாகும். உணரத்தானே யாரும் இல்லை.

Nisha wrote:பேஸ்புக்கில் அந்த குட்டிபையனை குடிக்க வைக்க கட்டாயப்படுத்தியதோடு  அதை வீடியோவாக எடுத்து  பதிவு செய்யாமல் இன்னும் எத்தனை எத்தனை சம்பவங்கள் நடக்கின்றதோ கடவுளுக்குத்தான் தெரியும்!

மதுவால் வீட்டுக்கு மட்டுமா கேடு. நாட்டுக்கும் தான் கேடு. அதை உணர்ந்திட்டால் எல்லாம் சரியாகும். உணரத்தானே யாரும் இல்லை. 

எல்லா  நாடுகளிலும் மதுபானம் சட்ட பூர்வமானது தானெனும் போது  இந்தியாவில் மட்டும்  மது அருந்துவோர் அதிகமாய் இருக்க அரசு தான் காரணம் என சொல்வது ஏன் என புரியவில்லை!

அரசு  மதுபானக்கடைகளை சட்டபூர்வமாக நடத்தினால்  கட்டாயம் குடிக்க வேண்டும் என  இருக்கின்றதா அங்கே?

அக்கா...
தமிழ் நாட்டுல பண்டிகை காலங்களில் இத்தனை கோடிக்கு மது விற்க வேண்டும் என மறைமுக சட்டமெல்லாம் இருக்கிறது... ஆட்சியாளர்களுக்கு வருமானம் தரும் தொழிலாச்சே... பத்திரிக்கைகளும் கோடிகளில் விற்பனை என கொட்டை எழுத்தில் போட்டுக் கொள்ளும்...

இது வேறயா? 

இங்கெல்லாம் கடைகள், ஹோட்டல்களில்  அரசு பர்மிஷனோடு தான்  மதுபானங்கள்  விற்க முடியும். அதுக்கென வருஷத்துக்கு குறிப்பிட்ட தொகை வரியாக அறவிடுவார்கள்.எனினும் கடையில் முகப்பிலும்  உள்ளேய 18 வயதுக்குட்பட்டோருக்கு  மதுபானங்கள், சிகரட் போன்றவை விற்கக்கூடாது எனவும், அவர்களில் வயது குறித்த அடையாள அட்டை பரிசோதனை செய்யப்படும் எனவும்  எழுதி ஒட்ட வேண்டும் எனும் சட்டம் உண்டு. 

ஆள் வளர்த்தியாய் இருந்து  வயது குறைவாய் இருக்கும் பசங்களுக்கு   பியர் ரின் ஒன்று விற்று அது பிடிபட்டாலே போதும் பல மடங்கு தொகை அபராதமாக போட்டு விடுவார்கள்.  சட்டம் இங்கே அனைவருக்கும் சமம் தான். 

 நாடு  பணத்தினால் மட்டும் முன்னேறுவதில்லை. தனி நபர் ஆரோக்கியம், சுதந்திரம் ம்ற்றும்  அவர்கள்  வருமானம் சேமிப்பு அனைத்தையும்  கொண்டு தான் முன்னேறிட முடியும். இப்படி அரசே மதுபானங்களை விற்று அதன் மூலம் கிடைக்கும் வரியில், வருமானத்தில்  நாட்டின் வளர்ச்சிக்கு  பயன் படுத்தும் சூழல் எனில் அந்த நாடு வளராமல் இருப்பதே நல்லது.