மருதாணி

by **சே.குமார்** Wed 22 Jul 2015 - 22:01

Spoiler:

பேத்தி வைத்த மருதாணியில்

சிவந்து சிரிக்கிறது

நீ வைத்து விட்ட

மருதாணி நினைவுகள்...

மருதாணி இலை பறித்து

கொட்டைப்பாக்கு தானெடுத்து

ஏழு வீட்டு கூரையும்

எதுத்த வீட்டு கோழிக் கழிவுமாய்...

எங்க வீடு ஓடிவந்து

அம்மியில நீ அரைக்க...

மருதாணி அரைக்கிறேன்னு

மனசை அரைச்சிப் போவியே...

வேண்டான்னு மறுத்தாலும்

விடாமல் வைத்துவிட்டு

மறக்காம மறுநாளு

கைபிடித்துப் பாப்பியே...

மருதாணி சிவப்பான

விரல்கள் வீணை மீட்ட

கண்ணுக்குள் காதல் காட்டி

கள்ளச் சிரிப்பு சிரிப்பாயே...

தீபாவளி, பொங்கல்ன்னு

எல்லாத்துக்கும் நீ அரைச்சே...

ரசிச்சு வச்சிக்கிட்டு

அழகி நீ அலையவிட்டே...

பேத்தி வச்ச மருதாணி

அழகா சிவந்திருக்கு...

எனக்கு மட்டும் உன் முகம்

அதுல தெரியுதடி...

நீ பறிச்ச மருதாணிச்செடி

நின்ன இடம் தெரியலையே...

வச்சிவிட்ட கையழகு

மனசை விட்டுப் போகலையே...

வீட்டுலயே வளத்தாலும்

யாரு இப்ப வைக்கிறாக...

நம்மூரும்கூட இப்ப

மெஹந்திக்கு மாறிடிச்சு..

மருதாணி மறைஞ்சாலும்

மறையாம நீ இருக்கே...

அழுதுகிட்டு நீ போன

பாதை மறக்கலையே...

பாவி மனசு இப்போ

வாழத்தான் பழகிருச்சு...

கட்டையில போகும் வரை

கலையாது உன் நினைவு...

-'பரிவை' சே.குமார்.

by **பானுஷபானா** Thu 23 Jul 2015 - 15:36

மருதாணிக்கு மலரும் நினைவுகள் அருமை குமார்

by **சே.குமார்** Thu 23 Jul 2015 - 16:52

பானுஷபானா wrote:மருதாணிக்கு மலரும் நினைவுகள் அருமை குமார்

நன்றி அக்கா.

by *சம்ஸ் Thu 23 Jul 2015 - 17:12

மருதாணியோடு சேர்த்து மனசையும் அரைத்துப் போன நினைவுகள் அருமை சார்.

by **சே.குமார்** Thu 23 Jul 2015 - 17:36

*சம்ஸ் wrote:மருதாணியோடு சேர்த்து மனசையும் அரைத்துப் போன நினைவுகள் அருமை சார்.

நன்றி சகோதரரே...

by **Nisha** Sat 25 Jul 2015 - 13:26

மருதாணி தலைப்பே நினைவை எங்கோ கொண்டு செல்கின்றது. எமக்கும் இந்த அனுபவம் உண்டு.

நினைவுகளாய் நிஜங்கள் அருமை.

by *சம்ஸ் Sat 25 Jul 2015 - 15:03

Nisha wrote:மருதாணி தலைப்பே நினைவை எங்கோ கொண்டு செல்கின்றது. எமக்கும் இந்த அனுபவம் உண்டு.

நினைவுகளாய் நிஜங்கள் அருமை.

உண்மையில் அரைத்த மருதாணி வாசம் பொட்டுப் போன்ற வட்டப் புள்ளி பார்த்து ரசித்த அந்த காலத்தை மீண்டும் ஞாபகதிற்கு கொண்டு வந்தது உங்கள் வரிகள்.

by **சே.குமார்** Sat 25 Jul 2015 - 20:16

*சம்ஸ் wrote:
Nisha wrote:மருதாணி தலைப்பே நினைவை எங்கோ கொண்டு செல்கின்றது. எமக்கும் இந்த அனுபவம் உண்டு.

நினைவுகளாய் நிஜங்கள் அருமை.

உண்மையில் அரைத்த மருதாணி வாசம் பொட்டுப் போன்ற வட்டப் புள்ளி பார்த்து ரசித்த அந்த காலத்தை மீண்டும் ஞாபகதிற்கு கொண்டு வந்தது உங்கள் வரிகள்.

கருத்துக்கு நன்றி.

by *சம்ஸ் Sun 26 Jul 2015 - 7:24

சே.குமார் wrote:
*சம்ஸ் wrote:
Nisha wrote:மருதாணி தலைப்பே நினைவை எங்கோ கொண்டு செல்கின்றது. எமக்கும் இந்த அனுபவம் உண்டு.

நினைவுகளாய் நிஜங்கள் அருமை.

உண்மையில் அரைத்த மருதாணி வாசம் பொட்டுப் போன்ற வட்டப் புள்ளி பார்த்து ரசித்த அந்த காலத்தை மீண்டும் ஞாபகதிற்கு கொண்டு வந்தது உங்கள் வரிகள்.
கருத்துக்கு நன்றி.

நன்றி சார் உங்கள் வரிகளால் அக்காலதிற்கு எங்களை கொண்டு சென்றீர்கள். இப்பெல்லாம் மருதாணி அரைப்பதும் இல்லை வைப்பதும் இல்லை எல்லாம் நவின மயம்!அரைத்த மருதாணின் வாசத்தை உங்கள் வரிகளில் உணர முடிகிறது வாழ்த்துக்கள்.

by **Nisha** Sun 26 Jul 2015 - 9:33

அம்மாடி. ஒரு கவிதைக்கு மூன்று தடவை பின்னூட்டமா? தாங்கல்ல! முடியல்ல! என்ன கொடுமை

by *சம்ஸ் Sun 26 Jul 2015 - 14:58

Nisha wrote:அம்மாடி. ஒரு கவிதைக்கு மூன்று தடவை பின்னூட்டமா? தாங்கல்ல! முடியல்ல!

உண்மைய சொன்னால் மேடம் ஒரு சொந்த ஆக்கத்தை பதிந்து விட்டு அதற்கான பதில் மறுமொழிகளை படிக்கும் போது ஏற்படும் மகிழ்ச்சி இருக்கே அது தான் மீண்டும் மீண்டும் சிறப்பாக செய்ய தூண்டும்.

by **சே.குமார்** Mon 27 Jul 2015 - 6:25

தங்கள் கருத்துக்கு நன்றி.

by **Nisha** Mon 27 Jul 2015 - 11:02

*சம்ஸ் wrote:
Nisha wrote:அம்மாடி. ஒரு கவிதைக்கு மூன்று தடவை பின்னூட்டமா? தாங்கல்ல! முடியல்ல!

உண்மைய சொன்னால் மேடம் ஒரு சொந்த ஆக்கத்தை பதிந்து விட்டு அதற்கான பதில் மறுமொழிகளை படிக்கும் போது ஏற்படும் மகிழ்ச்சி இருக்கே அது தான் மீண்டும் மீண்டும் சிறப்பாக செய்ய தூண்டும்.

ஆமாம்! நம்ம குமார் ஏன் சம்ஸின் கவிதை திரியை படிக்கவில்லை. சுட்டுத்தள்ளு.!!

by **Nisha** Mon 27 Jul 2015 - 11:05

குமார் இந்த திரியில் போய் ச்ச்ச்ச்சும்மா அருமை, கிருமை, எருமை என மட்டும் பின்னூட்டம் இடாமல் உன் கவியழகு என தாடி மாமாவின் கவிதைக்கு கருத்தினை இட்டால் என்னவாம்? அதான் அவர் சிம்மாலிக்கா வந்து சொல்லிட்டார்ல! உங்களுக்கு புரியலையோ? ஹாஹா?

இந்த நூலை பிடித்து சென்றால்..... http://www.chenaitamilulaa.net/t48689p264-topic#465036

by Sponsored content

மருதாணி

மருதாணி

Re: மருதாணி

Re: மருதாணி

Re: மருதாணி

Re: மருதாணி

Re: மருதாணி

Re: மருதாணி

Re: மருதாணி

Re: மருதாணி

Re: மருதாணி

Re: மருதாணி

Re: மருதாணி

Re: மருதாணி

Re: மருதாணி

Re: மருதாணி