புதிய இலங்கையுன்னால்........

by **நேசமுடன் ஹாசிம்** Tue 22 Dec 2015 - 7:41

பல்லாயிரம் வருட வரலாற்றில்
இலங்கைத் தலைவர்களுள் உன் அவதாரம்
இன்று யாழ் மண்ணில் உன் வரவு கண்டு
உண்மை உணர்வுகளுடன் மெய்ச்சிலிர்க்கிறது

வாய்ப் பேச்சு அரசியல் வாதிகளின் வாயடைத்து
உண்மை அரசியல் வழி எதுவென்றுணர்த்தி
வறியவர்களின் வாய் மொழி கேட்டு
புத்துணரச்சியும் வழங்கி நிற்கின்றாய்

வாக்கிடும் காலம் மட்டும் வாதங்கள் செய்து
வெற்றியாளர்களாய் மகுடம் சூடிவிட்டு
வறியவன் பிச்சையில் அரியாசனமேறி
வந்த வழி மறந்த சல்லாப வாழ்வவர்களுக்கு

மக்களறியா மொழிச்சொற்களானாலும்
மகிழ்வு தரும் மென்மை கொண்டு
அன்னியோன்யமாய் அரவணைத்து
பாசப் பரிமாற்றத்தில் மனசிங்கு அழுகிறது
ஆனந்தக் கண்ணீர்களோடு

எத்தனை தலைமைகள் ஆண்டிருந்தும்
அதே ஆண்டியாய் வாழ்க்கை
உன் காலடித் தடம் கண்டு
யாழ் அன்னையும் அழுகிறாள் மகிழ்ந்து

என்ன செய்தாயோ எதைச் செய்வாயோ
நீயே உனக்கு அத்தாட்சி
உன் வருகையில் வரம் கிடைத்திட்டதாய்
வளரும் குழந்தையும் மகிழ்கிறதிங்கு

அடித்தவனே அணைக்கிறானென்று
திரும்பியுனைப் பார்க்கிறது உலகம்
தீண்டாதோரும் திகைத்திடுமளவு
தீர்வுகளைத் தொடர்ந்திடு மகிழ்ந்து

அஷ்தமனக் காலங்களோடு
அழுது புரண்ட நாட்கள் மறக்க
அன்னையாய் உச்சிமோர்ந்து
அகம் நிறைந்த அபிவிருத்திகளைத் தந்துவிடு

புதியதோர் உலகம் படைக்க
புத்துணர்வும் உன்னால் பிறந்திருக்கிறது
புதுமைப் புரட்சியமைத்து
புதிய தலைவனாய் தொடர்ந்திடு
புதிய இலங்கையையும் அமைந்திடும்

by **நண்பன்** Tue 22 Dec 2015 - 9:28

மிகவும் மகிழ்ச்சியாக உள்ளது ஹாசிம் நேற்று நான் கண்ட காட்சி என்னை அதிர்ச்சியாக்கியது மகிழ்ச்சியாக இருந்தது இன்ப அதிர்ச்சியாக இருந்தது
இந்தக் காட்சி நேசமுடன் ஹாசிம் உங்கள் கண்ணில் படாதா என்று நினைத்தேன் ஆனால் அது உங்கள் கண்ணிலும் பட்டிருக்கிறது என்பது உங்கள் கவிதை வரிகளில் காண முடிகிறது மிகவும் மகிழ்ச்சியாக உள்ளது சந்தோம்

சிங்களவாக இருந்தாலும் இப்படி ஒரு தலமையை நான் என் வாழ் நாளில் கண்டதில்லை மிகவும் சந்தோம்
புதியதோர் உலகம் படைக்க
புத்துணர்வும் உன்னால் பிறந்திருக்கிறது
புதுமைப் புரட்சியமைத்து
புதிய தலைவனாய் தொடர்ந்திடு
புதிய இலங்கையையும் அமைந்திடும்
அருமை அருமை அருமை

by **நேசமுடன் ஹாசிம்** Tue 22 Dec 2015 - 16:52

இந்த நிகழ்வைக் கண்டவர்களில் மெய்ச்சிடாதவர் யாருமில்லை எனலாம் அந்த அளவு மிகவும் வராலாற்று முக்கியத்துவமாக இது பதியப்பட்டுவிட்டது உண்மையில் வரவேற்கத்தக்க விடயம் அவரது பேச்சில் உண்மை புலப்பட்டது செயற்பாட்டிலும் பல மாற்றங்கள் நிகழ்த்தி முன்னேற்றமான வாழ்வை அம் மக்களுக்கு வழங்கிடட்டும் நன்றி உங்களின் அருமையான கருத்திற்கு

by **சே.குமார்** Tue 22 Dec 2015 - 18:44

நம் மக்களின் வாழ்வாதாரம் மேம்பட்டு புதிய இலங்கை அமையட்டும்..

by **Nisha** Tue 22 Dec 2015 - 19:57

அரசியலில் இதெல்லாம் சகஜம் பா என மட்டும் தான் சொல்ல தோன்றுகின்றது.

நல்லது நடந்தால் சரி-

நம்மவர்கள் பெலவீனமே சட்டென உணர்வு வசப்பட்டு ஏத்துதலும் தூற்றுதலும் தானே? காலம் அனைத்துக்கும் பதிலாய் அமையும்.

by **நண்பன்** Tue 22 Dec 2015 - 20:18

நேசமுடன் ஹாசிம் wrote:இந்த நிகழ்வைக் கண்டவர்களில் மெய்ச்சிடாதவர் யாருமில்லை எனலாம் அந்த அளவு மிகவும் வராலாற்று முக்கியத்துவமாக இது பதியப்பட்டுவிட்டது உண்மையில் வரவேற்கத்தக்க விடயம் அவரது பேச்சில் உண்மை புலப்பட்டது செயற்பாட்டிலும் பல மாற்றங்கள் நிகழ்த்தி முன்னேற்றமான வாழ்வை அம் மக்களுக்கு வழங்கிடட்டும் நன்றி உங்களின் அருமையான கருத்திற்கு

by **நண்பன்** Tue 22 Dec 2015 - 20:20

Nisha wrote:அரசியலில் இதெல்லாம் சகஜம் பா என மட்டும் தான் சொல்ல தோன்றுகின்றது.

நல்லது நடந்தால் சரி-

நம்மவர்கள் பெலவீனமே சட்டென உணர்வு வசப்பட்டு ஏத்துதலும் தூற்றுதலும் தானே? காலம் அனைத்துக்கும் பதிலாய் அமையும்.

இலங்கை வரலாற்றில் இது சரித்திரம் அதுதான் உண்மை மைத்திரி சலூட்

by Sponsored content

புதிய இலங்கையுன்னால்........

புதிய இலங்கையுன்னால்........

Re: புதிய இலங்கையுன்னால்........

Re: புதிய இலங்கையுன்னால்........

Re: புதிய இலங்கையுன்னால்........

Re: புதிய இலங்கையுன்னால்........

Re: புதிய இலங்கையுன்னால்........

Re: புதிய இலங்கையுன்னால்........

Re: புதிய இலங்கையுன்னால்........