முதிர்கன்னி என்தவறா.....????

by **நேசமுடன் ஹாசிம்** Wed 2 Mar 2016 - 10:17

வயதிங்கு உரமாகி
உணர்விங்கு உயிராகி
அடங்கிய ஆசைகள்
அனலாய் எரிக்கிறது

ஏந்தி நின்ற ஏழ்மையில்
சீர்வரிசைச் சாசனங்களால்
சிற்பமாய் இன்னும்
சிறை வைக்கப்பட்டிருக்கிறேன்

முனைந்திடாக் காதலும்
முடிந்திடா மணவாழ்வும்
முதிர்க்கன்னி எனையாக்கி
ஒப்படைத்திருக்கிறது முதுமையை

கனிந்திடா என் கற்பு
உதிர்ந்திடும் காலமாகியும்
ஒடிந்து கிடக்கின்றேன்
ஒவ்வாமை நிகழ்வுகளோடு

குமுறச் செய்த என்சமுகம்
குற்ற உணர்வு ஏதுமின்றி
குலப்பெருமை பேசுகிறது
இக்குறை நிவர்த்திக்க மறந்து

by **Nisha** Wed 2 Mar 2016 - 13:49

முதிர் கன்னியின் ஏக்கங்கள் வரிகளில் அருமையாய் எழுதப்பட்டிருக்கின்றது. அதென்னமோ சீதனப்பிரச்சனை இப்போதெல்லாம் இல்லை என சொல்கின்றார்களே, அப்புறமிந்த முதிர்கன்னிகள் எப்படி உருவாகுகின்றார்கள்?

by **நேசமுடன் ஹாசிம்** Wed 2 Mar 2016 - 14:27

Nisha wrote:முதிர் கன்னியின் ஏக்கங்கள் வரிகளில் அருமையாய் எழுதப்பட்டிருக்கின்றது. அதென்னமோ சீதனப்பிரச்சனை இப்போதெல்லாம் இல்லை என சொல்கின்றார்களே, அப்புறமிந்த முதிர்கன்னிகள் எப்படி உருவாகுகின்றார்கள்?

சீதப் பிரச்சினை தீர்ந்துவிட்டதா அது பல ரூபத்தில இப்ப இருக்கிறது அக்கா அது மாறும் வரை இவைகள் அழியாது
எனக்குத் தெரிந்து என்னிலும் வயது கூடிய தோழிகள் இன்னும் திருமணமில்லாமல் இருக்கிறார்கள் அவர்களைக் காணும் போது மிகவும் கவலையாக இருக்கும்

by Sponsored content

முதிர்கன்னி என்தவறா.....????

முதிர்கன்னி என்தவறா.....????

Re: முதிர்கன்னி என்தவறா.....????

Re: முதிர்கன்னி என்தவறா.....????

Re: முதிர்கன்னி என்தவறா.....????